اقتباس مشاركة  (مدمنة زنجبيل)
ماشاء الله سفرة تهبل بس باين عددكم قليل انا ماشاء الله اهلي واهل زوجى زززززززحمة
أهلي مابلغوني من بدري وماقدرت أعزم إلا أمه وأخواته البنات لو عزمتهم كلهم يصيرون أكثر من عشرين حرمه ويحتاجون ضيافة أكثر من كذا وأنا لوحدي مايمديني أغطي لأني ماأحب اشتري من برى شيء كله من مطبخي.



اقتباس مشاركة  (~أواخر الشتاء~)
ماشاء الله تفتح النفش والمفرش رووووعه من فين شريتيه
المفرش طلبية(تختاري اللون والرسمة اللي تناسبك) وسوته حرمه لي معاه قطع كثيرة ماهي واضحة في الصور:

سفرة-علبة مناديل-مناديل سفرة خاصة للملاعق والشوك-مفرش صينية-تلبيسة براد الشاهي-قطعة ديكور خاصة للكاسات أنا لبستها لقارورة الموية واضحة في الصورة الثالثة-

وكمان سلة لثلاجات القهوة وسبت صينية إذا بزور أحد استخدمها.

سعره غالي شوي لكن رووعة زي ماشفتوا.



اقتباس مشاركة  (بنت الريف@)
ما شاء الله
سفره تفتح النفس
بس ياليت تذكرين اسماء الحلويات
لعيونك راح أنزل الأسماء والطريقة



اقتباس مشاركة  (hendup)
الله يحفظك وان شاءالله على طول مجتمعين على الخير وممكن اسال الطبق اللي جنب ورق العنب ايش هو لان مش واضح وايش اللي موجود في الاعواد اللي مثبت على الاناناس وجزاك الله خير
اللي جنب ورق العنب سويسرول مالح بحشوة الدجاج راح أنزل طريقته - واللي مثبت في الأناناس تمر سكري فاخر



الأطباق كانت:ورق عنب-موس الأناناس-حلى بالزبادي-مكرونة بيتزا-سويسرول مالح-بسبوسة-سلطة ذره-سمبوسة-كيك الدخن-حلى الكاسات-بطاطس وكروبو-مكسرات وفشار.
وللديكور وضعت حبات التمر في الأناناس.

موس الأناناس:
في صينية بايركس ضعي طبقة من بسكوت الشاهي-في الخلاط ضعي علبة اناناس معلب بالموية حقته تخلط مع علبتين كريمة وتوضع على النار حتى تظهر علامة الغليان فقط لايترك أكثر من ذلك يعني دقيقتين فقط ثم يصب على البسكوت في الصينية يترك في الفريزر حتى يجمد-اخلطي ظرفين دريم ويب مع فنجان ونصف حليب بااااارد وتوضع عالوجه ثم يرش بالفستق أو مبشور الشوكولاتة.

ممكن تقدميه في كاسات - دائما ً أقدمه حلى مع العشاء.

حلى بالزبادي:


الطبقة الأولى
بسكويت شاهي مغموس بحليب سايل ومن ثم يصف طبقتين فوق بعض في صينية بايركس

الطبقة الثانية
علبة زبادي + سبعة فناجين قهوة حليب بودرة + ثلاث فناجين سكر
تخلط هذه المقادير مع بعضها في الخلاط مع حبة واحدة فقط جبنة كيري وحدة بس ثم تصب هذه الخلطة فوق البسكويت كطبقة ثانية .. طبعا نضعه في الفرن في الوسط لحين ما تجمد بس لاتتركيها كثير

الطبقة الثالثة
علبة قشطة + فنجان سكر + خمس ملاعق كاكاو بودرة + بسكويت شاي
يغمس البسكويت في خلطة القشطة ثم يصف فوق خلطة الزبادي كطبقة ثالثه

الطبقة الرابعة
2 باكيت كريمة كراميل + واحد فنجان سكر + واحد ونصف كأس ماء يخلط ومن ثم يوضع على النار حتى الغليان ثم بسرعة يصب فوق الطبقة الثالثة فقط يعطي لمعة وشكل رائع .


أنا زينته من فوق بخطوط مائلة من بسكوت أوريو مطحون.

يوضع الحلى في الثلاجة ويقطع ويقدم وبالعافية

سلطة الذرة:
قطعي الخضار التالية بشكل طولي:جزر-خيار-خس-فلفل رومي بارد.
كزبرة مفرومة-نعناع ناشف-ملح-عصير ليمون-علبة ذرة-ممكن تضيفي فاصوليا حمراء-ملفوف.

تخلط مع بعض وتقدم.

سويسرول مالح:
طريقة العجينه والمقادير :

في الخلاط ( 3بيضات + 4توست منزوعة الحواف أو لب 2صامولي + علبة قشطه + علبه جبنه كرافت تشدر اصغر حجم مبشوره + ملعقه بكنج بودر)
تصير سايله تقريبا تصبينها في صينيه تيفال مستطيله كبيره وتخبزيها من تحت
وتحمريها شوي من فوق- ضعيها في قصديرعشان تقدري تحشيها

الحشوة دجاج مثل حشوة السمبوسة يضاف لها جبن سائل أومايونيز عشان تتماسك -لفيها مع الضغط وقطعيها دوائر وتقدم.


وسلاااااااااااااااااامتكم





الساعة الآن 11:32 .