السلام عليكم ورحمة الله وبركاته
هلا اخواتي سيدات الاعمال بإذن الله
مثل ماشفتي بعنوان موضوعي ياليت تزودونا بخبراتكم عن افضل اسواق الجملة في الاسواق العربية في دبي والرياض وسوريا والكويت وغيرهم من الاسواق العربية ؟
عن نفسي اعتقد ان اسواق دبي مالها مثيل والا وش رايكم؟

فاز من بحياته إنجاز
طيب اختي دامج تقولين ان اسواق دبي للجملة مالها مثيل ياليت تدلينا عليها وين مكانها بالضبط عشان نروح ونشوف ....

لان بكل صراحة عجزت ادور عليها ....



تحياتي:
غيـــــــوض
أنا أشوف أن سوق حلة القصمان والديرة والمعيقلية فيها فرص ذهبية لبنات الرياض.. لكن من اللي يقدر يروح ؟ بعيدة وزوحمة وكلها هنود وما فيها مواقف سيارات .. متعبة الروحة لها مرة..
فيها فساتين بيت نعووووووومة على 5 و10 ريال.. وأقمشة سهرات رهيبة بأسعار خيالية.. وشنط وحقائب تقليد الماركات.. لكن في محلات معينة وداخل.. ومو أي أحد يدل هذي المحلات.. يعني اللي ما تعرف ممكن تضيع وإلا ما تشوف إلا البضايع الخايسة واللي ما راح تعجبها..

والله قد شريت عباية تهبل سوداء وثقيلة بـ 35 ريال بس منهم..
هلا اختي غيوض انا رحت لسوقهم العادي وشفته رخيص بالنسبة لي فما بالك بسوق الجمله اكيد بيطلع ارخص بكثير وان شاء الله بروح لدبي في الصيف الجاي ومشكورة لمرورك على الموضوع
****************
هلا اختي رسيل اسواق الرياض حلوة وبالفعل مثل ماقلتي للي يعرف دواعيسها زين وصراحة هي بعيدة كثير كثير عن البيت يبيلنا ساعة وشوي على ما نوصلها وتعرفين لازم تكونين بدري علشان تلحقين على كل الاسواق هناك واشكرك على مرورك
:24:


الساعة الآن 01:28 .