السلام عليكم

أخواتي أنجدوني وخاصةخواتي المشرفات زوجي ورطني بعزومة فطور لحوالي 20 شخص وما ادري شسوي اقتراحاتكم الله يخليكم ابي اكل يرفع الراس

للمعلومه انا دايما أفتح المنتدى بس هذي اول مرة اتشجعواشترك

**** الله مايخيب ظني بكم

ترىالعزومةالسبت يعني ماكو وقت
صنفي الشغلات اللي تبين تسوينها وبعدين اكتبيها وجمعيها واعمليها

اول شي الشوربه ادخلي قسم الشوربه واختاري الاسهل لكي

وبعدين المقبلات وهي كثيره ... سمبوسه او ورق العنب ... او الكبات بانواعها واختاري الاسهل... وهناك الكثير من اطباق التوست والسهله والسريعه ... والميني بيتزا وغيرها من المعجنات

وبعدين الطبق الرئيسي ... الاطباق كثيره اختاري ما يحبونه والافضل لكي واعمليه

وبعدين اطباق الحلو .... المهلبيه والجلو الطبقات ولقمة القاضي والقطايف وغييييره من اصناف كثيره

وبالاخر اختاري المشرووووبات الرايقه مثل القمر دين والليمون بالنعناع وغيييره

شوفي بوفيه بيان مع المنيوووو فيه اطباق تجنن ومجربه

وموفقه عزيزتي

شكرا حبيبتي أم عزيزان انتي الوحيدة اللي رديتي علي بس لو سمحتي أنا أبي طبخات سهله مجربة وبعد كشخة (أدري مطلبة وايد الله يعينكم علي ) بس تراني عندي ضيوف مهمين وأبي حاجات زينة
عزيزتي الاطباق كثيره واكثرها مجرب

شوفي الروابط المثبته لان اكثر اطباقها مجربه

والاخيار راح يكون عليج

هلا حبيبتي ..

طبعا أول شي راح تحطين التمر مع اللبن و الزبادي والشوربة .. والأفضل شوربة العدس ..

وبعدين تحطين المقبلات ..
ويفضل انها تكون رمضانية مثل الكباب ..
وهذا رابط كباب أمي
http://www.hwarat.osrty.com/showthre...threadid=70158
حاولي تسوين أطباق يمكن اعدادعا من يوم مسبق مثل ورق العنب وفي هنا ورق عنب يمدحونه للأخت لا تنسوا أسرانا
وتوني أمس مجربة فتة خيالية لعزيزة من ملف المقبلات المثبت في القسم .. عند التقديم تحطين الطبقات على بعض وتقدمينها ( بس ضاعفي الكمية )

وبالنسبة للطبق الرئيسي ..
ممكن تسوين غوزي ونا نشرته و عجب الأخوات كثير .. و الغريب أنه أسهل رز ممكن تسوينه بحياتك ..
و ممكن تسوين ثريد دجاج أو مضروبة
أو هريس ..

والحلويات ممكن تسوين كنافة من يوم مسبق و تدخلينها الفرن في نفس اليوم
وطريقتها تفكين كيس كنافة و تخلطينه بنصف زبدة مذوبة من حجمة 227 جم
تحطين نصفها في قالب كبير .. و في النص تحطين 5 علب قشطة ( أنا اخلط قشطة كويتية و عادية و طازجة ) و تحطين النصف الثاني من الكنافة و تغطينه و تدخلينه الثلاجة لوقت ادخاله الفرن و بعدين اسقيه بالشيرة و الفستق
وممكن تسوين حلويات باردة من يوم مسبق مثل التشيز كيك

بالنسبة للعصائر .. أعتقد الليمون بالنعناع جدا مرغوب ويبرد
وهذا عصير ليمون بالنعناع بأسههههههههل الطرق .. مجرب و مضمووووووون ( سويته بدون سكر )
http://www.hwarat.osrty.com/showthre...threadid=67324


أهم شي ما تسوين أطباق متعبة وتاخذ وقت ..


الساعة الآن 05:55 .