• سبحان الله وبحمده سبحان الله العظيم
11-06-1437 هـ, 03:19 صباحاً
 
اقتباس مشاركة  (شيخة أحمد)
اللي حابة تسأل عن جدة وعن ما في جدة تسألني وبقوة
خبرة طال عمركم في أسواق الجملة 19 سنة


قبل كل شيء أذكر لكم مساويء وعيوب أسواق الجملة :

* بعض المحلات ما تبيعك إلاَّ بالكرتون مو بالدرزن
يعني الكرتون فيه 12 درزن
ولابد الحذر من الشراء لإن العدد كبير فتخافين من كساد البضاعة

* أسواق الجملة ما تقدرين تروحين لها بعد العشاء أبداً
لإنك ما راح تستفيدين
لأن أكثر المحلات اللي هناك محلات صغيرة
ما يحطون في المحل إلاَّ عينات ومجموعة بسيطة
ومستودعاتهم بعيدة
فلما تجين وتبغين طلبيات كلهم يردون عليك رد واحد
إحجزي هالحين وبكرة الإستلام لإن المستودعات مقفلة

* أسواق الجملة يوم الجمعة ما تفتح أبداً
يعني لو رحتِ الخميس واشتريتِ ورجعتِ البيت ولقيتِ غلط في العدد أو غلط في الألوان
فما تقدرين ثاني يوم ترجعينها ، لابد تنتظرين ليوم السبت

* ما في مواقف هناك إلا بعيدة عن المكان
فإحذروا من سحبة الونش لسياراتكم
وخصوصاً إذا موقفين غلط أو سادين طريق

* الدرزن يجيك ملون وهذا جداً جداً جداً جداً متعب بالنسبة لي
لإني أسوي طلبيات توزيعات مثلاً
فلما تجي الزبونة تبغى الطلبية كلها لون واحد أو لونين
ذهبي وعودي مثلاً
فبعض المحلات ترفض تعطيك اللون اللي طلبتيه فقط
تعطيك وتلزمك إنك تشترين ملون وانتِ مانتِ في حاجة لكل هالألوان

* المقاسات المختلفة
ما يعطونك مقاس واحد في الملابس أو الأحذية
كل المقاسات موجودة في الدرزن
وبرضو هذا الشيء متعب لو اخترتِ نوع أو شكل مرغوب لفئة وما هو مرغوب لفئة


،


نجي هالحين لخريطة أسواق الجملة بجدة
معاكم المرشدة السياحية / شيخة أحمد


وصف دقيق وكامل لأسواق الجملة
عشان خاطر صاحبة الموضوع اللي تعبت تقول أفيدونا



الخاسكية القديمة

وهي أمام مؤسسة النقد السعودي اللي في البلد
وتم تخصيصها الآن لبيع الإكسسوارات والملابس والشنط وشنط السفر

الخاسكية الجديدة

وهي بجوار الدفاع المدني على يدك اليمين من بعد مؤسسة النقد
وتم تخصيصها لبيع الخردوات والتوزيعات وفيها كم محل لبيع الأدوات المنزلية
وفيها متجر ألعاب الطفل وفيها محل خاص للوزام العروسة من معاليق وأكياس ملابس

وأول السوق حتشوفين محلات بيع المكياج ومستلزمات الصوالين
محل محمود سعيد ومحل نور
من عند محل محمود سعيد لو لفيتي يسار
حتدخلين على كافة محلات اللي تبيع العطور
محل جنيد وحامل المسك وأجمل وووو إلخ
بالنسبة لجنيد أبداً ما فيه فرق السعر
جنيد اللي في البلد نفسه اللي في أي فرع
كمان حامل المسك وأجمل

باب مكة
قبل الخاسكية
قبل ما تروحين لدوار البيعة
حيجيك على يدك اليسار شارع العسل
شارع طويل كل المحلات فيه متخصصة في بيع العسل والسمن

على يدك اليسار حتشوفين ممر للمشاة
تنزلين وتمشين عاد
أول شيء حتشوفين محلات الأرزاق ( المواد الغذائية )
وبعدين تبدأ محلات الطرح والعبايات
والأدوات المنزلية والبلاستيكية المستهلكة

