السلام عليكم

ما ادري هذا الموضوع المفروض يكون هنا وإلا بقسم الحياة الاجتماعية

بس اخت زوجي راح يجوها خطابين بعد كم يوم ومحتاسين شو نسوي لهم من اصناف واشياء تصلح للخطبة وأم زوجي هاي اول بنت بتنخطب عندها واحنا عندنا الخطبة مثل الشوفة عندكم شو نسوي، آنه ما عرف بهالشغلات مع اني اعرف اطبخ بس وحيدة امي وتكفلت خالتي بكل شي لما انخطبت ..


شنسوي لهم ؟؟


انصحوني ؟؟




مختبصة معاهم




وياريت تعطوني وصلات لأشياء حلوة وتصلح ضيافة لهم


وشكرااا
اختي مبرووووك مقدما لحماتك اخت زوجك
هو ملكه ( كتب كتاب) والا زيارة الحريم لخطبة البنت والكلام في المهر
عالعموم اذا كان ملكه تقدرين تسوين عشاء كامل يعني بوفيه بيتوتي
بداية من السلطات ممكن 5 انواع
والطبق الرئيسي محاشي وكبب وسمبوسه ومعجنات ومشاوي وعيش
ثم الحلو 3 انواع
*** اما اذا كانت زياره للتكلم بالمهر
شاي وقهوه وحلو ومعجنات صغيره للتقديم ومكسرات (فستق ولوز وكازو)
الجدة _ ام _ البنات

لا حبيبتي ..

اهي زيارة لتحديد المهر والخ الخ الخ

آنه ادري انه هاي الاشياء اللي تتقدم بس ما ادري شنو نقدم يعني مثلا الحلا شاللي يفضل يكون عادي ميني تشيز كيك أو تشكيلة حلا ، المعجنات شنسوي غير الميني بيتزا ؟

يعني ابي ترتيب كامل للضيافة لإني صج ما اعرف

آنه افكر بأنه يكون تشكيلة شوكلاتة محشوة فستق وغناش ، وبيتزا وزعتر ولبنة .. طبعا ميني .. أو اقماع ..

وتشيز كيك وفواكة طبعا ومكسرات ..

ما ادري اذا كفاية !
انا لو مكانكم اخذ سلال حلوه وصياني كرستال كشخه واروح فيها لاحلى محل حلويات ومعجنات واخليه يعبيها بطريقه حلوه وخلاص بدون حوسه وتعب يكفي عليكم العروسه والكوافيره انا شفت عند وحده صحون فوق بعض مثل الشمعدان ومشكله فيها حلى بس شكلها روعه ومبروك لاخت زوجك والله يتمم على خير
شكرا الغالية

إذا استصعبت الموضوع راح يكون هاي الحل ،، الصج اريح بوايد ..


الساعة الآن 11:33 .