السلام عليكم مساء الخير للجميع صر احة عندي مشكلة وياليت الطباخات يساعدني وهي ان ان كبستي مالها طعم مهما اجتهد ماااش ماتغير عادي ابقولكم طريقتي اكشن البصل والطماطم والفلفل بارد وثو م بعدين احط الدجاجة ثم الما والبهارت وليمون اسود بس والله الطعم موب ذاك الزود مو على قد التعب ابغى طعم مميز

طيب جربي أنك مع البصلة وهي تتكشن حطي معاها سرة أبازير الشوربة أطلبيها من العطار يمكن تعرفيها هي مجموعة أبازير صحيحة تحطيها في سرة قماش عندك أو مصفى ستانلستيل تجيكي زي الكورة تفتحيها وتحطي فيها الأبازير وتحطيها مع البصل وتكشنيه ولما يصير شفاف ضيفي الدجاج أول شئ لين يتحمر شوي وبعدين ضيفي الطماطم والفلفل وخليها تطبخ شوية وممكن تضيفي الرز ويطبخو مع بعض أو تخلي الدجاج يستوي وتنشليه من القدر وتحطيه في الفرن شوية وتسوي الرز في المرق جربي وشوفي
كشني البصل والثوم وحطي البهاروالفلفل الاخضر ثم الدجاج وحركي وشمي ريحة الجاج او اللحم تهوس اذا تبين تطين طماط حطي في الاخير وبعدين حطي الماء اخر شيء والملح لا تحطين البهار بعد الماء ما تنفع ابد ومثل قلتها دعواتك
اقولك طريقتي وكبستي حلوة وطعمة مرة
انا مااحط زيت نهائي كافي الدهون الموجودة بالدجاجة
احط البصل مع الدجاج واخليه حتى يتحمر واحط بزار حب وخليه يتحمس شوي بعدين احط بهارات مطحونة وافضل شيء هي بهارات الخرمة تلقينها بالعطار وكمان احط بهار يجي بكرتون اسمه ناتونشينال للبرياني العلبة الصغيرة بريالين ونص وتطول عندي بعد كذا احط الطماطم المطحونة واخليها حتى تتسبك تمام وازيد موية عليها طبعا في هالمرحلة اكتم قدر الضغط لمدة ربع ساعة
بعدين اذا بغيت اشيل الدجاجة وعلى الفرن تتحمر والمرق اصفيه من الشوائب كلها واحط الرزومعاه قرن شطة للطعم بس يادوب الموية تغطيه بس واكتم القدر مرة ثانية وعاد اخليه يمكن عشر دقايق مايطول وافتحة
عاد اذا كنت رايقة سويت خلطة فوق الرز عبارة عن زيت وبصل مشوح مع جزر وفلفل اخضر واحطها في القدر مع الرز واخليها عشر دقايق عشان الرز ياخذ الريحة
ودعواتك هذي كبستي بالتفصيل
*****اللهم اغفر للمؤمنين والمؤمنات الأحياء منهم والأموات*****


الساعة الآن 06:28 .