السلام عليكم ورحمة الله

بنات ودي اعزم اهلي على برياني لحم او دجاج وما سويته ابد

ممكن تفيدوني بطريقتكم ولكم الأجر
04-09-1425 هـ, 01:00 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم هناك طرق مختلفه


طريقتي وبصراحه لذيذه اولا اسلقي اللحم نصف سلقه وضعي معه البهارات المخلوطة ودارسين حب وفلفل اسود ومسمار وهيل وحبة حلوه وورق الغار وكله حب او ( هناك بهارات البرياني الخلوط ويكون كله بهارات صحيحه) وملح وكركم وزنجبيل طازج مبشور

وبعد ذلك اخرجي اللحم وتبليه بعصير الليمون وبقدونس مفروم وقليل من الزنجبيل المبشور
وثوم مهروس وفلفل اخضر حار مفروم ناعم
وروب (زبادي ) ونصف فنجان قهوه عربيه زعفران منقوع بماء الورد وقليل من الكاري والليمون الاسود ويترك جانبا نصف ساعه

ثم في قدر ضعي زيت واقلي بصل مقطع شرائح وومكعبات بطاطس مقطعه كبيره
ثم ضعي عليه اللحم مع التتبيله وحركيه وضيفي عليه صلصة الطماطم واعمل الارز بماء اللحم بعد ان تصفينه من البهارات

وضعي الارز في القدر نصف الكميه ثم ضعي خلطة اللحم ثم الارز واعملي بصل مقلي وضعيه مع الزيت على الارز ( اقصد الزيت الي قليت فيه البصل ) وضعي عليه زعفران منقوع بماء الورد وهيل ناعم وعند التقديم يزين بالبطاطس المقليه واللوز المقلي وبالعافيه


ملاحضه الرز اسلقيه ثلاث ارباع سوى

وبنفس الطريقه نعمل الدجاج مع مراعاه عدم انضاج الدجاج عند سلقه



وبالعافيه
04-09-1425 هـ, 04:13 مساءً
 
بنت القطان الله يسلمك
شوفي انا فهمت هذه الخطوات


اولا اسلقي اللحم نصف سلقه وضعي معه البهارات المخلوطة ودارسين حب وفلفل اسود ومسمار وهيل وحبة حلوه

وورق الغار وكله حب او ( هناك بهارات البرياني الخلوط ويكون كله بهارات صحيحه) وملح وكركم وزنجبيل طازج مبشور

وبعد ذلك اخرجي اللحم وتبليه بعصير الليمون وبقدونس مفروم وقليل من الزنجبيل المبشور
وثوم مهروس وفلفل اخضر حار مفروم ناعم
وروب (زبادي ) ونصف فنجان قهوه عربيه زعفران منقوع بماء الورد وقليل من الكاري والليمون الاسود ويترك جانبا نصف ساعه

ثم في قدر ضعي زيت واقلي بصل مقطع شرائح وومكعبات بطاطس مقطعه كبيره
ثم ضعي عليه اللحم مع التتبيله وحركيه وضيفي عليه صلصة الطماطم

بعدين صراحة ما فهمت ايش اسوي في الرز بالضبط

معليش اختي توضحيني لي----الله يجزاك خير
04-09-1425 هـ, 04:57 مساءً
 
ياعزيزتي تبين برياني مثل اللي بالسوق...
خذي هالطريقة...(سواء لحم او دجاج)..بس قبل كل شي البسي عبايتك الحين وروحي لأقرب سوبرماركت كبير عندكم واشتري بهار البرياني اللي بعلبه مكتوب عليها بهار برياني بخط مثل الخط الفارسي وفيه صورة برياني لحم..(لان اساس نكهة البرياني هو غير الطريقة البهار الخاص له)

1-قطعي اللحم او الدجاج الى مربعات بحجم متوسط واذا كان دجاج انزعي الجلد طبعأ...غسلي اللحم ولا تسلقينه ابد ..حطي عليه الخلطة التالية...(زبادي+بهار البرياني فيه كل شي تحتاجه تتبيلة البرياني+ ملح+ زنجبيل+كزبرة ناشفة او طازجة+ثوم+ليمون+ ماجي ابيض اذا انتي تستعملينه )...وخليه من ساعتين فما فوق

2-قطعي بصل كمية مو قليلة واقليه لما يصير بني او ذهبي غامق شوي (بس لايحترق انتبهي)...وارفعيه عن النار ونشفيه من الزيت

الحين جينا لسر الطبخة:

جيبي خلاط الكوب او طاحونة البصل الصغيرة وحطي فيها ( البصل اللي حمرتيه+ مكعب ماجي او اكثر اذا كانت الكمية كبيرة+قليل من البهار+ فنجان ماء تقريبأ) واخلطيه بالخلاط..

رجعي الخلطة بالقدر على النار وحطي عليها اللحم مع تتبيلته كلها وخليه يطبخ شوي مع التقليب..وصبي عليه ماء عشان يطبخ اللحم او الدجاج فيه وطبعأ ذوقي عشان توازنين الطعم والبهار والملح بشطارتك..اذا وازتني النكهة خليه يطبخ لمدة ساعتين او ساعة ونص للحم..وساعة للدجاج

واذا حبيتي تقدرين تقطعين بطاطس مكعبات وتخلينها تطبخ معاه..

بعد ماينتهي اللحم وطبعأ لازم يكون باقي مويه فيه مايكون ناشف مرة.. اسلقي الرز وقبل ماينضج الرز يعني نص

سلقة خذي نصفه وحطيه بقدر ثاني يكون اوسع شوي وصبي عليه اللحم مع المويه اللي باقيه فيه.. وانثري عليه (نعناع مغربي+كزبرة او بقدونس وشوي من بهار البرياني اللي عندك) عشان الطعم يكون اقوى..
وخلي باقي الرز يكمل السلق لماينضج واذا خلص..صفيه بالمصفايه وكبيه على الرزواللحم..(يعني اللحم صار بالنص بين الرز)...

وحطيه على نار هادية وياحبذا لو كان القدر تحته حديدة عشان يطبخ على رواق احسن...

بعدين تكونين منقعة زعفران في شوي ماء ورد... او اذا عندك الوان الرز اللي تكون مطحونة(لون الزعفران ) ونصبه على جهة وحدة من الرز من فوق ونحركة عشان يلون جزء منه...

وخليه يطبخ لما يستوي الرز كله ويقدم مع سلطة زبادي وسلطة مطحونة وبالعافيه عليك..

صدقيني هذي هي طريقتي المعتادة والسرية اللي الكل ينجن منها وراح تدعيلي ان شاء الله..
05-09-1425 هـ, 01:21 صباحاً
 
تسلمي ليان بس انا لم افهم هذه النقطة
وخلي باقي الرز يكمل السلق لماينضج واذا خلص..صفيه بالمصفايه وكبيه على الرزواللحم..(يعني اللحم صار بالنص بين الرز)...
كيف اصفيه؟ يعني انت تحطي مويه كثيرة لسلق الرز؟ انا في طبيخي العادي الرز مقداره يساوي مقدار الماء-----


اخاف اطلع الرز معجن
05-09-1425 هـ, 01:30 مساءً
 


الساعة الآن 10:35 .