انا عندي موهبة اني اسوي قصص مصورة مثل مجلة فتيات مثل الياباني وعندي ربيعات مثلي عندهم هالموهبة نرسم قصص مثل comicx و manga وشغلنا على الكمبيوتر في التلوين يخبل بس ما نعرف شو نسوي وانا ناوية افتح مجلة اصدر فيها هال القصص واسوي اكثر من نوع خاص بالاطفال والمتوسطين والكبار وهي تكون مثل المسلسلات الخليجية الي احنا نشوفها على التلفزيون بس على شكل قصص.

والي احتاج اساله اتحسون ان مشروعي بينجح واذا عندكم افكار حقي عن كيف اسوي هالمشروع واذا حد يبا يساعدني في المشروع من ناحية الادارة تراني ميح في الادارة وبعد من الناحية المشاركات والافكار عن قصة جديدة في بالكم وعندي بعد مجموعة من الفنانات بيساعدوني في اتمام المشروع

وانا عندي فكرة اني اسوي مجله خاصة بالبنات الي اعمارهم فوق 12 سنة ل 22 سنة تقريبا عشان يبتعدون عن المجلات الي همها المغني قال والفنان سوى والموضة اللبنابية بتقول همنا ايكون كيف نخلي البنات يهتمون بالبيت والافكار والثقافات والازياء الي تنفعنا مع كيفية الخوض في الحياة ...

وعندي عيب انا ابا ادخل بالمشروع 120000 بس وما اعرف بتكفي والا لا اذا عندكم اي فكرة عن المشاريع ساعدوني واذا تبون تدخلون في راس مال المشروع وبعد ما ينجح نوزع الارباح حسب الي دافع كم
وانا واثقة ان هالمشروع ناجح بس يباله راس مال
المرة الجاية بحط لكم صفحة من قصة ..

صاحب الظل الطويل
همممممم

اذا شغلج بالكمبيوتر

الميزانية بتكفي..... طبعا لو اشتغلتي في البيت

بس انا عندي اقتراح لج

سوي هالفكرة للمدارس.... يعني في معلمات ايحبون ايسوون انشطة و مطويات و نشرات .... بس ما عندهم ابداع ...

سوي خدمة للمدارس و بييعي.... طباعة و تصوير و تصميم.....و صدقييييييني بتكديييين ذهب لو شغلج عيب المعلمات و المديرات

و بالنسبة للمجلة... او الكوميك..... اهم شي القصة اتكون احداثها ممتعة ... يعني نفس الانيمي..... و شي يجذب...
Essence مشكورة وايد على الرد الحلو وناوية انزل بعض صور المجلة على النت لو تبين
صاحب الظل الطويل
حبيتي اليابسة (كتبت لك رد شطوووووووووووله وضاع للأسف)

استخراج التصريح لوحده لمجلة صعببببببببببببب بببببببببببببب جداً وقد يحتاج لسنوات..

أنا عندي خبرة في الموضوع وممكن أفيدك ما أنصحك تبدين بإنتاج مجلة إلا إذا كان معك أشخاص كبار عندهم خبرة في عالم الصحافة يساعدونك ويشيرون عليك..

بعدين الإنتاج يحتاج لإخراج ليس فقط على الكمبيوتر ولكن على الباليتات ونقل لأجهزة للمطبعة وغيره ومشاكل كثيرة ولازم الشخص يكون عنده خبرة فيها وفي عالم المطابع علشان يقدر يمشي حاله في الموضوع.. بعدين أقل راس مال لمجلة صغييييييرة وبسيطة ما يكون أقل من نص مليون..!!

وهناك مسائل الإدارة والنشر والتوزيع وتحصيل المستحقات والديون من المشترين كلها أشياء صعبة وتحتاج ناس إداريين مهرة وعندهم خبرة يكونون معك..

فنصيحة إذا ما لقيتي أحد يساندك بخبرته لا تغامرين لأنك راح تخسرين كل اللي عندك وما تستفيدين شي يذكر..

لكن لو لقيتي فشيء طيب وخذي قرض من البنك مع وضع دراسة جدوى لمشروعك.. وحددي المكتب اللي راح تعملين فيه والموظفات اللي راح يشتغلون معك.. وهكذا.. وإن شاء الله ربي يوفقك لكن احتسبي الأجر في عملك قبل أي شيء ولا تحطين ملامح واضحة في الرسومات علشان ما تقعين في الحرام.. وإذا خليتي المواضيع مفيدة وهادفة فأنتي راح تكونين على ثغر بإذن الله من ثغور الأمة..

لكن إذا تبين .. أنا أعرف مجلة يبون وحدة ترسم قصص كاريكاتورية للبنات الكبار حول حياتهم وسلبيات البنات وغيرها.. إذا تبين تخوضين التجربة أرسلي لي بعض النماذج علشان أعرضها عليهم - بس يا ليت ما تكون الملامح فيها واضحة- ونشوف..

والله ويفقك حبيبتي..
مشكورة يا اسيل وما قصرتي

وعجبتني فكرة المجلة الي تحتاج لمن يرسم لها قصص بس شو بضبط يبون مني ارسم واذا تبين بطرش لج صفحة من قصة عن وحدة اسمها صبحة طفلة بس تعاني من مشاكل تربية الاهل كومدية بس عجبت كل الي قراوها جربي اقائيها وقولي رايج

مع تحياتي واحترامي


الساعة الآن 04:17 .