السلام عليكم



آنه متخرجة جديد ،، وما عندي أي خبرة في أي نوع من المشاريع وأبي يكون عندي دخل خاص ، وأمكاناتي المادية محدودة بالنسبة لحجم المشروع اللي ممكن افكر انه اكون فيه بس ممكن آخذ قرض ،، بس قبل ما اجازف بأي شي خصوصا إني ما عندي أي فكرة عن المشاريع ولا احس أنه ممكن أكون ادارية ممكن تقترحون لي شاللي ممكن اقوم فيه .

آنه ممكن اقوم بأعمال مكتبية ، يعني كتابة بحوث واساعد في دراسات أو استبيانات وبعد typing ، عروض باوربوينت ، فورمات ، تركيب وتنزيل برامج والويندوزات ، وتغليف البحوث بشتى أنواع التغليف .

يعني حدود امكاناتي وقدراتي اللي واثقة منها الكتابة ، القصص والخواطر والبحوث الاجتماعية ، وابي اي شي ممكن يعود عليّ بمردود مادي وفي نفس الوقت استثمر وقتي لإني احس بمللل وبضياع عمري بدون فايدة وما احب الجمود ..

وفكرت بأنه ممكن آخذ قرض آنه وأشارك مع أي بنت اعرفها ونصمم فساتين ونأجرها لأنها أهي خبرة وآنه يكون عليّ الاشياء الثانية بس احس أنه تكلفته المادية وايد مرتفعة راح تكون غير انه الناس ما يروحوا الا للاماكن المضمونة والمعروفة في هاي الشغلات بالذات ..

أعرف اطبخ وطبخي الحمد لله بس ما بعرف ادير هالشيء وماراح يغطي تكلفته .

آنه محتارة ويالسة احط قدامي خيارات عشان اشوف التكلفة الاجمالية واحاول ادبرها بس اخاف اسوي شي واكون موب قده ..

شسوي ؟؟

انصحوني ؟

شلون احاول ابدأ مشروع خطوة بخطوة ؟؟؟


الخلــــــاصة ابـــــــي اشتـــــــغل .
20-05-1431 هـ, 03:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لااله الالله
20-05-1431 هـ, 03:53 مساءً
 
سلام حبيبتي ابدي صغيره وعلى الي حواليك لا تفكرين مشروع وشلون ببدا

اول شي ابدي اطبخي للي حولك واعرضي عليهم وراح يساعدونك من حبايبك وقرايبك شوي شوي تطلع الافكار غصب وتجي الفلوس لو بسيطه

وشوفي معلمات من قرايبك لو طبخك حلو ارسلي طبق مع وحده هديه وخليها توزع رقمك صدقيني راح تنعرفين

وراس المال ليس مشكله ابد اهم شي الواحد يبدا صغير عشان يكبر شوي شوي


موفقه
20-05-1431 هـ, 05:00 مساءً
 
الله يوفقك ويرزقك
20-05-1431 هـ, 05:15 مساءً
 
الله يوفقك ياارب

بس ما احس لها داعي تاخذين قرض
يعني زي الطبخ بالبيت اطبخي والبوربوينت ترا كثير يبونه يعني اعرضي للناس انك تسوين لهم بملغ مادي وشوي شوي يكبر مشروعك بس اهم شيء يكون عندي هدف وتوصلين له


انتي قدها ان شاء الله بس لاتحطمين نفسك وتكون عنده اراده

وربي يوفقك ان شاء الله
20-05-1431 هـ, 05:53 مساءً
 


الساعة الآن 01:32 .