اهلين اختي ام طلال ولين .. كلامك صحيح هذا عذر كل المحلات على طول يطيحون في بعض اتهامات ويمدحون اشياءهم ولكن شوفي يا عيوني .. ابي اقول لك كيف تعرفين الاصلي من التقليد .. إذا كان الموزع معتمد فبيعطيك ضمان من الوكالة مختوم بختم الموزع وإذا حصلتي على هالشيء اعرفي انه القطعة اللي تشترينها اصلية ومكفولة من الوكيل بالتصليح وتأمين قطع الغيار .. انا سألت عنها قبل رمضان باسبوع او اسبوعين وسعرها كان حاول 1600 تقريبا مع الضمان من وكيلها العبدالقادر والمحل هذا بعد حاجاته غالية مقارنة بالاشياء اللي اشوفها في العويس والسيف .. وشفت اللي اصغر منها في جيان بحوالي 1200 ريال ومن النوع الاستين لس ستيل
02-10-1425 هـ, 02:47 مساءً
 
يعني من اللي فهمته من الاخت دردشة مطابخ
انها حجمين صغير وكبير!!!
صار عندي سؤال ايهما افضل الحجم الصغير ام الكبير؟
واذا ماعليكم تعب حبيت اعرف عن الحجم الصغير ماهي الكمية اللي تعملها
يعني اقصى كمية؟ لأن اكيد الكبيرة تستطيع عمل كمية كبيرة

أم يقين
02-10-1425 هـ, 04:23 مساءً
 
ايوه اختي ام يقين هي تقاس بالكيلو .. اقصد بكمية العجين بالكيلوغرام .. والحقيقة ما ادري كم كيلو تاخذ الكبيرة ولكنها كبيرة مرة .. انا اصلح فيها عجينة كبيرة تكفي لحوالي ست بيتزا كبيرة وما زال فيها متسع

بالنسبة للمقاس الصغير انا شفتها معروضة في جيان ومقاسها حلو كثير بس ما ادري عن قوة المحرك بالواط لان المقاس الكبير قوية جدا
02-10-1425 هـ, 04:52 مساءً
 
اشكرك اختي دردشة مطابخ على هذي المعلومات
كما اتمنى من اللي عنده اي معلومة عن الحجم الصغير يخبرنا
مثل ماقالت الاخت دردرشة مطابخ عن الواط وما كمية العجن اللي
تستطيع عمله

أم يقين
02-10-1425 هـ, 06:37 مساءً
 
مرحبا

اختي دردشه يمكن عندكم بالرياض احسن من هنا شويه بالنسبه لي على شان في جده وما اعرف اماكن كثيره هنا لما شفت الدعوه انهم بدأو يتهمون بعض قلت اشتريها من عند الوكيل وهو عبد الواحد على شان ما اعور راسي

اختي ام اليقين
شوفي حبيبتي الحجم الصغير تاخذ 3 كيلو عجين وهي 700 واط
اما بالنسبه للحجم الكبير تاخذ6 كيلو عجين وهي قويه طبعا 1200 واط

اذا كانت عائلتك صغيره وما تستهلكين كميات كثيره خذي الصغيره
لكن اذا كانت العائله كبيره خذي الحجم الكبير لانها توفر وقت
بس اذا كنت تبغين نصيحتي انتي شوفي الفرق بين سعر الكبيره والصغيره اذا ما فيه فرق كثير خذي الكبيره احسن لانها تفيد اذا كانت عندك عزيمه يعني تعجنين كميه كبيره وتقسمينها هذي للبيتزا وهذي للسمبوسه وهذي لاي نوع ثاني من المعجنات
احنا كنا كذا في رمضان نعجن كميه كبيره ونقسمها على الاصناف اللي راح نسويها

ان شاء الله اكون افدتك
واي سؤال انا حاضره
سلاااااااااااااااااااااااام
03-10-1425 هـ, 01:07 صباحاً
 


الساعة الآن 02:38 .