Analysis Services
السلام عليكم ورحمة الله

خواتي بروح أفطر ببيت خالتي وأبي أقدم لها حلى أو طبخه بس ماتأخذ وقت لان مايمدي..

وتراني لفييت موقع الطبخ العربي بس تطلع مشكلتي اما المقادير مو متوفره أو اني ماأضمن تطلع الطبخه تمام..


ياليت الي جربت أي شيء سريع وطعمه حلو تتفضل..


مافي وقت تكفوون
14-09-1425 هـ, 04:26 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلااااااااا والله وغلاااااااااLn X

ان شالله اني جيت بوقتي


جربي هالحلا وادعي لي سههههههههههههههل + رووووووووووووووووعه

((( حلا بالسمـــــــــيد)))

راح تصلحينه بخمس دقايق

حطي بقدر 3 كاسات ونص حليب سائل + 4 ملاعق سميد+ 8 ملاعق سكر
تخلينها على النار لين تغلي وبعدين تضيفين لها 4 ملاعق نشا مذوبه في نص كاسه حليب وتحركين بسرعه
وتضيفين بيضتين مع التقليب السريع والمستمر ( عشان ماتتكتل )
وتضيفين ملعقه صغيره فانيليا وقشطه وتقلبين
وتوضع في زبديات صغار وتزينينها بالفستق

وبالهناء والعافيه


على فكره اذا عجبك ادعيلي واذا ماعجبك لا تدعين علي



تحياتي لك يالغاليه..أختك هيرميـــــــــــــا
15-09-1425 هـ, 01:21 صباحاً
 
الله يعافيك بس ماعندي سميد

تعرفين عروس وتو بيتي مااكتمل

رحت أقرب محل حلويات وأخذت خلية نحل ويالله

مشكووره
15-09-1425 هـ, 03:11 صباحاً
 
ادري جيت متأخره بس جربي تعملي هذا الحلا...مره حلو...واللي كاتبته المغتربه في بلاد الغربه...واهم شي سهل


المقادير:
علبة قشطه وكاسه دقيق (والمقياس كاس جبنة بوك الكبير)
وذرة ملح ووممكن تحطينه ربع ملعقه بكنج بودر.
والله احيانا احط البكنج بودر واحيانا لا بس مافرقت .
وتعجن مع بعض حتى تتداخل القشطه والدقيق جيدا وتترك تقريبا 10 دقائق ترتاح العجينه وبعدها تفرد مع قليل من الدقيق على طاولة الفرد وتفرد فرد لا هو سميك ولا رفيع وسط.
وتقطع بقطاعة السمبوسه المشرشره على شكل مربعات وتقلى في الزيت ويكون الزيت مثل زيت اللقيمات ساخن ووسط لا هو غزير ولا قليل.
وبعد القلي توضع على مناديل المطبخ وتسحب الزيت وتوضع في صحن التقديم ويصب عليها العسل وتقدم ساخنه وومكن توضع عليها شيره بس انا افضل العسل لانه افود من الشيره.
بنات جربوها لا تفوتكم والله انها لذيذه اذا انزنقت في الوقت اعجنه واقليه وتطلع رهيبه وسهله ومايحتاج لها تخمر ولا شي ولا تنفقع في الزيت وتقرمش ولا تشرب زيت
زوجي عيالي ينهبلون عليها
بنات جربوها لاتفونك والله انها رهيبه ومايحتاج لها وقت مره وسريعه وتنفع لرمضان
اتمني انكم تجربونها وتردون علي انا في انتظاركم
اختكم في **** ومحبتكم في الله
المغتربة في بلاد الغربة




تحياتي لك


16-09-1425 هـ, 05:00 صباحاً
 
مشكورة عاشقة الباطنة..
وبأجربة إن شـاءالله..
مع اني مستغربه شلون عجين من دون بيض او حليب؟؟
لكن تحت التجربة وبرد لك النتيجه

ملاحظة التحيات لله.. لايجوز قول "تحياتي" والأفضـل استبدالها بـ "مع التحية"

شكرا
18-09-1425 هـ, 03:03 مساءً
 


الساعة الآن 06:27 .