بنات الله يخليكم ساعدوني انا تزوجت واحدماله في الاكل شي مايحب الصواني ولاشي حياته بس الكبسه ولا بعد الكبسه العاديه يعني بسوي برياني يقول لا مقلوبه كمان لا حتى اصحابه مسمينه.....(الساده) تخيلوا مايونيز ماياكل سلطات المكرونه ماياكل المحاشي ماياكل وانا بصراحه تعبت ودي اسوي واطبخ وابدع عنده الله يخليكم قولوا لي ايش اسوي عشان يغامر وياكل لا تقولون مثل اهلي احمدي ربك ربي رزقك واحد مايبي يتعبك انا ابغى اتعب بس يقول انا مشتهي كذا وكذا
29-04-1431 هـ, 02:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هههههههههههه
والله كأنك تتكلمين عن زوجي كل ماقلت له راح أسوي الأكله الفلانيه يقول لا سوي بس كبسه
جلست فتره وأنا أسمع كلامه وعذره يقول مأحبها غيرها طبعي كذا ماتعودت وانا مأعجبني الوضع وقرر أني أسوي الي أبيه وبالفعل
صرت أخذ من المنتدى وأطبق بس أول مره كنت خايفه انه مايتغدى لاني ماسويت الكبسه الي يحبها
بس تفاجأت أنه أكل منها وأعجبته المكرونه بالباشمل ولما سألته وين راحا كلامك قال ماكنت أحب أتعبك بالطبخ وتجلسين أغلب وقتك في المطبخ
يمكن يكون زوجك لنفس السبب بس أنت سوي أي شي غير الكبسه وخليه أما الأمر الواقع صدقيني راح ياكل جرب وشوفي مانت خسرانه شي
لان الرجال عدوهم الجوع صدقيني راح يأكل من الي بتسوينه وأذا بغيتي تسوين شي لاتسألينه سوي الي في بالك
لان هذي طريقتي مع زوجي الى الحين أسوي الي في بالي بدون مأسأله والحمد لله يعجبه كثير مع أني أتمنى أنه يطلبني الطبخه الفلانيه أو الحلا الفلاني
بس شا نقول الله يعين وبس
29-04-1431 هـ, 02:57 مساءً
 
مشكوره هموسه فكرت كذا وسويت مره محشي اكل شوي بس قال حلو بس مافيه شي غريب بس قال ماحب ومره كنت حامل واشتهيت مكرونه باشميل وقلت ماقدر اسوي صينيه وماحد ياكل الا انا وجبتها عند ولا اكل والله تعبت
29-04-1431 هـ, 03:23 مساءً
 
والله مدري وش اقولك

بس انتي جربي واطبخي لو بكميات قليله

وخلي شكل التقديم يكون حلوو يمكن يشتيهيهاا وتدخل مزاجه

وياااكلهااا
29-04-1431 هـ, 03:32 مساءً
 
الغدا سوي الكبسه اللي ياكلها وسوي سلطه او محشي وكلها بكميات قليله وشوي شوي يتغير
29-04-1431 هـ, 03:34 مساءً
 


الساعة الآن 01:57 .