تعالوا كلكم قصتي المؤلمه للفائده

مساء الخير لكل الحبايب اللي دخلوا ارجوا تفاعلكم مع موضوعي وعدم التحسس والتجريح لان الكلام يدل على صاحبه يابنات انا متزوجه من اربع سنين وعندي ولد واحد وزوجي ولله الحمد منتهى الطيبه والاخلااااص>>> مره واثقه ههه الموهيم ماقد ردني في حاجا انا ابيها ومعاملته طول الاربع سنوات كويسه قولوا ماشاء الله مانتمشكل كتير بس اذا تمشكلنا مانخلي كلمه بذيئه مانقولها غير االلعن والشتم الله يغفرلنا المهم اخر مشكله كانت قبل 10 ايام دخل الشيطان بيننا بشكل فضيع>>>> مسوي يمون ههههه المهم لعب الشيطان براسي وشكيت انه يخونني مدري ليه ممكن من هذا القسم اللي كله مشااااكل الله يعين ورحت له بكل هداوه وقلتله انه في بنت كلمتني وتقولي انها تعرفك طبعا كلامي كذب مو صحيح بس ابيه اذا فيه شي يعترف شفتوا كيف التفكير وانكر وحلفلي علمصحف وجاني الشيطان وقلي قالوا للحرامي احلف قال جاك لفرج ماصدقته للاسف وقلتله طيب باصدقك بس اديني كلمه المرور تبع ايميلك عشان اشوف اضفت بنات ولا لا عطاني الرقم ومن سؤ الحظ عيى يفتح معي بسبب الشبكه جاني االشيطان وقالي انه خرفلي رقم من راسه مو رقمه وتهاوشنا على كذا وتساببنا لين قلنا بس وانا كذا:icon33::icon33:المهم خرج من البيت عشان نهدا ويوزني الشيطان عشان الحقه قبل مايطلع ولحقته وقلت لو تخرج بالحق وراك وافضحك بالجيران المهم بعدها رجع البيت معايا وكملنا الهوشه ومد يده عليه لاول مره وقاللي عندك دليل قلت لو عندي دليل مافاتحتك كان رحت لاهلي المهم بعد ماضربني قلت اذا انت رجااااااااال طلقني وقالي انا احبك ماابي اخرب حياتنا وبيننا ولد عاد انا سمعته قال كذا وقعدت اتغلى الا تطلق ورجلك فوق >>>> ونرفزته مرررررره وطلق طلقه واحده وانا كن احد بخني بمويه بارده من الفجعه صرت كذا :eek: وابكي والبس عبايتي وعلى بيت اهلي قعدت ست ايام مقفله جوالي ماابي اكلمه وبعدها رجعت لبيتي ولزوجي بس بعد ايش بعد طلقه راحت كذا بسبب الشيطان والشك والتجسس فنصيحه لكم اول مالوحده تعصب تخلي زوجها يطلع لين تهدى النفوس ولا تحط راسها براسه يارب انكم استفدتوا من اغلاطي وفي حكمه تقول اتقي شر الحليم اذا غضبدعواتكم لي بس فيه سوال عندي انا سمعت انه الواحد اذا طلق وهو معصب ماتقع صح والشيخ يقلنا تحسب طلقه الي ماعندها نصيحه تدعيلي واسفه على لاطاله