اقتباس مشاركة  (اكتشاف)
بحر الزين انا من الرياض
ماشاء الله عليك جولنار هانم الله يوفقك
عندي شويه اسئله اذا ممكن
مشكلتي خايفه وماعندي ثقه في نفسي-مهارتي في الخياطه والتفصيل شبه معدومه
صدقيني ... هاللي فاتحين مشاغل في بيوتهم ويضربون بالاسعار بالعالي .. تقريباً كلهن ما عندهن خبرة ولا يعرفون ينظمون ابره .... وناجحات ...
تدرين ليه ...؟
لان المعزبة تخلي الخياطة هي اللي تقابل الزبونه .. وهي اللي تتفاهم معها و المعزبة بس تشوف الموديل وتحط السعر ... على كيفها ... عجب الزبونه او ما عجبها موب شغلها ...

ولكن الخياطة لما تجي ساعه التسليم تكون هي اللي بالوجه .. وتتلقى الهوشات من الزباين و تتعدل من وعوعتهم ... لذلك الخياطة غصب عنها تتعلم علشان تاكل عيش ولا تسفرها المعزبة .
سبحان الله وبحمده

سبحان الله العظيم
اقتباس مشاركة  (&& دعد &&)
يلا يا اكتشاف أدلي بدلوك

بقولك وش في بالي الحين

تقديم خياطه بفيزة شغاله =9000ريال
ماكينه انفنيتي= 1500 ريال
وعندي ماكينة سنجر جديده
لوازم خياطه = بشتري من الجمله ب 1000 او 900 ريال
مكوى =120 او 100 ريال
ألة السرفله = 300ريال
طاولة للقص = لسى مدري كم بيكون طولها وعرضها
مانيكان لعرض الفساتين= لسى بسال بالسوق عن سعرهم

أمممممممممممممم وش باقي بعد ذكريني؟

وش رايك اتعاقد من محل يصمم لي غرفة خياطه مو احسن واريح؟

وبعدين انتي عندك خياطه يعني عندها خبره وتقدر تفيدك بكل شي وسوي انتي وياها ميزانيه

وخليها تكتب لك كل لوازم الخياطه ،،وهاتيها لنا بهالموضوع عشان نعرف وش نشتري
بكتبها لك بعد شوي
ان شاء الله
سبحان الله وبحمده

سبحان الله العظيم
اقتباس مشاركة  (مديرة السعودية)
الحين اعطيك التفاصيل لاني رديت وانا مشغولة
مكينة جاكي 2 ب1750 من محلات الخياطة الى بشارع العطايف الوحدة اخذتها ب900 ريال بس عملي تخفيض لاني اخذت ثنتين
مكينة تطريز نفس الماركة 1750 ريال الوحدة
مكينة سرفلة تويا ب800 ريال
مقص كهربائي صغير ب250 ريال
عدد 2 منيكان الواحد ب80 ريال
مقصات صغير وكبير ومقص خيوط 180 ريال
وباقي الاغراض خيوط وازرار وخلافة وكلاف ودبابيس وصابونة ومتر....الخ 700 ريال
كروت 2000 حبة بسعر 450 ريال
وركبت خط هاتف مخصوص لشغلة هذي طبعا هاتف بطاقة السنة180 ريال
طاولة قص فصلتها عند النجار الي جنبنا جدا عادية 250 ريال وفيها ادراج
الفيز حق الخياطة انا اصدرتها 2000 ريال واستقدام ب3000 الف ريال مغربية بس مو عن طريق مكتب وحاطة يدي على قلبي
وسويت الشرايط الي تنكتب عليها اسمي واحطها في الملابس لفتين الفة الوحدة فيها 1000 يعني 2000 بسعر 300 ريال
وجبت لي من جرير فواتير جاهزة الدفتر ب8 ريال واحد سند استلام والثاني فاتورة
واتفقت مع تاجر اقمشة بالمعقلية بدور الارضى تحت هو الى يورد لي الاقمشة ان احتجت بسعر الجملة
وسجلت الاسم ابسم سجل تجاري عشان اضمن الاسم ماحد مستخدمة قبلي
واخذت غرفة من الوالدة حطيتها مكان لشغل والعرض
والثانية غرفة نوم لها
ودها امي تقتلني بس وعدت امي بعد ست شهور الى سنة ان الشغل تحسن استاجرت لهم مكان ولا نقلتهم عندي بيتي ان خلص

والحين انتظر الخياطة على وصول
عشان نقول الله يكتب الى فية الخير

تبني الجد ...كلفتي على روحك اكثر من اللزم ...

تدرين بايش بديت ..
مكينة جوكي .. ومكينة سيرفوليه هندية .
مقص كويس بـ30 و مقص سيرفوليه بـ50
مسطرة طويلة و متر و مسطرة منحنيه للانحنات
علبة دبابيس وابر
عجلة مسننة وكربون و ماركات (مارك التخطيط )
الخيوط جبت الاساسات فقط

وكل فستان يجيني اطلع اشتري له خيوطة ..لانه كل قماش وله درجة لون معينة ....وما يوافقه اي خيط

ليه اشتري خيوط ثم ما توافق مع اقمشة الناس ؟!

الفستان الواحد او المريول .. يحتاج لأربع بكرات خيط لون واحد ...
وحده على مكينة الخياطة والملكوك ... وثلاث على مكينة السيرفوليه .


ولرسم البترونات ....جرايد ..وقلم خط ... ليه اشتري شفافات كاني ب*** تفصيل .
واشتري دولاب كلها ادراج علشان الخيوط و الخرز والادوات وغيره . تلاقونهن عند ابو ريالين اللي تجي على شكل ادراج . مثل حقات البهارات .

المنيكانات ...فيه انواع كثيرة وصناعات كثيرة .
المنكان بـ50 ريال صناعه سورية . تلاقونهن بالمعيقليه

ملاحظة عند شراء المنكان لا تشتروا اللي له اكتاف عريضة كانه اكتاف جاكيت رجالي ..بيبهذلك ما تدخل فيه الفساتين

مكينة التطريز 500 ريال ...لا تبزعون وتشترون غالي ...لانه العاملة ممكن تجي ما تعرف لها .. اشتري ابسط مكينة .

من ناحية الفواتير .رحت المطبعه وطلعت لي فواتير بـ300 ريال 10 دفاتر
وطلعت لي شريحه سواء حطيتها في يدي انا
وطبعت لي كروت بالبيت وحطيت فيها اسمي ورقمي ووزعتها .

وكان الله بالسر عليم ....
سبحان الله وبحمده

سبحان الله العظيم
اقتباس مشاركة  (روايه عشق)
والله حتى انا المشروع براسي بس تعتقدون ممكن اقدم على صندوق عبداللطيف جميل ويقبلوا يساعدوني
اذا بتقدمي ... بيعطونك بس مابيكون في البيت لازم تفتحي محل وتراخيص وعباله .
سبحان الله وبحمده

سبحان الله العظيم
اقتباس مشاركة  (نونو كامانونو)
صعب تلقين خياطه ماهر وان لقيتي براتب مرتفع لا يقل 3000
لا يا قلبي ...
راتبها 1000 ريال واذا تفرعنت .. وصلت 1500 او 1700ريال ... هذي بالبيت .....

حتى المشاغل اللي ماسكة عمالتها كويس ..ان طقت طقت ...1700 ريال ..
بس اللي يهربون من كفلاءهم و تشتغل لحسابها .. وتروح مشاغل توصل 3000ريال لان الواحد طايح لها ولا عنده عماله وبيتستر عليها .
سبحان الله وبحمده

سبحان الله العظيم


الساعة الآن 01:54 .