Analysis Services
السلام عليكم و رحمة الله و بركاته ,

كيف حال الحوائيات
أسأل الله أن يديم عليكن الصحة العافية .
السالفة و ما فيها يا طويلات العمر أني بتخرج هالترم بإذن المولى <<<< بتعلم أنها بتتخرج خخ
و صديقاتي قالوا بنسوي حفلة تخرج بقاعة بأحد الفنادق و مجموع عدد الأشخاص 100 , و القطة بتكون أقل شي من 4000 ريال !
أنا صراحة أحسه مبلغ مبالغ فيه خاصة أنه عدد البطاقات ما راح يكون يسوى ,
فقلت يا بنت الحلا استهدي بالله و سوي لك حفلة على قدك و اعزمي حريّمكم و بنيوات جماعتس باستراحة و سوي لك حركات حلوة أحسن و أصرف من الفندق اللي ما تدرين وش بيكون فيه ,, لأني أنا خايفة من الموسيقى و اللبس اللي يحوم التسبد !
طبعا مجتمعي حدهم مفاطيييح و إذا حطيتي سلطة و جريش و قرصان و نوع حلى
فجا ببالي ان اسوي العشاء بوفيه و تقريبا عدد حريمنا 80 نفرة
فرحت أنا الله يسلمني و يطول بعمري و من يقرا و دقيت على النافورة و بكل ثقة قلت أبغى بوفيه لـ 100 شخص بدون طاولات و كراسي
أول شي هو صرخ و قال 100 شخص أنا ما ادري ليه صرخ !! قلت ايه مية <<< صاملة
قال داخل و لا برا الرياض ! قلت داخل
قال حسب الطلبات , لكن تقريبا عشرة الاف ريال من غير الذبايح
أنا
و قلت مع السلامة و قفلت السماعة مباشرة
فقلت ماله الا بنيوات حواء , ليت تفيدوني هل هذا السعر طبيعي و اذا معازيمي 100 أحط بوفيه على العدد لا أقلل !
و أحط مفاطيح و لا البوفيه يكفي !
و الله يعطيكم العافية ,
و لا تنسون تباركون لي بالتخرج



09-06-1431 هـ, 10:31 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
امممم شوفي غير النافوره عندك الفارس الي في شارع الستين طبعا في الرياض نظيف واكلهم حلو اسعارهم ارخص من النافوره
09-06-1431 هـ, 10:33 مساءً
 
ياعمري مبروك التخرج
ماعندي فكره بس رديت ابارك لك واقول الله يوفقك
09-06-1431 هـ, 10:35 مساءً
 
موفقة وماعندي فكرة بالرياض
09-06-1431 هـ, 10:37 مساءً
 
الف مبروك التخرج حبيبتي

ممكن نسوي لك بوفيه ..تفضلي بزيارة موضوعي في توقيعي
09-06-1431 هـ, 10:38 مساءً
 


الساعة الآن 05:40 .