السلام عليكم ورحمة الله وبركاته
كيف الحال ياغوالي
بدون مااطول عليكم اليوم سويت صينية خضار بس بدون قلي
مليت من القلي ريحه ومتعب وزيوت وووو
قطعت الخضار مكعبات وسلقتهم اول شي حطيت الجزر قبلهم ب5دقايق بعدين البقية
مع شوية ملح ونص قطعة ماجي وشوية زيت
وبينما الخضار تنسلق قطعت بصل وثوم صغير مرررة (بالطاحونه)
وحمستهم شوي على النار بشوية زيت وحطيت عليهم طماط مطحون وفلفل اسود وبهارات وماجي وملح وخليته تتسبك لين صارت شبة سايلة
خليت الخضار تنسلق ثلاث ارباع السلقة
صفيتهم من الموية
وحطيت عليهم شوية كمون وخلطتهم بشويش مع خلطة الطماط
وحطيتهم بصينية الفرن وفوقه الخلطة المعروفة
(قشطة + جبن +شوية مايونيز)
وفوقه جبن مبشووووووور
شغلت الفرن من تحت لين يتداخل الطعم عشر دقايق تقريبا او ربع ساعه حسب ماتشوفين وحسب حرارة فرنك
وبعدين من فوق شوي لين تتحمر
ويمي الطعم والله ماتخيله كذا احلى من القلي ولافرررررررررررررررررق
صار شعاري مع صينية الخضار لاقلي بعد اليوم
ومااخذت مني وقت كثير
وهذي بعض الصور
مااحب صينية الخضار تكون ناشفة ابددددددددددد شوفوا هالصورة
وهذا صحن ولدي
وسلامتكم..
(تذكرت شي تراي احط من ضمن الخضار قرع لذيذ مررره)
nice angle @nice_angle
محررة برونزية
يلزم عليك تسجيل الدخول أولًا لكتابة تعليق.
vovov :كم مدة السلقكم مدة السلق
مافات شي يالغلا سويها وماراح تندمين لذيذذذذذذذذذذة
يسلمو ياقلبي تواجدك
والله ماحسبته اختي هذي اول مره اسويها
انتي جيبي ملعقة وشوفي الخضار واهم شي البطاطس لانه هو اللي يتأخر اذا حسيتي انك تقدرين تقطعينه بالملعقة بس باقي عليه شوي يعني خلاص سكري النار وصفيه من المويه على طول <<< والله من زين الشرح ادري خخخخخخ
يسلمو ياقلبي تواجدك
والله ماحسبته اختي هذي اول مره اسويها
انتي جيبي ملعقة وشوفي الخضار واهم شي البطاطس لانه هو اللي يتأخر اذا حسيتي انك تقدرين تقطعينه بالملعقة بس باقي عليه شوي يعني خلاص سكري النار وصفيه من المويه على طول <<< والله من زين الشرح ادري خخخخخخ
الصفحة الأخيرة
وين هالطريقه من زمااان عني
كنت نفسي اسوي صينيه خضار خاليه من القلي
جيتي وجبتي طبختك الله يسعدك حبيبتي
جاااااااااااااااااااري التطبيق