من عند باب مكة
حتشوفين عمارة طويلة مكتوب عليها فخري
تدخلين من هناك توصلين لعماير الباشا وأبراج الملكة
والسوق الشعبي اللي يباع فيه الملابس

وإذا كملتي الشارع كله كأنك رايحة للخاسكية
حيجي على يدك اليمين مركز المحمل وعمارة الكورنيش
اللي متخصصة في بيع العطور والمكياج

الهنداوية بعيدة تماماً عن الخاسكية
قريبة من الميناء
ونفس الشيء منقسمة قسمين
قسم متخصص لبيع الأدوات المنزلية
وقسم متخصص في الكلف وأدوات الخياطة ومستلزمات التغليف والهدايا

أما محمود سعيد فما هو حول الخاسكية ولا الهنداوية أبداً
سوق محمود سعيدة سوق شعبي متخصص في الأثاث
وهذا موجود عن دوار الدراجة
على يدك اليمين بعد الدوار

سوق الصواريخ أو الجنوبية
فهذا بعيد جداً عن وما تروحين له إلا في النهار

رحت مرة واحدة وحلفت بعدها ما أروح
ما عجبني أبداً

اللي يسألون عن الملابس
محلات تاج توج وكافة المحلات اللي حواليه في حي الصفا
بعد دوار الهندسة على يدك اليمين
يغنيك عن الطلب
لإن الأسعار هناك رخيصة وبصراحة لبسهم ذا جودة


وسلامتكم
اللي حابة تسأل عن شيء حياها الله
حبيبتي الله يجزاكي خير .. ابي منك وين الاقي محلات تبيع بالجملة حلويات مستوردة و بضايع تركية مثل شاهي تركي قهوة تركية حلقوم
وابي محلات تبيع شكلاطة بالجملة .. وربي يسعدك ويرفع قدرك
12-06-1437 هـ, 03:37 صباحاً
 
جزاكم الله خير بعض المشاركات مفيدة
15-06-1437 هـ, 12:11 صباحاً
 
مركز الهنداويه اسعارهم بالجمله
15-06-1437 هـ, 03:43 مساءً
 
اقتباس مشاركة  (شيخة أحمد)
اللي حابة تسأل عن جدة وعن ما في جدة تسألني وبقوة
خبرة طال عمركم في أسواق الجملة 19 سنة


قبل كل شيء أذكر لكم مساويء وعيوب أسواق الجملة :

* بعض المحلات ما تبيعك إلاَّ بالكرتون مو بالدرزن
يعني الكرتون فيه 12 درزن
ولابد الحذر من الشراء لإن العدد كبير فتخافين من كساد البضاعة

* أسواق الجملة ما تقدرين تروحين لها بعد العشاء أبداً
لإنك ما راح تستفيدين
لأن أكثر المحلات اللي هناك محلات صغيرة
ما يحطون في المحل إلاَّ عينات ومجموعة بسيطة
ومستودعاتهم بعيدة
فلما تجين وتبغين طلبيات كلهم يردون عليك رد واحد
إحجزي هالحين وبكرة الإستلام لإن المستودعات مقفلة

* أسواق الجملة يوم الجمعة ما تفتح أبداً
يعني لو رحتِ الخميس واشتريتِ ورجعتِ البيت ولقيتِ غلط في العدد أو غلط في الألوان
فما تقدرين ثاني يوم ترجعينها ، لابد تنتظرين ليوم السبت

* ما في مواقف هناك إلا بعيدة عن المكان
فإحذروا من سحبة الونش لسياراتكم
وخصوصاً إذا موقفين غلط أو سادين طريق

* الدرزن يجيك ملون وهذا جداً جداً جداً جداً متعب بالنسبة لي
لإني أسوي طلبيات توزيعات مثلاً
فلما تجي الزبونة تبغى الطلبية كلها لون واحد أو لونين
ذهبي وعودي مثلاً
فبعض المحلات ترفض تعطيك اللون اللي طلبتيه فقط
تعطيك وتلزمك إنك تشترين ملون وانتِ مانتِ في حاجة لكل هالألوان

