ادري بتقولون حنيني بالحر طيب وش اسوي والله له كم يوم بخاطري وزوجي يقول حنيني بالحر
ليتني اقدر احط صور كان صورته سهل وسريع ولذيذ ومفيد
اولا خلط دقيق بر مع شوية خميره مع حليب مع شوية ملح ومويه لين صارت عجينه زي الكيك صبيتها بصينية الكيك ودخلتها الفرن
جبت تمر خلاص او نوع مشابه ممكن ثلث كمية العجين شلت النوى وعجنته بايدي شوي
طلعت الصينيه من الفرن بعد ما استوت العجينه ولمى بردت قطعتها بالسكين وحطيتها مع التمر وشوي زبده سايحه بالخلاط مو الفرامه الخلاط العادي وشغلي الخلاط وشوفي لين يختلط التمر مع العجينه تمام بعد كذا طلعي الخلطه بتكون ثقيله شوي طلعيها وحطيها في صينية فرن اللي بتقدمين فيها الحنيني مدهونه زبده وادهني بالزبده الوجه ودخليها الفرن 10 دقايق بعدين طلعيها ومع دلة القهوه في غرفه باااااااارده وبالعافيه
ترا الشرح طويل بس الطريقه سهله وسريعه ما تاخذ منك كلها على بعضها نص ساعة
ملاحظه\ اذا جاء زوجك يمد يده اضربيه بالملعقه اللي انتي تاكلين فيها وقولي الحنيني ما يصلح الا بالشتاء
07-06-1431 هـ, 06:28 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عجبني..أول مرة آسمع عنه
حنا نحط الطحين عالنار ونحمره شوي
وناخذ تمر من غير نوا وشوي زيت ..ونخلطهم وهم عالنار
07-06-1431 هـ, 06:37 مساءً
 
تسام ايدينك طريقتك جديده علي بس راح اجربها ان شاءالله
انا طريقتي المعروفه طحين يحمس بالسمن البري ونعجن فيه التمربدون نوى طبعا
الله يسخرلك و يعطيك العافيه
07-06-1431 هـ, 07:10 مساءً
 


الساعة الآن 06:00 .