هلا بنات


اخباركم

انا بفتح محل نسائي متواضع .. تقريبا مساحته 6 في 6
أبيع فيه .. إكسسوارات .. و أبيع ملابس مثل بلايز وتنانير ولانجري .....الخ
وابيع فيه العاب زوجيه .. واكياس ضغط .. .... الخ

وانا صراحه البضاعه ودي أجيبها عن طريق البيع الألكتروني .. لأن فيه شركات صينيه وأمريكيه ..كثيييره ..عندها خدمة البيع الألكتروني .. عن طريق بطاقة الماستر كارد والباي بال .. وانا عندي الثانيه الباي بال ..
وجربت مؤخرا الشراء عن طريق المواقع .. وكانت تجربه والحمدلله مرت على خيير ..
وانا على إستعداد أجيب للي تبغى من المواقع ..
طيب وش رايكم .. اجيب بضاعه عن طريق البيع الألكتروني أو اتجه لتجار الجمله ..
وإذا كنتم تنصحوني بالشراء إلكترونياً .. اي المواقع أفضل وأسعاره رخيصه .. ويبيع بالجمله ..
وإذا كنتم تنصحوني ..بالتعامل مع تجار الجمله .. وين المحل اللي يبيع أشياء حلوه ورخيييصه ,,
وش رايكم في تجار جده .. اللي أبغى أعرفه كم يبيعون لي البلوزه بسعر الجمله مثلاً

وفيه شي ثاني .. فيه بعض الأسواق .. يبيعون ..ملابس ماركات .. مثل زارا وكمايو .. وغيره .. بس بأسعار رخيصه ..
مين تعرف مكان هذي البضاعه .. وكيف قدرو يحصلون عليها ..

وصراحه أنا المحل بفتحه في مجمع عندنا بالحي .. يعني أسواق عاديه ,, تفتح على الشارع .. بس صراحه الناس دااايم عليها .. ويشترون منها صراحه ..
وش رايكم أقد أدير المحل بنفسي .. وأخصصه لدخول النساء فقط .. ولا ممنوع ..
او احسن احط عامل فيه ..

وش رايكم ؟؟؟؟؟؟

انتظر ردودكم ... وإضافاتكم على موضوعي ..

مع السلامه
14-05-1431 هـ, 09:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
[quote=حياتـ ملكي ـي;44764167]هلا بنات


اخباركم

انا بفتح محل نسائي متواضع .. تقريبا مساحته 6 في 6
أبيع فيه .. إكسسوارات .. و أبيع ملابس مثل بلايز وتنانير ولانجري .....الخ
وابيع فيه العاب زوجيه .. واكياس ضغط .. .... الخ
ماشاء الله عليك خطوة موفقة والله يتمم لك بالخير وييسر امرك
وانا صراحه البضاعه ودي أجيبها عن طريق البيع الألكتروني .. لأن فيه شركات صينيه وأمريكيه ..كثيييره ..عندها خدمة البيع الألكتروني .. عن طريق بطاقة الماستر كارد والباي بال .. وانا عندي الثانيه الباي بال ..
وجربت مؤخرا الشراء عن طريق المواقع .. وكانت تجربه والحمدلله مرت على خيير ..
وانا على إستعداد أجيب للي تبغى من المواقع ..
طيب وش رايكم .. اجيب بضاعه عن طريق البيع الألكتروني أو اتجه لتجار الجمله ..
وإذا كنتم تنصحوني بالشراء إلكترونياً .. اي المواقع أفضل وأسعاره رخيصه .. ويبيع بالجمله ..
وإذا كنتم تنصحوني ..بالتعامل مع تجار الجمله .. وين المحل اللي يبيع أشياء حلوه ورخيييصه ,,
وش رايكم في تجار جده .. اللي أبغى أعرفه كم يبيعون لي البلوزه بسعر الجمله مثلاً
والله يالغلا بالنسبة لي مابعد جربت المواقع الصينية بس اذا انتي جربتيها وشفتي اسعارهم حلوه فانا انصحك بها
اما اذا شفتي اسعارهم قريبه من الاسعار الجملة هنا فالافضل انك تشترين من هنا
وبالنسبة للماركات لاتصدقين كثير ان في السعودية ماركات لان كلها من الصين ويقولون ماركات وترى الي في زارا وغيرها هي نفسها الي في المحلات الكبيره ويقولون عنها انها ماركة بس الفراق في السعر
وفيه شي ثاني .. فيه بعض الأسواق .. يبيعون ..ملابس ماركات .. مثل زارا وكمايو .. وغيره .. بس بأسعار رخيصه ..
مين تعرف مكان هذي البضاعه .. وكيف قدرو يحصلون عليها ..

وصراحه أنا المحل بفتحه في مجمع عندنا بالحي .. يعني أسواق عاديه ,, تفتح على الشارع .. بس صراحه الناس دااايم عليها .. ويشترون منها صراحه ..
وش رايكم أقد أدير المحل بنفسي .. وأخصصه لدخول النساء فقط .. ولا ممنوع ..
او احسن احط عامل فيه ..

اذا انتي متفرغة الافضل انك تمسكينه انتي بنفسك اما اذا انتي مشغوله جيبي لك عامله تبيع وانتي تابعيها بشكل يومي
الافضل لك انو انتي الي تتابعين لان مافيه احد احرص على حلاله من نفسه
لالالالالالالا للعامل الا اذا اضطريتي جيبي والله يوفقك يارب
14-05-1431 هـ, 10:10 مساءً
 
خطوتك ممتازة ورائعه

بالنسبه للمواقع الصينيه مالي فيها خبره تعاملي مع وحده ثقه اخذت من عندهم

في جريده الوسيله فيه أعلان أنو الماركات الصينيه جمله وقطاعي لها مكان معين خذيها وبتلقينها ..

وبالنسبه للماركات لاتغرك مو صحيح .. الأستكارات يركبونها ويحطون السعر اللي يبون ويقولون ماركه .. غش × غش ..

أما العامل حاولي تكوني حذره .. أذا كان على شارع عام أفضل يكون مفتوح مو مغلق أما أذا كان بسوق حلو نسائي ووظفي عندك وحده تساعدك بالمحل وأنتي ديريه بنفسك . أفضل شي ..
15-05-1431 هـ, 12:42 صباحاً
 
اول شي الله يوفقك يالغلااااااا

وثاني شي انا اقدر افيدك بخصوص شرا المللابس والبلايز والتنانير والبناطيل

وربي رهيييبه وماركه حلوه

واقدر اوفرها لك بسعر جمله رخيص وفايدتك تطلع دبل الي شريتي بها

اذا حبيتي

راسليني على ايميلي
××××××××× يمنع عالعام

هوت ميل
15-05-1431 هـ, 12:51 صباحاً
 
فوووووق لعيونك
15-05-1431 هـ, 01:31 صباحاً
 


الساعة الآن 02:55 .