يسعد مسااك ياقمر & ممكن ياعسل أعرف وين موقع سوق صحارى وحياة مول اللي بالرياض طبعااا وأنا في مديتة الملك عبد العزيز السكنيه (إسكان الحرس الوطني )&والله يجزاك ألف خير &
تقبلي تحيااااااتي &

مرحبا


الله يجزاكم خير ابغى موقع عيادة الدكتور محمد الشريم دكتور اذن وانف وحنجره او رقم تلفون العيادة

الله يجزاك الجنة و والديك ما قصرتي ياعمري و تحملينا ماااااااعليش
أنا من خارج الرياض و إذا جينا الرياض نسكن بشقق عند مخرج 10 أو 11
أبيك الله يخليك توصفي لي أسواق بانوراما الجديده
وش سمعتي عنها تستاهل العنوه او لا
وتشكراااااااااااااااات

ماعندي علم عنه عزيزتي آسفه


شركة العليان في شارع الأمير محمد بن عبدالعزيز (التحليه)



عزيزتي روحي اسواق مكه فيه مبنى ملاصق لعمارة سوق مكه اسمه مجمع الجوهره شوفي الدور الاول والثاني كله تنسيق حفلات

وفيه الدور الثاني قسم نسائي خاص للنساء فقط كوافيرات وتنسيق ومحلات وغيره



طريق المدينة مقابل حديقةالمنتزة جوار بندة



صحارى وحياة مول قرب العليا لكن على شارع الملك عبدالله وشارع الملك عبدالعزيز
انتي بتطلعين على شارع الشيخ جابر الصباح

فيه وصفين

الأول: اطلعي على شارع الشيخ جابر الصباح وامشي عليه ووجهك شمال سيييييييدا وانتبهي للوحات الى ان يجيك على يسارك طريق المكل عبدالله لفي معه يسار وامشي سيداااااا بالوسط لحتى يجيك حفريات وبيجك طريق الملك عبدالعزيز خلاص بيكون صحارى بوجهك وحياة مول بجنبه>>هذا وصف سهل بس المسافه بعيده طبعا لأنك بالشرق والسوق بالشمال


الثاني : تطلعين من ش الشيخ جابر لحد مايجيك على يمينك خشم العان كلية الطب ومدينة الملك عبدالعزيز الطبيه وبيكون وتمشين شوي وبيكون على يسارك كبري طريق خريص اطلعي معه يسار وامشي بالوسط وانتبهي كويس لحد مايجيك طريق الدائري الشرقي ميدان القاهره مخرج13 ادخلي يمين وامشي لحد مايجيك مخرج 10 طريق الملك عبدالله على اليسار من عند(متحف صقر الجزيرة للطيران) ادخلي بعده يسار على الملك عبدالله وامشي سيدا الى ان يجيك تحويلات وحفريات تحولك على اليمين من عند طريق الملك عبدالعزيز خلاص هنا وصلتي صحارى وحياة مول على الملك عبدالعزيز يسارك..





في حي الروابي شرق الرياض (قرب حي السلام والنسيم والمنار)

المهم توصلين له اذا جيتي من طريق خريص امشي وجهك شرق الى ان يجي علي يمينك شارع الشافعي من عند اسواق السدحان ادخلي معه وامشي سيييدا الى ان يجيك شارع الزبير بن العوام ادخلي يمين من عند كلية المعلمين جامعة الملك سعود ادخلي معه والمستوصف هناك بيكون يسار مستوصف شذا والشريم قريب منه




ولو يالغاليه انتو خواتي وافرح بمساعدة خواتي

حياكم الله هذا اولا

ثانيا أي خدمه تبين آآمري ولا تستحين تأكدي ان الموضوع من اجلك انتي وكل البنات

غاليتي انتم بتسكونا بمخرج 10 او 11 يعني عند ساحة العروض بالدائري الشرقي وطريق الملك عبدالله

وبتكونون بعيدين عن بانوراما مول لكن مافي شيء بعيد عن السيارة

المول مثله مثل المجمعات الثانيه لكنه حلو وويسع صدر وفيه مطاعم والعاب وبعض الماركات فتحت لأن السوق جديد وفيه ماركات موجوده وبعضها قيد الافتتاح

لكن بما انكم جايين ممكن تزورينه ان شاء الله

بوصف لك كمن عند مخرج 10 طريق الملك عبدالله بيكون الوصف طويل شوي بس ركزي:

امشي على طريق الملك عبدالله ووجهك غرب وسيدا لحد ماتوصلين طريق الملك عبدالعزيز روحوا يسار من عند سيتي ماكس لكن (فيه تحويلات اجباريه يمين امشوا معها من عند حياة مول والدانوب وبعدين ارجعوا ثاني مره وخلكم على الملك عبدالعزيز مع طريق الخدمه يمين بيجي عىل اليمين طبعا طريق العروبه اطلعوا معه يمين

وامشوا سيدا لآآخر الشارع وبتعدون المملكه بتكون على يساركم بعدين بيجيكم تقاطع التخصصي اطلعا يسار على شارع التخصصي وامشوا مع طريق الخدمه يمين سيدا بيجي بانوراما على اليمين

(بانوراما مول يقع على شاعر الامير محمد بن عبدالعزيز التحليه وعلى التخصصي)

واي شيء تبين لاتستحين

ماااااااااااااقصرتي يا الغلا لا خلا ولا عدم
الله يسعدك بالدنيا والآخره ويفرج لك كل كرب و يبارك لك في مالك و وقتك
ويشفي حبايبك ويقر عينك بهم
تقبلي خالص الود ياقمر