بناااااااااات ساعدوونييييييييييي.... زوجي طلب مني أسويله شوربة آش الإيرانية وقالي شوفي البنات في المنتدى بيساعدونج....... ساعدونييييييييييييييييي

السلام عليكم اختي، هذه الطريقة جربيها وان شاء الله تعجبك

الله ربي لاشريك له
روحي لعطار ايراني وطلبي منه عجينه الاش .. تكون مجففه باكياس نايلون ... او اشتري الاله الي تقطع العجين الى شرائح طويله ..
واذا ماحصلتي وكنتي مستعجله تقدرين تفردين العجينه وتقطعينها بالسكين .. تكون بعرض 1 سم وطولها 6سم تقريبا والسمك يكون وسط ... او ريحي بالك واستخدمي مكرونه الفيتوشيني وكسريها واستخدميهااا ...

تقريبا تحتاجين نص كيس ( اذا كان حجمه كبير ) تكسرينها لقطع متوسطه الطول ... ونص كوب رز ونص كوب عدس اخضر .. و3 بصلات مقطعه لجوانح ... وعلبه حمص مسسلوق وعلبه فاصوليا حمرااا وبيضا مسلوقه ... اربع فصوص ثوم مهروسه ..
شدتين خضرااا من المتوفر عندك ( بقدونس - كزبره - شبنت ) الي يصير المهم تحطين نوعين ..

لحم مقطع مكعبات ... ليمون اسود صحيح - كمون وكزبره فلفل اسود - عصير ليمونه

اول شي تحمسين البصل بالقدر وعقب تضيفين له اللحم والثوم وعقب تضيفين له الماء كنك تسوين مرق اللحم ..
واتركي اللحم ينضج زين .. وضيفي له البهارااات عقب ضيفي له العدس الاخضر والرز والليمون الاسود واتركيهم على النار يطبخون ولما يبدون يستوون ضيفي لهم عجينه الاش واتركيهم على نار هاديه وبالاخير تضيفين المعلبات ( الفاصوليا الحمرااا والبيضا والحمص ) وعصير الليمونه والخضراا ... وحركي المقدار زين .. واتركيه على الناررر لين يكمل استوااا ... والماءء لاحظيه اثناء الطبخ كل ما نقص زيديه بحيث تصير الطبخه مو ثقيله وايد ولا سائله كثير ... يعني قوامها وسط ... تقدرين تسوين الاش من غير اللحم لو ماتحبين اللحم بالاش ...

في ناس تحب لون الاش احمر ... تكون طريقته انك تسوين مرقه لحم بالصلصه عادي .. وعقب تضيفين له عجينه الاش ( كيس كامل ) والمعلبااات من غير الخضراااا والارز ...




وعند التقديم تصبينه بطبق عميق ووتحطين فوقه بصل محموس بزيت غزير يكون مقطع لجوانح ...

وبالعافيه ان شاء الله
ام محمد..موجوده في خفايف انا سويتها لذيذه


الساعة الآن 08:02 .