عادد سوي صواني

توست يالدجاج ومكرونة بالباشميل وسلطات وشكل حلى

والله يعينك
08-06-1431 هـ, 08:20 مساءً
 
ياقلبي عليك خلي الكوي بعدين اهم شئ تخلصين ضيافه بكره والتنظيف واكوي اللي بتلبسين بكره؟؟؟؟؟
واما الطبخ البنات يفيدونك لاني معزومه عندك
08-06-1431 هـ, 08:26 مساءً
 
الله يحيك ولله لو تجين لحطلك ذبيحه بس شرفي مكاني
09-06-1431 هـ, 12:28 صباحاً
 
رفع
09-06-1431 هـ, 01:53 صباحاً
 
مرحبا..

أنا من رايي أنك ما تسوين حلويات طبقات..لأنها بتاخذ وقت منك..


سوي كيك..نوعين..نوع سادة..ونوع حطي له كريمة أو صوص..

مع الشاي..لا تكثرين إذا قبل العشا..نوعين فطاير..وممكن تاخذين كبة جاهزة وتقليها..أنصحك بكبة شامي تجي صغيرة وحلوة..وطعمها مميز..

إذا بتخلين الشاي والقهوة بعد العشا..سوي نوع حلى عشا..وخلي الكيك والموالح والمكسرات بعد العشا..

وقدمي أيس كريم أو عصيرات قبل العشا..

العشا..إنتي أخبر وش يحبون..
ممكن تسوين نوع رز تكوني تضبطين طباخه..

وسوي صينية مكرونة باشميل أو مكرونة بالصلصة الحمرا..

سوي نوعين سلطة..سلطة خضرا عادية..أو فتوش..شي الكل متعود عليه..وسلطة ثانية..للي يحب التغيير..

ممكن تخلين الفطاير مع العشا إذا بتقدمين الشاي بعد العشا..وأنا أفضله بعد العشا..عشان يكون أطباق أكثر على العشا..

ممكن تسوين سمبوسة خضار أو بطاطس..أو سبرنغ رول بالجبن أو الخضار..أو كفته أو كرات دجاج..

سوي نوع حلى سفره..وخليه بسيط..محلبية سواء بيضا أو صفرا أو شوكلت..أو جلي طبقات..أو كريم كراميل..


تقدرين تسوين كيكة حتى لو جاهزة..وتسوين معاها صوص شوكلت..أو كريمة خفق وتحلينها شوي بسكر بودره..أطعم وأحلى من الدريم ويب..وتبشري فوقها شوكلت أو مكسرات..

سوي سلطة فواكه..



وعندك أشياء تقدرين تبدين فيها من الليلة..وما تاخذ وقت..
قطعي السلطة..ولا تخلطيها بالطماطم ولا الليمون أو الملح..غلفيها وقبل العزيمة بساعة حطي باقي المكونات..
سوي الجلي أو المحلبية والكريمة من هاللحين..كلها 10 دقايق وهي مخلصه..
سلطة الفواكه قطعيها هاللحين..وأغمريها بالعصير وغلفيها زين..وبالثلاجة لوقت العشا..وقدميها مع كريمة خفق أو دريم ويب..وفوقها شوي عسل ومكسرات..

وطلعي الدجاج أو اللحم قبل ما تنامين..وقطعي الخضار اللي تحتاجيها..


لو تبين طريقة شي معين أنا بالخدمه..


في أمان الله..
09-06-1431 هـ, 02:18 صباحاً
 


الساعة الآن 06:58 .