Analysis Services


الرجاء من الأخوات..
وضع الوصفة بالقسم المناسب لها.. واي موضوع يوضع
بقسم أطباق عالم حواء نضع هذا الشعار مع اغلاق الموضوع نرجو الالتزام:


مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة



¨°o.O ( شاكرين لكم تعاونكم ) O.o°¨








بسم الله الرحمن الرحيم

السلام عليكم ورحمة الله وبركااته

اول شي اخواتي احب اقولكم انه هذا ثاني طبق لي اسويه وانزله بالمنتدى وحبيت ان الكل يستفيد


طبعا هذا طبق دجاج والله نكهته كأنه دجاج الطازج طبعا بأختلاف طريقه الطهي لكن النكهه نفسها ويمكن احلى لانه من يدي << ماحذه مقلب الاخت

طبعا اول شي جبت دجاج فيليه صدور منزوع الجلد وغسلته تمااااام بالمويا وبعدين فركته بالليمون وبعدها خليته شوي وبعدين رجعت غسلته بالمويا

وحطيته بالتتبيله اللي كنت مجهزتها وهي
عصرت خمس ليمونات ابو زهيرة وثلاث ملاعق خل وبهارات مشكله ( فلفل اسود وكمون وملح وكاري والبهارات الجاهزة حقت الدجاج وكزبره مطحونه)

مثل اللي بالصورة








وطبعا خليتها ساعه بس طبعا كل ماطولت كل ماصارت اطعم يعني من ساعه لساعتين واتشربت حموضه الليمون والخل نفس الطازج

وبعدين حطيتها ع النار وقطعت معها شرايح فلفل رومي وشرايح بصل ( ممكن تستغنو عنها بس انا حطيتها لان الماما الله يعطيها طوله العمر والعافيه ويرزقني برها تموت عليها ما شالله فسويتها لها وكمان تعطي نكهه حلوووة )





وهنا طبعا بعد ما استوت الصدور وطبعا زي ما انتو شايفين انحرقت علي شوي لاني سويتها قريييييب المغرب وكنا صايمين فخليت النار عاليه وهي بسررعه احترقت بس الحمد الله جات سليمه لان البصل بس اللي انحرق بس الدجاج لا الحمد الله

المهم بعدها اضفت شوي صلصه باربكيو ع الوجه اللي فوق ووزعتها عليها وبعدين قلبتها وحطيت كمان ع الوجه الثاني ووزعتها








وهذي طبعا الصلصه اكييييد الكل عارفها





وهذي النتيجه النهاااااااائيه لطبختي احم احم اتمنى وحده فييكم تطبقها عشان انادي الماما واوريها انها عجبتكم وطبقتوها لانها دايما تكسر مجاديفي الله يخليها لي ياااااااارب ولا يحرمني منها
بس طبعا لاتركزو ع البصل المحروق اللي فوق الدجاجه وعدوها انا لسه مبتدأه بعالم الطبخ فتوقعو اي حوادث
واعذروني ما اعرف ازين الاطباق بشكل مرتب بس ان شالله الجايات اكثر
واللي يحب نكهة الشواء ممكن تسوي فحمه وتحطها بكاسه صغيرة مع شويه زيت وقطعه بصله وتغطيها عشان تصير كأنها مشويه
واكيييييييييد المشاوي حلاتها مع الرز الابيض واكيد كلكم عارفين طريقته وانا سويته بالثوم فقط بدون بصل وطلع وووااااااااااو ما شالله
وماننسى حبيبه الكل سلته الطحينه بالخيار والكزبرة
وهذا عصير كوكتيل ( برتقال وجوافه وتفاح وموز وزينته بشويه توت صبيت توت مركزاول في الكاسه بعدين صبيت فوقه العصير وهذي النتيجه )








واتمنى من كل قلبي ان طبختي تكون لزييييزه وياليت تجربوها والله حتدعوووووولي


ولاتنسوني من صالح دعواتكم ان ربي يوفقني لكل خير في الدنيا والاخرة ويغفرلي ولوالدي ولجميع المسلمين والمسلمات والمؤمنين والمؤمنات الاحياء منهم والاموات
13-05-1431 هـ, 11:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هذا وانتي في بداية الطبخ يطلع معك كذا
أجل اذا احترفتي وش بتسوييين...
يسلموووو
13-05-1431 هـ, 11:15 مساءً
 
ماشاء الله تبارك الله ..
شكله يجنن ويفتح النفس....
يعطيك العافية يالغالية ...
13-05-1431 هـ, 11:23 مساءً
 


الساعة الآن 01:29 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