السلام عليكم اخواتي

شفت موضوع عن ام علي وعجبني كلش
ولأني من عشاق ام علي قررت اسوية
ورحت شريت من السوبر ماركت ((البف بستري)) وكنت مفكرة إنة مثل اللي موضوع الاخت اللي عن ام علي!

والمشكلة العلبة فيها 40شريحة يعني تورط فيهم

لكن بليز اخواتي لا ترودوني عندكم حل شنو اسوي في هذا اللي شريتة عندكم اطباق حلويات او اي شي ممكن استفيد من البف بستري منه؟؟؟؟؟؟؟؟؟؟؟؟


ثانياً بغيت اشتري ورق جلاش من وين يشترونة ابغي اسوي ام علي ميتة فيها خاطري اسويها بسرعة

وبليز يعني في ورق جلاش ماركة الكرامة؟

وشلون تكون الاوراق في العلبة علشان لا تختلط على الامور واكرر وبعد اشتري شي غلط>>>وحدة كلش ما ليها في الطباخ

وإذا عندكم صورة تساعدني بليز لا تخيرون ردي..>>>صج طماعة 1000 طلب وبعد تتشرط

انتظر ردكم بفارغ الصبر




[ادعوا لي بالذرية الصالحة
هلا الغاليه campoocha..

ياقلبي انا اسوي ام علي بالبف باستري..تطلع حلوه وتهبل..

واذا ماتدرين وش تسوين فيها..ممكن عادي تحشينها بأي حشوه...

جبنه او دجاج وخضار او اي حشوه تعجبك..واخبزيه بالفرن..

وممكن تحشينه بجبنة كيري وكل مربع لفيه الى شكل مثلث واخبزيه..

وبعد ماتطلعينه صبي عليه شيره تطلع حلوه والله..

واوراق الجلاش تلقينها بالسوبرماركت منتشره..اعتقد شركة السنبله والكرامه..

والله ماني متأكده لأني ماعمري شريتها..

وسلامتك..
الحمدلله ,, ماشاء الله لاقوة إلا بالله


مشاعل الخير فرحتين قلبي حبيبتي

اي جذي ريحتيني

كنت منحرجة من زوجي .>> لأني قاعدة اقول له بسوي له ام علي


ولطع ما يصير في هذا

قلت بل الحين بقول عني غبية ولا اعرف شي




[ادعوا لي بالذرية الصالحة

هلا فيــج اختــي..

البف باستري بصراحة ما احب استخدمه حق ام علي..
احس انه بيكون لين وايد..

في له طرقــ كثيرة وتوني من كم يوم مسوية هالطريقــة..

اخذ دجاج وافوحه واسلجــه يعني افتته الكمية اللي تبينها
وعقب احمس بصلة مع جزرة مبشورة واضيف عليها فلفل اسود شوية
وبزار شوي واضيف مكعب واحد ماجي وبعدين اضيف الدجاج المفتت واقلبه عدل
واخر شي اضيف جبن مبشور مع ملعقتين مايونيز او ملعقتين اي جبن سائل

واخذ بايركس واصف البف باستري يم بعض طبقة وحدة بس وعقب اخذ الحشوة واحطها
واغطيها بشرائح البف باستري وادهن الوجه بالبيض وادخله الفرن ..

واذا ما توفر الجبن المبشور او السائل تقدرين تصفين شرائح جبن لسليس يطلع احلى
وبس ادخلينه الفرن عقب وبسسسسسسسس يطلع حلو

ورق جلاش تلاقينه في كل سوبر ماركت عندنا وفي من ماركة الكرامة
ام علي انا اسويها بورق الجلاش واسويها اصابع نفس اللي يبيعونها برى
تطلع حلللللوة ..

اي شي تبينه بس قولي لنا ...

على فكرة انا ما افرد البف باستري حق الطريقة اللي عطيتج اياها لا احطها نفس ماهي
وتنتفخ وتصير فللللللللة ..


احلــى تحيــة..
يا عمري عليج ((( موج البحرين)))

والله الطريقة سهلة وعجيبة خلاص اسويها لأني توهقت فيه


مشكوورة حبيبتي

زين بس عمري إذا ممكن تشرحين لي ورق جلاش مال الكرامة شلون يصير شكلة والعلبة شلون شكلها مربعة او مستطيلة لو شنو.؟



تسلمين حبيبتي




[ادعوا لي بالذرية الصالحة


الساعة الآن 10:02 .