الحقوني بيجوني ضيوف ومااااأعرف شي .. والله لأدعيلكم بس ساعدوني

للرفع
لا اله الا الله

أبد ياقلبي
ولا تشيلين هم البنات ماراح يقصرون

قبل لايدخلون خلي البيت مبخر
والقهوه والشاي ونوعين او ثلاثه حلى
رتبيهم بطريقه حلوه
ولا تنسين التمر

ومع العشاء
إذا ذبيحه
حطي نوعين حلى سفره
وسلطة عاديه
مع سلطة طحينيه او سلطة طماطم
وحطي لبن وببسي وسفن ومويه

سوي بعد العشاء كنافه
او كيك

وشاي أخضر وأحمر بدون سكر
حطي نعناع وحبق على جمب للي وده

ممكن تجيبين نافورة شكلاته إذا كانوا يحبون الحركات
وتحطين جمبها مارشملوا وفراوله وكيوي

لاتنسين قبل لايطلعون تبخرينهم

إذا ذكرت شيء برجع أقول لك

موفقه

ياختي المنتدى مليان فيه اشياء حلوه انا كل ماجاء عندي مناسبه اخذت من هنا الله يعطيهم العافيه وانتي معك وقت كافي

مشكورين بنات على ردودكم
ام مشاري الله يجزاك خير
معليش يابنات اعذروني
اذا اخوان زوجي لما جو توترت وهم ثنين بالمتوسط والثانوي جاني توتر موطبيعي فكيف رجال

الله يعينك بس تراه عاد سهله اذا كانت بس رجال
ادخل في الموضوع
الحين الرجال مو زي اول شاي وقهوه وخلاص صارو مثل الحريم لازم تفنن وكل واحد يروح لزوجته ويقصله وشحطو وشسوو
1- لازم يكون قسم الرجال نضيف ومبخر بالعود ولاتنسين مغاسل الرجال حطي مناديل عاديه عليها
وحطي طاوله عليها مفرش ووزعي عليه ورد مجفف من نفس اللون وحطي مناديل معطره وعلك لبان اومثل مايسمونه البعض لومي اوعلوك حريم وتولات عطور.
2- جيبي عصير نادك مانجو وفراوله صبي في كيسان حلوه طبقات وعلى شان تسوين طبقات حطي ربع الكاس عصير مانجو بعدين جيبي محقان وحطيه على طرف الكاس وصبي عليه من الفراوله وبعدين زينيه بملعقه اسكريم فانلاء بالتوفي وزيني الكاس بعنب اسود حطي عنبه جواء وحده براى موصوله بلعنقود حقها
وشريحه اي فاكهه عندك وقدميها على طول عشان مايموع الاسكريم .
3- مع العصير قدمي هذي القاتو تراها خيال الكل يطلبني ازينها الين مليت منها
حطي بالخلاط الكاس
1كاس ماء
1 كاس سكر
1كاس زيت لازم دوار الشمس
4 ملاعق كبيره حليب بودره
4 ملاعق كبيره ككاو بودره
-------------------------
الحين اخلطيها بعدين خوذي من الخليط مقدار كاس إلاربع وحطيه في الثلاجه
-----------------------
زيدي على الخليط الي في الخلاط 2- بيضه
وخلطيه
-------------------------
جيبي زبديه وحطي فيها 1- كاس طحين منخول + 2-ملعقه صغيره غير مليانه بيكنج بودر
-----------------------
صبي عليه الخليط وخلطيه بالمضرب اليدوي زين وحطيها بصينيه الي مجخوره من الوصط لانه ماتخرب الكيك ابداً وحطيه بفرن حار من تحت بعدين من فوق وطلعيها وقطعيها مثلثات وحطي كل قطعه في صحن تقديم حلو وصبي عليها من الككاو الي في الثلاجه حطيتيه
سراحه قمه لاتفوتينها
--------------------------------------------------
والباقي على الاخوات مع اني عندي طريقه عجينه للفطاير تهوس
بس اذا احتجتيها قوليلي انا في الخدمه