اهليييييييييييي ييين يابنات
بقولكم سالفتي بسرعه بدون مقدمات
من مرضت امي بعد عيوني وانا اطبخ لأهلي ومن مرضت امي بعد ابوي يقول خلاص اذا بغيتو سمك ماتسوونه بالبيت اجيبه لكم جاهز
المهم بعد اقناااع و اقنااااااااع طويل وافق بس المشكله ويييييييييين
المشكله اني ماعمري سويته ولا اعرف كيف تنظيفه هذي نهايه الهياط
يوم ابوي قال خلاص مدام انتي مصره بكرا اجيبه لك تسوينه غداء قلت خلاص بس بدا الخوف علي كيف اسويه اصلا مااعرف له
ابي منكم المساعده وعلموني كيف اسويه وامي استحي اسألها لاني سويت فيها اني اعرف وابي اسوي لهم بدون مااستشير احد فيهم
ابيكم تساعدوني كيف اسويه
بس قولو لي كيف انظفه واحط بهارات

ههههههههههههه
السمك اذا هو مقطع فهو نضيف وان كان صغار ايضا بيكون منظف من بطنه انت بس غسليه وبهريه بالكمون والملح والليمون انا ما اكثر مايحتاج السمك اكثر من كذا وغلفيه بالدقيق واقليه وسوي جنبه رز ابيض وحمسة بصل وخلاص ولا تنسين الفلفل الحار بالطماطم والكزبره
يعني مااحط بهارات عليه الله يعطيك العافيه
ترى السمك اسهل مايكون ..
واكيد مادام انك ماعمرك طبختي سمك الوالد راح يجيب سمك نظيف فلاتشيلين هم ..
الطريقه سوي حقتي بحذافيرها ..وان شاء تنجح ..وترى السمك اكثر شي يبغى له طبخ ساعه ..
يكفيه ويزيد بعد ..
1- صينيه تيفال حطي عليها زيت زيتون اذا موجود او زين عادي ..

2- جيبي صحن وحطي فيه ملعقتين خل .. ثلاث ملاعق كاتشب وكثري عادي ..
ملح وبهارات السمك لو عندك وكمون وثوم مبشور ..وحركي مع بعض ..عصير ليمونه واحد

3- صفي السمك بالصينيه وصبي عليه الخلطه وادهني السمك وقلبي لين تحسين انه تشربه ..
وغطي عليه بالقصدير ..ودخليه الفرن على نار عاليه في البدايه ربع ساعه ..بعدين قصري عليه ..
خليه نار هاديه جدا ..
وقبل التقديم دخلي فيه سكين وشوفي اذا دخل بسرعه راح يكون ناضج ..
طبعا زيني الصحن بالبصل مع السماق والطماطم ..واللزي منه
لاتنسين حمريه من فوق شوي بس مو يصير يابس انتبهي ..
وبالعافيه ..
شوفي ياعسل احنا نشتري السمك منظف جاهز من قشوره من سوق السمك وطبعا مطلعين احشائه لكن انا اعرف طريقة تنظيفه اول شي شيلي قشوره بالسكين عكس القشور وبعدين افتح بطنه وخرجي احشاءه مجرمه واغسليه جيدا وحطي عليه شوية ملح خشن ومكان احشائه الفاضيه ضعي كمون مع فلفل مع ثوم مدقوق وقليل من الليمون اذا كان للقلي بس ترا تنظيفه صعب ولا ز م يكون في مخزن او حمام غير مستعمل لان القشور تنتشر في كل مكان واذا كانت تبي تشويه اخلطي البهارات مع الثوم المدقوق مع الحمر او التمر الهندي مع معجون الطماطم وافرديه فوق السمكه او بداخلها واي استفسار انا جاهزه ياقلبي


الساعة الآن 12:21 .