Analysis Services
السلام عليكم ورحمة الله وبركاته

عزيزاتي بنات حواء لو سمحتو طالبه منكم خدمه وان شالله تساعدوني

انا ادور على وظيفه بمشغل يكون بالدمام لاني قريبه من الدمام لكن اللي ادوره وابغاه
وظيفه ماتكون بدوام يومي يعني اجيهم الاربعاء والخميس وايام الزحمه حسب الاتفاق

لاني بصراحه ظروفي ماتسمح لي بدوام يومي وبنفس الوقت محتاجه الوظيفه

انا خبرتي بالمكياج مع اني ماخذه دورة تجميل شامله بس اكثر المكياج حتى قبل لااخذ الدوره

اشتغلت فتره لحسابي اطلع الصالات بس حسيتها متعبه اطلع بعدة المكياج كلها وارد ارجع بها

والحين اتمنى القى مشغل يوافق على ظروفي ويشغلني عنده
وبالنسبه لشغلي راح اجيب عدتي معاي بالكامل لاني متعوده عليها

ومشكورين مقدما...
09-09-1425 هـ, 04:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمة الله وبركاته
عزيزتي الغاليه انا من الرياض مو من الدمام بس لاتنتظرين الوظيفه اللي مثل كذا لانك مابتحصلي صعب جدا اللي تقولينه بس ايام خميس وجمعه وان لقيتي فحرام طلعتك علشان 400 ريال ولا 500 بس
تبين الصدق فكرة انك تطلعين تشتغلين برا احسن بكثيييييييييير وياليت انا كنت اقدر كان طلعت من زمان ومربحه أكثر ومعليش تكون متعبه وش فيها تاخذين عدتك معك كل شي بتعب عادي جدا وهذي فرصتك علشان موسم العيد لاتفرطين فيها اطلعي دوري رزقك أسعى ياعبدي وانا اسعى معك ولو ان فيها تعب بس معليش خلق الإنسان في كبد.
تمنياتي لك بالتوفيق
09-09-1425 هـ, 08:00 صباحاً
 
هلابك حبيبتي بنت حواء
والله انك ذوق ..وتسلمين على الرد والتشجيع..فعلا كلامك صحيح حرام طلعتي على راتب مايسوى
وطلعتي برا احسن
بس المشكله اني لاجيت اطلع اول شي شنط المكياج وكرسي متنقل للزبونه ينسفط وينحمل بس انه
ثقيل حيييل..والمشكله ماارتاح امكيج الا فيه...غير عن طاوله متنقله نفس الشي تنسفط..يعني حاااااله
ولاعندي حد يساعدني .....
غير عن كذا انا مااطلع الا صالات بس ...بيوت مااروح ابو العيال مايرضى..عارفه الصاله مفتوحه وكلها حريم
غير عن البيت ...واغلب اللي يدقون يبون البيت..واللي يبون بالبيوت ياكثرهم اكثر من الصاله....
فيه زباين تبي شعر ومكياج...وذا بعد يبي له وقت وعده اضافيه...لكن الحمدلله بعضهم يسوون سشوار او تسريحه من بدري بمشغل...وانا اجيهم للمكياج بس...فكذا يكون الشغل مضبوط..عارفه الاعراس بالصاله تتأخر الين الفجر
وصعبه يحطون المكياج من الظهر فأجيهم العصر او المغرب حسب العد د...

ادري اني قلت قصة حياتي وقمت اهذر...
بس حبيت اشرح ظروفي.....واشوف الاراء ...والنصايح.....
09-09-1425 هـ, 11:26 صباحاً
 
مرحبـــــــــــــــــــــــا

حبيبتي روز الشرقية اتمنى تكون عندي جرءاة مثلك واطلع للصالات واسوي مكياج لاني امووووووت على الاشياء هذي وابدع فيها بس انا ابي اروح بيوت بعد يكون الشغل حامي اكثر صح؟؟؟
09-09-1425 هـ, 10:04 مساءً
 
هلا بك عيوني جارة القمر معليش تاخرت عليك بالرد
بالنسبه لشغل الصالات ليش ماتكون عندك جرأه دامك واثقه من شغلك بالعكس اطلعي واستفيدي من هالموهبه
خل مكياج السعوديات يبان ويطلع ..ومشالله فيه سعوديات مبدعات.....بالنسبه للبيوت اكيد بيكون الشغل حامي مررره
يعني الزبونه جالسه مرتاحه في بيتها والمشغل يجي عندها..وهذا المطلوب وبالذات فيه ناس ظروفهم ماتسمح لهم
بالجلسه في المشغل كم ساعه...
انتي تقدري تسوي لك كروت وتحطين فيها انك تجين البيت وتوزعيها بالافراح وان شالله رزقك بيجيك

يارب ترزقنا كلنا
15-09-1425 هـ, 05:16 صباحاً
 


الساعة الآن 07:11 .