اولا مبروك عليكم الشهر الكريم

ارجوكم ساعدوني جعلها الله في ميزان حسناتك

زوجي عازم ضيوف واريد ابيضله وجهه بس انا غبية في الطبخ اريد احد يكتبلي منيو كامل من المشروبات والوجبة الرئيسيه مع المقادير وكل حاجة تحتاجها العزومة تكفون

عددهم 5 بس انا اريد اسوي على اساس العدد تقريبا 8 علشان اريد اوزع شوي للجيران


تكفون

03-09-1425 هـ, 06:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يالله عشر قرأت ولا وحده منهن قالت ولا اقتراح واحد على الاقل انتي لو كنتي مكاني ايش راح تسويين

03-09-1425 هـ, 08:59 مساءً
 
هلا اختي ام سرمد راح اعطيك اشياء حلووه طبعا من تجربتي انا واتمنى انها تعجبك

اول شئ انا عندي شئ اساسي الفطاير والبيتزا وهذي عجينه مرررررررررره رهيبه استخدمها لي 5 سنوات ومستحيل اغيرها جربيها وماراح تندمين
العجينه
2 م ك حليب بودره
2 م ك خميره فوريه
كاس سكر ناعم
2 كاس ماء دافي >>>>>>>>>> لازم دافي انتبهي

كل اللي فوق تخلطينهم مع بعض زين اوكي ( طبعاا انا اقيس بكوب جبن بوك الكبير وراح تضبط معاك بس انتبهي كل شئ قيسيه بكوب جبن البوك الكبير حتى الماء والسكر مفهوووووووم )

ويبقى من المقادير كاس زيت واربع اكواب ونص دقيق

الدقيق انخليه مرتين لازم وابدي بالعجن ضيفي الدقيق على الخليط السابق والزيت بالتدريج وابدي بالعجن الى ان تتكون لك عجينه طريه وتلصق باليد وخليها تختمر ساعه وبعدين احشيها اذا تبينها للفطاير وافرديها اذا تبينها للبيتزا

وبعد ماتحشينها او تفردينها خليه كمان تختمر بعد الحشو 10 دقايق بعدين وادهني وجهها بالبيض ورشي عليها حبه البركه وبعدين دخليها الفرن من فوق وتحت راح تنهبين عليها بس ادعي لي
ملحوظه تخمير هالعجينه مايزيد على ساعه الا ربع انتبهي لأن طعم وريحه الخميره راح يطلع يعني نص ساعه تخمير وبعدها احشيها ودخليها الفرن على طول

نجي اللحين للعصير انا اعتقد احسن عصير سلاش بالبرتقال مررررررررررررره حلووووووووو

عصير 3 برتقالات
برتقاله واحده مقطعه
كوب ماء بارد جدااا ويوضع فيه سكر حسب الرغبه
مكعبات ثلج

كل هذا بالخلاط بعدين صبيه في اكواب التقديم راح تطلع لك الرغوه فووق والعصير تحت شكله يوحي انك تعبانه فيه مررررررررررره

طيب نجي اللحين للحلى فيه طريقه للبسبوسه بصراحه مره حلوه وسهله ماتخرب معاك

5 فناجيل قهوه حليب بودره
5 فناجيل قهوه سكرناعم
2 علبه قشطه
م ص طحينه سايله
نص كاس زيت
كاس ونص سميد ( انا افضل ناعم بس اذا ماعندك الا خشن مافيه مشكله )
م ك بكينج باودر
وللزينه

حليب نستله وفستق مبروش او ناعم اللي تبين
الطريقه :
جيبي زبديه عندك وحطي فيها السكر والحليب البودره والقشطه والطحينه واخلطيهم عدل الى ان يذوب السكر
ثم تضيفين الزيت ثم السميد والبكينغ باودر ثم تصب في صينيه وتدخل في فرن حار من تحت ثم من فوق الى ان تشقر

وبعدين اذا طلعتيها من الفرن ضعي عليها حليب النستله بارد وادهني فيها الوجه ورشي عليها الفستق وبالعافيه على قلبك

الكيييييييييييييييييييك فيه كيكه طعمها مميز جداااااااااااااااااا
03-09-1425 هـ, 09:51 مساءً
 
اكمل لك
مقادير الكيك
4 بيض
8 جبن كيري
علبه قشطه
1 كاس سكر ناعم
2 كاس دقيق
2 م ك بيكينغ باودر
اصبع زبده لينه مو سايحه انتبهي لا تحوسين
التغطيه حسب الرغبه توفي او نستله

الطريقه :
اولا يخفق البيض في وعاء
ثانيا في وعاء اخر تضرب الزبده مع السكر جيدا الى ان تصبح مثل الكريمه ثم يضاف اليها البيض ويضرب جيداا
يضاف عليه القشطه والجبن الكيري واحده تلو الأخرى الى ان ينتهي الجبن

ثم ينخل الدقيق مع البكينغ باودر ويضاف للخليط السابق بالتدريج ثم تخبز في فرن حار
وبعد ات تحمر من تحت ومن فوق تزين بالتوفي او حليب النستله بسسسسسس بنظري التوفي احلى بكثير

واي سؤال انا حاضره

انا عندي طريقه للصينه مره حلوه لكن الحين ابو العيال عندي بدخل بالليل واكتبها لك ان شاء الله انتظريني واي سؤال انا حاضره تامرين امر
03-09-1425 هـ, 10:11 مساءً
 
نسيت اقووووووووووولك

العجينه اللي كتبتها تصله بعد للخليه يعني بعجينه وحده تقدرين تسوين 3 انواع مختلفه فطاير وبيتزا وخليه

والعصير السلاش المقادير اللي فوق تكفي ل 3 اكواب فقط انتي زيني وصبي الاكواب بعدين زيني مره ثانيه لثلاث اكواب ثانيه وهكذااااااااااااااااااا اتمنى اكون شرحتها بطريقه سهله

يووووووووووه فشله قررررقت عليك اعذريني
03-09-1425 هـ, 10:19 مساءً
 


الساعة الآن 06:30 .