انا عاجبتني الفكرة مرة خصوصا اني احب اصمم والناس دايم تسالني عن راي في موديلاتهم
وعندي شوي معلوومات لما كنت نا ويه على الفكره بقوة جمعتها

اول شي الخياطه فلبينية.. لان الاندنوسيات والهنديات بالقص ما يفهمون
محتاجه غرفه لنومها وغرفة عمل..(تعرفين مشان لا تخيس النفس عليك ومشان لا يصير في الملابس ريحه)
محتاجه مكينة خياطه الكويس منها تقريبا بـ 7000 ممكن تاخذيها اقساط
وطاولة قص وابر وخيوط ومقصات و عدة خياطه بشكل عام ومكوايةمو زي حقت البيت لا غير احسبيها 2000
الاستقدم ما ادري كم يكلف مع الفيز والتذاكر واحفظي لها راتب 3 شهور مشان لاتتوهقين
بالبداية انتي مضطره تخيطين كم موديل على كيفك تجربين خياطتك وتعرضينها ممكن تعرضينها بمشغل او صالون (اذا تمونين على وحدة او تستاجرين مساحة للعرض لمدة اسبوعين مع التنويع او 3 ايام بس بالويك اند )واتحطي البزنس كارد مع المجموعه.. وممكن تسوين فساتين نعومه لأخواتك وصاحباتك وصاحباتهم زي حقت نجمات هوليود يعني خفيفه وتنلبس بطلعه عادية برضوو لدعاية


والله يوفقك .. اي سؤال موجه لي ارسلي لي ع الخاص لاني يمكن ما ارجع للموضوع وان شاء الله اكون افدتك
08-06-1431 هـ, 04:07 مساءً
 
سبحان من قبل مااتزوج وانا افكر بهالمشروع بس ماتم


المهم

اولا جيبي خياطه فلبينيه لاني اشوف ببيوت الناس فلبينيات اظبط

وخليها تخيط فستان راقي ومصمم يجذب الزباين اذا شفتيها تظبط الموديل والمقاس


سوي كروت اعلان وزعيها بالمدارس وقرايبك والجيران والاسواق

واكتبي لفتره محدوده خياطة اي فستان ب 400 ريال او السعر اللي حابه اهم شي مايكون مباهض فيه عشان ماينفرون الزباين

تعديل اي فستان ب 20 ريال



ليش قلنا فستان لان اغلب الناس تفصل فساتين اما البلايز والتنانير يأخذون جواهز


واذا انتي متعامله مع مصممات اوا نتي تعرفين تصممين اوتخلين خياطتك تطبق موديلات من كاتلوجات فصلي لك اربع فساتين واعرضيها للبيع

وجيبي ملف وحطي فيه عينات من اقمشة التفته الامع والواقف والمطفي وكل الوانه

وبرضو ملف ثاني فيه انواع الشيفونات والوانه

وبرضو الساتان

والحراير

والتل

وحطي ملف ثاني بعض انواع الكريستلات او طلعي بالنت انواع الكريستال المتوفره بالسوق واطبعيها

لان بعض الزباين ماتعرف توصف لك نوع القماش يكون
انتي تورينه الملف اسرع لك

والله اني اعرف وحده كذا بدت وماشاء الله الحين لازم تحجزين اول

والله يوفقك وادعي لي
08-06-1431 هـ, 04:52 مساءً
 
فكرة حلوة بس الافضل تاخّذي كلام بنات جربوا هالمشروع ونجح عشان يعطوك تفاصيل اكثر-
الله يوفقك-
08-06-1431 هـ, 09:05 مساءً
 
اهم شي الأسعار ما تكون غالية
انا إلي ينحشني من الخياطات الحريم غالية وعلى غير سنع بعد

لو شغلك حلو واسعارك مقبولة جدااا وغير غالية
يصير حلو والكل يقبل عليك ..

هذي اهم ملاحظة ..
الله يوفقك
08-06-1431 هـ, 11:47 مساءً
 
تسلمون لي والله على الافكار الحلوة

حلوة فكرة توفير عينات من الاقمشة والكريستالات في ملفات

وفعلا انا ناوية اخاف الله في الناس وما اغلي الاسعار
09-06-1431 هـ, 01:03 صباحاً
 


الساعة الآن 09:56 .