هلا بنات حواء أنا شفت حلا كرات الكيك وما ادري شو اسمه بضبط وكانت وحده مسويتنه ونسيت الرابط ومنو صاحبة الموضوع ياريت تساعدوني وأكون شاكره لكم وهاي صوره له وتسلموووووووووو ون



اختي انه سويت هاي الطريقه بس اغز فيهم اعواد اسنان و اربط العود بشريطه يصير شكله وايد حلو بس انتي و ذوق إذا تحبيته بدون اعواد او فيهم اعواد و في وايد طرق و انه بكتب لج طريقتين و انتي جربي و ان شاء الله يعجبونج

المقادير:
1كيك جاهز شوكلاته او فانيلا او انتي تسوينها
بسكويت مطحون على المقدار على حسب العجان و تماسك العجينه
الوان طعام إذا تحبين تلونين
1/2علبه قيمر او على حسب تماسك العجينه

و الحشوة: (إذا تحبين تحشين الكرات)
شوكلاته مالتيزرز او مارشميلو او بندق


الطريقه :
تطحنين الكيك او تفتتينه بالسكين و تخلطينه مع القيمر و تضيفين البسكويت بالتدريج و تعجنين و لين ما تتماسك العجينه و تضيفين لون طعام إذا تحبين ، تاخذين مقدار ملعقه من العجينه و تحشينها ألي تبينها و تكورينها باليد و تدخلنها الثلاجه(و تقدرين تغمسينهم في شوكلاته إذا تحبين)


الطريقه الثانيه



المقادير:
كيك جاهز
1دريم ويب
1/4ك حليب سائل
2كيري
شوكلاته خام
كور فلكيس
لوز مجروش
جوز مجروش
اعواد اسنان
روق بلاسيه
و شرائط ضعيفه للتزين

الطريقه:
يفتت الكيك ويخفق الدريم ويب مع الحليب و الكيري في الخلاط الكيك ثم يضاف إلى الكيك و يخلط جيدا و يكور و تدخل الثلاجه
و يذوب الشوكلاته على الحمام مائي ثم تغز الكور بالاعواد و تغمس في الشوكلاته و تزين بالجوز او اللوز او كور فليكس و يوضع في ورق بلاسيه و تربط شرائط على الاعواد


اتمنى اني افدتج و اي استفسار انه في الخدمه
لااله الاالله
مشكوووووووووووو رات فديتكم على الرد وجزاكم الله خير



الساعة الآن 12:25 .