السلام عليكم

انا شريت قدر الضغط السيف وماجربته الى الان خايفه منه
وشلون استخدمه وكيف اخلي البخار يطلع افك غطاء الصمام ولا هو من حاله يسوي المهمه
وكيف اسوي الكبسه والايدام بسوي الغداء فيه
وهذي صورته

اختي قدر الضغط بدك تحكمي اغلاقه تماما لما بتضعيه على الغاز طبعا مع الصافرة وبتبدأ تحسبي المدة بعد سماع صوت الصافرة ودورانها بشكل منتظم النار بتكون عادية يعني لا تقصري النار تحته .. واهم شيء لما تنتهي من المدة وتشيلي قدر الضغط لا تفتحي الغطاء طبعا اياك ان تفعلي هذا وانما بتنزعي الصافرة ومن مكانها بيخرج البخار الذي بالقدر ولما ينتهي البخار نهائي يعني ما يبقى بخار عم يخرج بتفتحيها شوي شوي ..
انا بستعمل طناجر السب الفرنسي مثلا بدك تطبخي اي نوع طبيخ مرق بتضعي اللحمة بتقلبيها مع البصلة بتبهري وبتحطي مكونات الطبخة الخضار اللي بدك اياها وبتقلبيها مع اللحم وبتضعي المرق وبتقفلي .. في طنجرة السب اي طبخة باللحم بتاخد من 20 الى 25 دقيقة نصف ساعة بالكثير اذا اللحمة كبيرة جدا .. الدجاج بياخد وقت اقل من عشر دقائق الى اقل من ربع ساعة بالكثير ..
النسبة لنوع قدر الضغط اللي انتي شارتيه ما اعرف كيف عياره لكن اكيد معاه كتيب اقرايه منيح بكون فيه تعليمات مهمة ..
طيب اختي الصوت اذا طلع بعني استوى الاكل ولا زاطفي النار عليه
لا اختي لما بتبدا الصفارة بالتصفير بتبداي تحسبي الوقت يعني مثلا اللحوم تحتاج من 25 دقيقة الى نصف ساعة بتبداي تحسبي الوقت هذا من ساعة انطلاق صوت الصفارة وبتبقي النار تحتها عادية بعد انتهاء الوقت بتطفي وبتعملي الخطوات اللي قلت لك عنها في فتح الطنجرة .. واذا وجدت الاكل غير مستوي ويحتاج لوقت بعد بترجعي بتغلقي الطنجرة وبتحسبي من ساعة انطلاق صوت الصافرة على حسب ما بتقدري بدها وقت اضافي من خمس الى عشر دقائق
وتحياتي
رفع


الساعة الآن 12:39 .