السلام وعليكم خواتي..

خواتي أبقي أعرف هل هناك صابون خاص بالكنب والا عادي أي صابون غسيل.. مثلا أومو أو آرييل..

لأنه مرة غسلت قطعة صغيرة من الكنب بالأمو بس أحس بقع شوي. ساعدوني بنوع ممتاز وكيف أغسله.. لأنه الكنب عندي صاحي بس اليهال موسخينه شوي..

بانتظاركم.. وتحياتي لكم..

فيه انواع خاصة بالكنب تلقينها بالسوبرماركت ......
السلام عليكم
اختي انا اعتمد على منتج من شركة كلوركس اسمه 409 البنفسجي وهو للكنب وللسجاد يعني لما تشوفين بقعة تبخي عليها قليل منه وبعدين فوطة مبلولة وخلاص زي السحر ما يضل اي شيء اما بالنسبة للاريال والاومو فما انصحك فيهم لانهم يخربون الكنب
صح هذا روعة وبعد فانيش اللي لونه وردي في منه بخاخ نوعين بعلبة حديد مثل معطر الجو وعلبة بلاستيك مثل بخاخ منظف السجاد وفي بعد نوع ثالث تخلطينه بالماي شوي وتنظفين الكنب ...................

وعلى ضمانتي . أنا طقمي أوف وايت ودوم أنظفه ومعطر بعد.
شكرا خواتي عالردود..

أختي.. أمي الغالية .. ان شالله بشتريه وزين قلتيلي عن الأومو عن أجربه مرة ثانية.. لأنه مشكلتي اذا سرت السوبرماركت ما أسير صوب هالسوالف تلاقيني حافظة الحلويات لاكن بهالأشياء أبدا ماعندي خبرة..

الغالية مهى.. أي نوع بالضبط اللي تستخدمينه وعلى ضمانتج؟؟ خبريني عشان أشتريه بالمرة مع اللي قالت عنه الأخت فوق؟؟

والله يعطيكم العافية



الساعة الآن 07:09 .