القهوة وشوربة كويكر

السلام عليكم

القهوه .. بحاول احط لك مقادير علشان تساعدك


القهوه فيه انواع شي غامق وشي فاتح وشي خشن وشي ناعم

غرشه = قنينه = ماي الحجم الصغير نص لتر+ ملعقتين اكل قهوه اذا كانت حشنه اما اذا كانت ناعمه وغامقه فملعقه او ملعقه ونصف

تضعيهم علي النار حتى الغليان .. تتركينها 3 دقايق هم تصبينها في الدله

طبعا تضعين في الدله قبل صب القهوه فيها ملعقه صغيره هيل وقليل من الزعفران

هذي كميه صغيره جربيها ويمكنك مضاعفه المقادير

وصدقيني كذا مره وبتضبط لك


بخصوص الشوربه هناك العشرات من الوصفات واصبحت الان اكثر الشوربات تدخل فيها كورير انتي حاولي تسوين بحث في المنتدي وبتشوفين اشكال والوان

طريقه شوربه دجاج مكع كوكير

طبعا المقادير علي حسب الاشخاص

ممكن نص دجاجه اسلقيها جيدا واذا حبيتي تشيلين العظم

ولين نضجت الدجاجه زين اضيفي ملعقتين او ثلاث من الكويكر وحركيه جيدا حتي ما يتكتل حتي يذوب .. ثم اضيفي الملح او مكعب ماجي .. وانتي لاحظي اذا صارت كثيفه اضيفي الماء الحار واذا خفيفه اضيفي كوير.. وبالعافيه

ويمكنك اضافيه حبه طماط طازجه بعد ازاله القشره وفرمها صغيرا

وممكن اضافه بعض انواع الخضروات علي حسب الرغبه

وكل عام وانت بخير

شوربة كويكر
المقادير:
7اكواب ماء
3ملاعق كبيره ومليئه من الشوفان(كويكر)
1بصله صغيره مقطعه قطع صغيره
1طماطم صغيره مقشره ومقطعه قطع صغيره
(طريقة تقشير الطماطم تضعينها في ماء ساخن لمدة دقيقتين ثم تقشرين القشره الخارجيه لها)
1فلفل بارد(رومي) مقطع الى مكعبات صغيره
1جزر مقطع الى مكعبات صغيره
1بطاطس صغيره ومقطعه الى مكعبات صغيره
قليل من الفاصوليا مقطعه الى قطع صغيره
مكعب ماجي
القليل من الملح والفلفل الاسود(حسب الرغبه) والقليل من الكزبره المفرومه ناعمه
الطريقه:
تضعين الماء في قدر على النار ثم تضعين الخضروات ومكعب ماجي والشوفان(كويكر) والملح والفلفل وتتركينه على النارمن20الى30 دقيقه الى أن تنضج الخضروات وتسمك الشوربه وبعد اطفاء النار عن الشوربه أظيفي الكزبره المفرومه.
وصحه وعافيه:26:

أما القهوه العربيه
المقادير:
ماء(تقيسينه بالدله يعني تملين الدله ماى بعدين تصبينه في القدر أوالأبريق)
القهوه فنجانين ونص(فنجان القهوه العربيه)
ملعقه صغيره من الهيل
نصف فنجان من ماي الورد
الطريقه:
تتركين الماي لين يغلي بعدين تحطين القهوه وتتركينها تغلي لين تشوفين رغوتها أختفت
وبعدين تحطين ماي الورد والهيل وصبيها في الدله.
ولوتحطين زعفران في الدله تطلع القهوه حلوووووووه مع ماي الورد
وفي ناس يحطون حليب نيدو في الدله تقريباملعقه صغيره.
وسلامتج
جربي وقوليلي أنتظرج

هلا عيوني
أنا أعاني نفس معانتك في عمل القهوه لاني ماأحبها لكن لما شريت قهوه القطان من وحده تبيعها إنحلت مشكلتي
لانها تجي جاهزه وتسمى القهوه السريعه يعني ماتحتاج إضافات
بالنسبه لشوربه الكويكر طريقتي سهله
أحمس البصل واللحم وأحط في الخلاط ثلاث ملاعق شوربة كويكر وتقريبآ خمس كاسات ماء وملح ناعم وبهارات وحبة طماطم وملعقه معجون طماطم أخلطهم شوي وبعدين أضيفهم للحم أخليه لحد مايستوي:26: :26:

وان اختك كنت قبل مااتزوج حرب انا والقهوة وأول يوم سويتها في ثاني يوم من الزواج اتصل علي ابوي وقت صلاة العصر وقال انا بجيكم قلت حياك الله بسرعه بسرعه احمس البن واطحنه واسوي القهوة وماشاء الله ربي سوى لي بعدها تدربت اكثر لان الضيوف دايم عندي وسرت ازبطها حتى الان واحد من خويا زوجي يجي عشان يشرب القهوة عندنا يقول عندكم سر في هذه القهوة مع انه البن هرري وهيل فقط مااحط شي معاها لما صارت حفله في المدرسه حقت زوجي اخذ ترمس القهوة مليانه رجعها فاضيه حتى الحثل ماهو فيها بس ماغسلها جلسو يقرمطون الحثل زي ماقالت اختنا امليها ماء و عشان اعرف مقدار الماء بعدها اضع من 4 إلى 5 ملاعق من البن والهيل مع بعض اطحنهم تطلع اطعم ومحبوكه جربيها وبالعافيه