* المقاسات المختلفة
ما يعطونك مقاس واحد في الملابس أو الأحذية
كل المقاسات موجودة في الدرزن
وبرضو هذا الشيء متعب لو اخترتِ نوع أو شكل مرغوب لفئة وما هو مرغوب لفئة


،


نجي هالحين لخريطة أسواق الجملة بجدة
معاكم المرشدة السياحية / شيخة أحمد


وصف دقيق وكامل لأسواق الجملة
عشان خاطر صاحبة الموضوع اللي تعبت تقول أفيدونا



الخاسكية القديمة

وهي أمام مؤسسة النقد السعودي اللي في البلد
وتم تخصيصها الآن لبيع الإكسسوارات والملابس والشنط وشنط السفر

الخاسكية الجديدة

وهي بجوار الدفاع المدني على يدك اليمين من بعد مؤسسة النقد
وتم تخصيصها لبيع الخردوات والتوزيعات وفيها كم محل لبيع الأدوات المنزلية
وفيها متجر ألعاب الطفل وفيها محل خاص للوزام العروسة من معاليق وأكياس ملابس

وأول السوق حتشوفين محلات بيع المكياج ومستلزمات الصوالين
محل محمود سعيد ومحل نور
من عند محل محمود سعيد لو لفيتي يسار
حتدخلين على كافة محلات اللي تبيع العطور
محل جنيد وحامل المسك وأجمل وووو إلخ
بالنسبة لجنيد أبداً ما فيه فرق السعر
جنيد اللي في البلد نفسه اللي في أي فرع
كمان حامل المسك وأجمل

باب مكة
قبل الخاسكية
قبل ما تروحين لدوار البيعة
حيجيك على يدك اليسار شارع العسل
شارع طويل كل المحلات فيه متخصصة في بيع العسل والسمن

على يدك اليسار حتشوفين ممر للمشاة
تنزلين وتمشين عاد
أول شيء حتشوفين محلات الأرزاق ( المواد الغذائية )
وبعدين تبدأ محلات الطرح والعبايات
والأدوات المنزلية والبلاستيكية المستهلكة

من عند باب مكة
حتشوفين عمارة طويلة مكتوب عليها فخري
تدخلين من هناك توصلين لعماير الباشا وأبراج الملكة
والسوق الشعبي اللي يباع فيه الملابس

وإذا كملتي الشارع كله كأنك رايحة للخاسكية
حيجي على يدك اليمين مركز المحمل وعمارة الكورنيش
اللي متخصصة في بيع العطور والمكياج

الهنداوية بعيدة تماماً عن الخاسكية
قريبة من الميناء
ونفس الشيء منقسمة قسمين
قسم متخصص لبيع الأدوات المنزلية
وقسم متخصص في الكلف وأدوات الخياطة ومستلزمات التغليف والهدايا

أما محمود سعيد فما هو حول الخاسكية ولا الهنداوية أبداً
سوق محمود سعيدة سوق شعبي متخصص في الأثاث
وهذا موجود عن دوار الدراجة
على يدك اليمين بعد الدوار

سوق الصواريخ أو الجنوبية
فهذا بعيد جداً عن وما تروحين له إلا في النهار

رحت مرة واحدة وحلفت بعدها ما أروح
ما عجبني أبداً

اللي يسألون عن الملابس
محلات تاج توج وكافة المحلات اللي حواليه في حي الصفا
بعد دوار الهندسة على يدك اليمين
يغنيك عن الطلب
لإن الأسعار هناك رخيصة وبصراحة لبسهم ذا جودة


وسلامتكم
اللي حابة تسأل عن شيء حياها الله
السلام عليكم لو سمحتى حابه اسالك فين الاقى تاجرة بجدة او تاجر جمله يشحن لى زيوت تريشوب وكيشور والزباد للشعر ومسك الطهاره ولكى جزيل الشكر
18-12-1437 هـ, 08:14 مساءً
 


الساعة الآن 07:37 .