غرفة نووووووووومي

ياهلا فيكم والله
تو مانور موضوعي يوم دخلتو
بس داخله على الله ثم عليكم تعطوني رايكم

السالفه ومافيها انا ساكنه ببيت اهل زوجي شقه صغنونه
المهم قبل اتزوج زوجي اتصل على اخوي وقال اسالها وش تبي لون الغرفه
المهم انا من زمان ببالي الون الاحمر لاني احبه واموت فيه
يوم قلت لاخوي قال ياهل الاحمر الي ذبحتينا فيه وخواتي يضحكون علي مو لانه موحلو بس لان لي قصه مع الاحمر
المهم غيرت رايي وقلت ابي وردي فاتح
وبعد فتره تملكت وزوجي بدا يكلمني وقال امي اختارت لك غرفة النوم زي مابغيتي وانا اشتريتها وبرسل لك الصور تشوفينها
عاد يوم ارسل الصور وانا انصعق
شاري الاثاث حق الغرفه وردي وصابغ الجدار ابيض
تخيلو سرير وردي دولاب وردي وانا استحيت اقول له موحلو
وبعد الزواج والحمل قلت له اني ودي اغير الغرفه مو حلوه ومليت منها
قال بعد الولاده اثريه يصبرني
والحين لي ولدي كمل 3 وانا للحين ماغيرتها يقول خليها لين تتعدل الضروف
قلت طيب وديها لمحل يصبغونها قال صعبه ومشوار ومادري ايش
وطبعا مافيه امل اغيرها لين اطلع ببيت الملك
ومتى اطلع عاد هذي علمها عند ربي
المهم والزبده عشان كل هذي السالفه انا قررت اصبغ غرفتي بنفسي
وقلت له قال عادي الله يقويك بس ترا اذا طلعت تفشل مالي دخل فيك موب مغير شي
عاد انا مسكت معي عناد ابي اغيرها وابيها تطلع حلوه
وابي رايكم ومشورتكم
انا ودي اصبغ الجدار الي ورا السري احمر وجدار ثاني مخطط احمر بابيض باسود
اما السرير والدولاب ..... الخ ودي اصبغها بس محتاره بني محروق او ابيض

وياليت كل وحده تقول رايها واذا فيه صور ياليت تقول
والي عندها نصايح لا تحرمني منها ودي اقهره

وسلامتكم
بس طلبتكم تعطوني رايكم واول ماصبغ وتضبط معي بوريكم الصور ****لله