مساء الخير لكل الوجودين ومسروره بتواجدكم وطلباتكم الحلوه وجزاكم الله خير
اختي لووتس مشكوره ياقلبي
اختي غريبة ديار (اي موعلى عيني خيتو )
اختي( مالكة روحه) مافيه كلافه اطلبي وتدللي
بالنسبه للمنتو والفرموزه عجينه وحده وممكن للسمبوسه البف
ومقاديرها /كاستين دقيق ابيض +بيضه+ربع الكاس زيت+رشة ملح +ونصف الكاس مويه
تعجن جيدا حتى تصبح متماسكه ولا تلزق باليد اذا احتاجت العجين للمويه ممكن الاضافه بس مايكثر
تجهزي الحشوه /لحم مفروم ويكون دهني +2-3بصل مفروم حشن+فلفل اسود +ملح وتعجن جيدا
تقطع العجين كرات بحجم صفار البيضه وتفرد الكره جيدا ويوضع ملعقه او اقل من اللحمه وتضم الاطراف جيدا (مثل البقشه)
وتضغطي على الزائد من العجين وتقطع وتدهن طبقات قدر المنتو بالزيت وترص فيها المنتو والقدر في الاسفل يملىء نصفه بالماء وقليل من الزيت وملح وكل ماخلصتي من طبقه ضعيها على القدر بعد غليانه وغطيه حتى تنضج
بالنسبه للفرموزه/ضعي اللحمه المفرومه في قدر على النار مع الملح حتى تجف المويه ارفعيها عن النار ضعي طماطمه متوسطة الحجم وقطعيها مكعبات صغيره بدون مويتها و2بصل مفروم خشن ونص ملعقه فلفل اسود وتحركينها
العجينه تفرد وتضع ملعقه من الحشوه وتاخذي الطرف الاول وتغطي فيه الحشوه والطرف الثاني فوقها يبقى ااجزء العلوي والسفلي رجعيها على بعض (شكل المخده ) ودهني الوجه بالبيض او حليب سائل وحطيها في الفرن من تحت ثم من فوق وبالعافيه على قلوبكم
وحبيبتي (مالكة روحة)اهم شي في شوربة الحب البهارات خذيها من عطار ممتاز وتكون سليمه ونظيفه
في قدر الضغط قطعي البصله مكعبات صغيره مع الزيت حتى تحمر ضعي اللحمه مكعبات بالعظم وشوحيها شوي وحطي البهارات في الصفايه (على شكل بيضه) والحب بعد ماتغسليه وملعقتين صلصة طماطم وطماطم مطحونه وملح وماجي وحركي شوي وبعدها المويه المغليه وغطيه الى ان ينضج اللحم والحب بعدها خذي شوي من المرقه وحي ملعقه حليب بودره وملعقتين دقيق وحركيه وضعيه على الشوربه ويدك الثانيه تحرك الشوربه عشان مايتكتل الدقيق (كرات الدقيق) البهارات اذا كانت مطحونه ماتعطي نتيجه حلوه
البهارات صحيحه (كزبره ناشفه+كمون +فلفل اسود+هيل+قرنفل+ق فه+بصل مجفف حسب الرغبه +خولنجان+ليمون اسود)
الف شكر لك ويعطيك الف عافيه


الساعة الآن 03:31 .