الله يجعل بيتكم عامر بكل خير
راح أعطيك منيو وأنت حسب رغبتك

القهوة معاها بسبوسة أو بقلاوة البف باستري وتمر
الشاي أرشح لك مكسرات لأنه دام فيه عشى فبتكون منظر فقط

العشاء

السلطات سلطة البصل
( قطعي بصل أبيض جوانح ونقعيه في ملعقتين خلّ وملعقة عصير ليمون ورشة ملح وفلفل أسود وشوية موية لمدة ساعة قبل التقديم أو أكثر )
بعدين قطعي طماطم وجيبي ذرة وصفي البصل واخلطيها معاه وحطي عليها الصوص
( علبة زبادي ملقة طحينة خل وملح حسب الرغبة )
طعمها لذيذ وغريب أخذتها من وحدة هنا الله يجزاها خير

وسوي سلطة خضراء عادية لكن زيدي عليها ليمون مقطع صغير وسوي الصوص ( معقة زيت زيتون شوي خلّ عصير نص ليمونة رشة ملح وفلفل أسود )
وصبيها على السلطة وقت التقديم وأضيفي الخبز المحمص وأشوف إن الجاهز أطعم وألذ

أو سلطة التونه

المقادير :

3 علب تونه + شوي بقدونس + خس مقطع شرائح + 3 ملاعق زيت زيتون + ملح وفلفل أسود
طريقة العمل :

تخلط جميع المقادير بعد تقطيع البقدونس تقطيعاً صغيراً ثم يوضع
عليها زيت الزيتون والملح والفلفل الأسود
والصوص حقها صوص الرانش الجاهز



وممكن تسوين حمص أو تبولة

///

المقبلات

ورق عنب
ميني كبّة / أشوف إنك تشترين كبة شامي المجمده من السوبر ماركت مرررررررة طعمها لذيذ اللي بالدجاج طبعا وحجمها ميني
وإذا تبغي تزيدي سبرنج رول بكيفك

////

الأطباق الرئيسية

سوي مدفونة لوتس أو برياني أو رز أبيض مع مشاوي جاهزة

أو مكرونة باشاميل

وممكن تسوين رز أبيض مع صينية دجاج بالفرن أو مع ماسالا الدجاج أو مع روبيان مشوي


///

الأطباق الجانبية

صينية خضار بالكريمة وعندك طريقة هدوبة يمدحونها البنات لكني ماجربتها
أو
صينية كرات البطاطس

///

حلى السفرة

مافيه ألذ من الكريم كرميل في هالحرّ وسوي معاه نوع ثاني من اللي أعطوك إياها البنات فوق
أو سوي تشيز كيك مثل سعد الدين بحاول أجيب لك الرابط مرة سهل وحلو لكن لاز يكون عندك جيلاتين


والله يعطيك العافية ويبارك لك في وقتك

أكثري من قول اللهم اصنع لي ما أصنع وأنت خير الصانعين واستودعي الله شغلك كله

تري المنيو قابل للنقصان والتعديل والحذف براحتك لكني حبيت أريحك شوي من الحيرة اللي تصيبنا كلنا عند كل عزيمة

دعواتك ربي يفرج كربي ويكفيني شرهم : (
شوفي يا حبيبتي البنات ماشاء الله ما قصروا معاك الله يجزاهم كل خير بس حبيت انبهك لموضوع مهم وهو انك تجهزي اغراضك مبكر ومن بدري مررره
يعني لو عندك طاوله فاضيه تجهزي عليها ولا فضي لك دولاب في المطبخ ورتبي فيه الاغراض ...

يعني صينيه فيها فناجيل القهوه وغطيها بمنشفه ،،وصينيه للبيالات تبع الشاي ،، ولو بتحطين لهم تمر جهزيه والترامس اللي بتسوين فيها القهوه والشاي خليها قريبه..
وفي يوم العزيمه قبل لا يجون الضيوف صلحيها كلها وحطيها في الترامس وخليها قريبه على طاوله في الصاله مثلا
الصحون ،، الملاعق ،، السكاكين ...كلها غسليها وغلفيها بالجلاد وخليها على طاولة الاكل جاهزه .... والملاعق والسكاكين ملفوفه في المناديل تبعتها

المويه اشتري الكاسات الجاهزه وخليها في الثلاجه ولا الفريزر وجهزي صينيتهم بحيث انك تطلعيها وتصفيها على طول ...
لو بتحطين بخور جهزي الجمر والعلبه اللي ينحط فيها وخايه قدامك عند الفرن عشان ما تنسين وتولعين عليه في الوقت المناسب وجهزي جمبه المبخره والعود ..
مري على المغاسل وشيكي لو ناقصها صابون ولا مناديل ومناشف ..

اقول لك كذا اشوف اغلب الناس تلخم اذا جا وقت العزيمه وما تقعد مع ضيوفها ويروح وقتها بينهم وبين المطبخ والتجهيز بس لو جهزت اكبر شي قبل ترتاح وتستمتع مع الضيوف ..
الله يعينك ويستر عليك يا اختي

دوري

المنتدى مليان
المقادير ........
بالخلاط..

بيضه -نصف كاس زيت -فنجال سكر-كاس ماء -ملعقة اكل خميره-
تخلط ثم تعجن على 3 كاسات دقيق ابيض
تترك تخمر ثم تقطع دوائر صغيره وتفرد باليد وتوضع داخلها الحشوه ثم تكور وتغمس في بيض ثم بقسماط وتوضع بالفريزر ربع ساعه ثم تقلى ويعمل صوص للتغميس
ملاحظه ....ممكن حفظها بالفريزر في علبه واستخدام قدر الحاجة
الحشوه........

بصلة مقطعه صغير تحمس بزيت ويضاف لها معجون طماطم تبعد عن النار يضاف لها فلفل بارد مقطع صغير وجبن تشدريبشر وزيتون شرايح
الصوص.....
علبة زبادي =علبة حمص صغيرة= نص فص ثوم = شوي خل ابيض= شوي صلصة صويا الحلوه
وبالعافية اتمنى اشوف تجاربكم
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2592x1944 و بحجم 1107KB. هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2592x1944 و بحجم 1107KB.
نزلت لك بردي اللي فات كرات البيتزاء سويها قبل وحطيها بالفريزر واقليها ع العصر سخنيها وقت التقديم
سوي صينية مكرونه النوع اللي تحبين بشميل او فيتشوني او كشري انصحك ابتعدي عن الرز
سوي صينية خضار بالدجاج او كرات البطاطس موجود بالمنتدى
سوي ورق عنب وسمبوسة بف وكرات البيتزاء وسبنغرول اختاري صنفين وكله يسون قبل ورق العنب سويه وصبي عليه الليمون ومن بكره الصبح صفيه وخليه فالثلاجه للمغرب مايتأثر مجربه
متبل او حمص يعطن شكل حلو ع الشفره

سوي نوعين سلطه


الساعة الآن 11:58 .