اقتباس مشاركة  (غلا بنت خالد)
ترى السمك اسهل مايكون ..
واكيد مادام انك ماعمرك طبختي سمك الوالد راح يجيب سمك نظيف فلاتشيلين هم ..
الطريقه سوي حقتي بحذافيرها ..وان شاء تنجح ..وترى السمك اكثر شي يبغى له طبخ ساعه ..
يكفيه ويزيد بعد ..
1- صينيه تيفال حطي عليها زيت زيتون اذا موجود او زين عادي ..

2- جيبي صحن وحطي فيه ملعقتين خل .. ثلاث ملاعق كاتشب وكثري عادي ..
ملح وبهارات السمك لو عندك وكمون وثوم مبشور ..وحركي مع بعض ..عصير ليمونه واحد

3- صفي السمك بالصينيه وصبي عليه الخلطه وادهني السمك وقلبي لين تحسين انه تشربه ..
وغطي عليه بالقصدير ..ودخليه الفرن على نار عاليه في البدايه ربع ساعه ..بعدين قصري عليه ..
خليه نار هاديه جدا ..
وقبل التقديم دخلي فيه سكين وشوفي اذا دخل بسرعه راح يكون ناضج ..
طبعا زيني الصحن بالبصل مع السماق والطماطم ..واللزي منه
لاتنسين حمريه من فوق شوي بس مو يصير يابس انتبهي ..
وبالعافيه ..
الله يعطيك العافيه
11-05-1431 هـ, 05:53 مساءً
 
اقتباس مشاركة  (ام صالح الفالح)
شوفي ياعسل احنا نشتري السمك منظف جاهز من قشوره من سوق السمك وطبعا مطلعين احشائه لكن انا اعرف طريقة تنظيفه اول شي شيلي قشوره بالسكين عكس القشور وبعدين افتح بطنه وخرجي احشاءه مجرمه واغسليه جيدا وحطي عليه شوية ملح خشن ومكان احشائه الفاضيه ضعي كمون مع فلفل مع ثوم مدقوق وقليل من الليمون اذا كان للقلي بس ترا تنظيفه صعب ولا ز م يكون في مخزن او حمام غير مستعمل لان القشور تنتشر في كل مكان واذا كانت تبي تشويه اخلطي البهارات مع الثوم المدقوق مع الحمر او التمر الهندي مع معجون الطماطم وافرديه فوق السمكه او بداخلها واي استفسار انا جاهزه ياقلبي
ههههه حلوه مجرمه
خلاص اجل بقول لأبوي يجبيه منظف وخالص
انا بقليه لازم احط دقيق قبل القلي وإلا لا واحط بهارات او لا
والله يجزااااااااااااااااااك الف خييييييييييييييييير
11-05-1431 هـ, 05:54 مساءً
 
رفع
11-05-1431 هـ, 07:15 مساءً
 
ياعسل ترى السمك اسهل منه مافي اذا كان يحتاج لتنظيف بس بالموية والليمون ولا تحطي منظفات ثانية اللحمة حقته ضعيفة وتتفتت وبهري بلفلفل الاسود والكمون وشوية ملح لا تكثري لانه هو مالح وادهني صينية بشوية زيت وحطيه في الفرن ما يطول عشر دقايق من تحت وخمس دقايق من فوق اذا حابة تتفننني ممكن تقطعي شرايح بصل وطماطم ليمون وشوية كزبرة واذا حابة تقليه نفس الطريقة بس بعد التبهير حطيه في زيت غزير واقليه وقلبيه بس تحسيه حمر طلعيه ترى يستوي بسرعه
11-05-1431 هـ, 07:40 مساءً
 
الله يرفع من قدرك يااختي حلا
واختي انين الحرماان الف شكر لك ماقصرتي احسك طمنتيني لان انا عقدتي اخاف ان الشي مايستوي
الله يجزاااااااااكم كل خيييييييييير
11-05-1431 هـ, 09:01 مساءً
 


الساعة الآن 11:09 .