مشكورة ليان
و lily
على التوضيح
اختي المسافرة انا سويت بحث ولم افلح----ممكن تساعديني الله يعافيك؟
حاضرين للطيبين ولايهمج هذي الطريقة.. بس لازم تجربينها..
بخط الأخت بنت الكويت.. واقري ردي عليها..

برياني الدجاج العجيب

لذيذ جدااااااااااااااااا
المقادير والطريقه:
==========
1-تقطع صدور الدجاج الى مربعات وتنقع بخل وليمون وملح لمدة نص ساعه.
2-بعد ذلك يغسل الدجاج ويوضع في قدر وتضعين عليه ملعقه كبيره زنجبيل مبشور.
3-بعد ماينشف الدجاج تضعين عليه زيت وبصلتين وسط الى ان يتحمر الدجاج والبصل.
4-تكونين مقطعه بطاط مكعبات ويكون مقلي تضعينه فوق الدجاج وتضعين عليه بهارت مشكله.
5-تسوين خلطه بالخلاط:
علبة روب-حبة فلفل بارد-واحد فلفل حار-فص ثوم كبير-قطعة زنجبيل طازج-ملح-بهارت مطحونه(هيل-قرنفل-دارسين-كاري-رشة كمون-لومي اسود-فلفل اسود)
6-تخلط هذه الخلطه بالخلاط وتضعين معها بصلتين كبار مقطعين شرائح مقليين بالزيت حتى ان يصبح البصل احمر.ليصبح لون الخلطه بلون البصل.
7-تصبي الخلطه فوق الدجاج الى ان تتجانس مع الدجاج.
8-تسوين رز مشخول.
9-في قدر تحطين نص مقدارالرز بعدين خلطة الدجاج بعدين باقي الرز.
10-تضعي فوق الرز الزعفران وشوية زيت او زبده ةتغطينه بقصدير وتخلينه على نار هادئه لمدة ساعه.
وتقدرين تغيرين بدل الدجاج(( لحم او ربيان )).. بالربيان رهيييييييييييبه

^^بنت الكويت^^

السلام عليكم ورحمة الله وبركاته

شكرااا لاخوات على طريقة البرياااااااااااني و الله تشهي..

وايضا شكراا لصاحبة الموضوع .......
جزاكي الله كل خير اختي المسافرة
تعبتك معي---بس ليك الأجر ان شاء الله اذا عزمت اهلي وهم صايمين
اخر سؤال
انا ما اعرف اقطع الدجاج
يعني ان شاء الله راح استخدم ارباع عادي--هل هناك اي ملاحظات يجب ان اراعيها؟ انت ذكرتي انك تسوينها كذا بدون تقطيعها مربعات--خايفو ما تنضج--هل تسلقينها اولا؟
هلا أختي.. لا تعب ولا شي بالعكس كلنا خوات ومثل مااستفدنا من المنتدى لازم نفيد غيرنا.. وأي شي والله من عيوني ولا تترددين.. والله بخاطري انه الطبخة تضبط وياج وترى بس اتبعي التعليمات وبيطلعلج برياني لذيذ..

شوفي أول شي أنا قمت أسويه بالدجاج المقطع بس شفتها شغلة وبالبرياني أحس القطع الكبيرة أحلى.. وخاصة اذا كمية كبيرة ولأنج بتعزمين أهلج سوي الدجاج أرباع أو الدجاجة 8 قطع على راحتج.. وبعطيج كم نقطة امشي عليهم..

1- بالبداية تنقعين الدجاج بالخل والملح والليمون وهالشغلات كلها تساعد على تطرية اللحم وتنضجه بسرعة..

2- بعدين اذا تحسين انه مابينضج ممكن تفورين الدجاج قبل.. وعادي بعدين اتبعي الباقي..

3- من قمت أسوي الطريقة عادي قمت أحطي بطاطس بس بعدين استغنيت عنه.. وماقمت أحطيه عشان يطلع صدق برياني..

4- بالخلاط أحطي كل المذكور بالوصفة الا الفلفل البارد والحار وأزيد من البهارات غرام مسالا شوي..

وبسسسس.. حتى أذكر فيه رد من أخت من الخوات على بنت الكويت تقول انها أول مرة تدخل المطبخ وجربت هالوصفة وعجبتها.. وضبطت وياها..

انتي جربيها قبل مرة بمقدار بسيط وشوفي الطعم كيف أحسن من انج تجربينها على أهلج.. لا وأهل ريلج بعد هههههههههه

يالله بانتظارج تردين علي أوكي.. وبالعافية مقدما..



الساعة الآن 08:02 .