Analysis Services
  • «
  • 1
  • 2
  • >
  • »
السلام عليكم ..شلونكم شخباركم


تكفون ابي مساعدتكم انا بكريه وعلى وجه ولاده ومتغربه عن أهلي ..وشايله هم بعد الولاده

شلون أبنظف أو أطبخ وانا معاي بيبي وكمان ناويه اكمل دراستي

قلت البيبي أوديه بيت أهل زوجي واذا جيت من الدوام أمر آخذه بس الطبخ كيف..؟؟


ياليت ياحريم ياسنعات تعطوني طبخات سهله وسريعه ماتآخذ وقت وشنو الأكل اللي أقدر أطبخه من الليل ولايخرب بس يتسخن..؟؟

وابي طريقة التفريز وايش اقدر افرز ..؟؟ ومتى يخرب..؟؟


تكفون ساعدوني الله يحرم وجيهكم من النار والله مالي أحد يعلمني عقب الله الا انتم .. امي بديره وانا بديره


وأهل زوجي مومن النوع اللي يرسلون لنا أكل ..امي ترسل لحريم اخواني على طول بس ام زوجي رافضه هالفكره


وانا ماودي نآكل من المطاعم أكل البيت ألذ وماودي أقصر على زوجي من هالناحيه


اللي ماتعرف تكفون ترفع الموضوع لوبدعوه ..


ويعطيكم ألف عافيه مقدماً
02-06-1431 هـ, 02:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسهلها عليك وانا مثلك بعد حالتي حاله وشايله هم الشغل والفطور خاصه ان امي مريضه وجدتي كبيرة سن واكلها مع انفها وماعندي خوات يساعدوني والرجال طلباتهم ماتخلص ولايحسون الله المستعان وياليت البنات يفيدونا ويكسبون اجرنا
07-07-1431 هـ, 11:31 صباحاً
 
السلام عليكم الله يعينك ان شاء الله ويسهل لك امورك بالنسبه للتفريز اشياء كثيره ممكن تفرزيها يعني ممكن تقلين خضروات وتقطعيها على حسب الصنف يعني مثلا اعواد ومكعبات للسلطات ودوائر للصواني وتجهزين حشوات اللي تبغين يعني مثلا تسوين حشوة دجاج وتكيسينه ممكن تستخدمينه بعدة انواع مثلا السلطات والصواني والفطاير يعني ممكن تتفنني بنوع الصنف اللي رايح تحشيه وممكن تسوي فطاير وتشكلين بيتزاء وجبن واقماع وشاندويتش ومثل الاخيرات تحشينه بوقته وبرضو عندك تسوي سمبوسه وتحشينه عصاج لحم وتسوين سبنغ رول وتحشينه دجاج او خضار للتغيير وممكن تسوي المخدات وتحشيها خلطة الجبن وممكن تكشنين كميه من البصل وتحطينه بعلبه وتطلعينه وقت الحاجه وممكن تلفي ورق عنب وبرضو كرنب وتجيبين دجاج بدون عظم وتقطعينه وتكيسينه على حسب حاجتك لاي صنف ممكن يطرا على بالك تسوينه طازج وبرضو ممكن تسوي ملفوف باذنجان وكفتة دجاج وكفتة لحم لو بغيتي تسوين داوود باشا يعني كل اللي سبق تجهزينه واذا طلعتيه تتفنني بطريقة الصنف لان كل شي جاهز بس حبيت انبهك لحاجه وهي اذا بغيتي تفرزنين الخضار حطيها بعلبه ولا تظغطين عليها ابدا خليها تاخذ اكثر من راحتها بالعلبه واذا حبيتي تطلعين شي طلعيه وهو جامد خوذي منه اللي تحتاجينه وهو ثالج ورجعي الباقي علىطول للفريز وهذا سر نجاح الخضار بالفريز وماتذبل وبالنسبه للحلى ممكن تسوي حلى الكابتشينو حلى كيكة الزبادي وتجهزيها بحشوتها والسينبون واصابع الجبن وبسكويت الجوزاء وتفنني بحلوياته وبرضو ممكن تطحنين كميه من البسكويت لحين الحاجه وتحمسين شعريه باكستانيه وسميد وجوزهند وحليب نيدو ومكسرات باشكاله لحين الحاجه وتتفنني بالحلويت والموالح واذا حابه اي زيادة معلومات انا حااااااضره وارسلي لي على الخاص واعتذر عن الاطاله ودعواتك لي اني احمل هذا الشهر وان يتم حملي على خير ويقر عين وابوهم بشوفتهم على احسن حال وان يحسن الخلق والخلق والله يسهل عليك ولادتك ويقومك بالسلامه ويخلي لك النونو اللهم صلي على محمد وعلى اله وصحبه وسلم
07-07-1431 هـ, 01:38 مساءً
 
الله يفرج همك وهمي حامل وعندي أثنين اصغار وجايني ضيوف اخر الشهر وحالتي حاله
07-07-1431 هـ, 02:01 مساءً
 
الله يهون عليك وييسر امورك اذا ماعندك وقت اشتري مفرززنات جاهزه

فيه حريم يبيعونها اريح لك ياعسل
07-07-1431 هـ, 02:06 مساءً
 


الساعة الآن 12:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