Analysis Services
السلام عليكم


أولا أنا ما ني نادمة على إكرام الضيف واجب ، وله حق بس ودي أعرف السبب

القصة زوجي من قبل أمس معطيني خبر إن فلان وفلان وفلان يبون يجون يسهرون عنده وهم زملائة في الدورة يعني جدد عمرهم ما طبوا بيتنا لكن كان يعرفهم قبل

ومن تلك الساعة وأنا أدهر ، واتقضى ، وأجرجر الكنبات ، وأغير شكل المجلس ...

ما يهم


اللي حزني إني من الظهر أطبخ ، وطبعًا هو مو عزيمة عشا يعني يبي أشكال منوعة مو مفطح فاهمين

وغايبة عن الدوام ، وفرفر ، واملي السفرة لين ما بقي مكان للخبز ، والمشكلة إني أول مرة أغير في طريقة تقديم الجح ، والخبز ، والحلى



والمفاجأة







قبل نصف ساعة من الآن








فتحت المقلط









ولقيت العشا بشكلة يا دودب أكلين شوي رز وسلطة ومتبل ، وشاربين شوي ببسي



أبعرف ليه ؟؟؟


أنا عشاي وش زينه متأكدة ، واللي مضيق صدري إني متعودة إن ما يبقى لي شيء

بس اللحين حسافة بس أطقم السفرة اللي طلعتها ، وحسافة مواعين العزايم


ليتني غرفت لهم في البلاستك أصرف لي من


المطبخ مرعب ، والنفسية زفت


يالله انتظرهم يروحون عشان أستفسر من
12-06-1431 هـ, 12:27 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله ياقلبي حطي باااقي الاكل لبكرة لكم والباقي وزعية على الناس المحتاجة الهنود اللي بالمحطاااات ولك اجر باااذن الله
12-06-1431 هـ, 12:43 صباحاً
 
يمكن مستحيين يكثرو اكل
ذكرتيني برمضان كنت اسوي فطاير وحلا لاهل زوجي
واتذكر انهم مااكلو الا شوي والحلا بطرف الملعقه او ماهو ملموس
هنا افرطع واتعب واخر شي ما ياكلون


واتذكر مره طبخت دجاج بشوايه الفرن وطلع كانه دجاج مندي
قام قال زوجي هذا سوته ام.............. بالشوايه
قال ابوه ; دجاج الطبخ بالماء احلى '
طيب ذوق طعمه ماهو تحكم وانت ماذقته
12-06-1431 هـ, 12:45 صباحاً
 
ياحبيبتي دااااااائما تصيريمكن يكونون من النوع اللي يتغدون العصر..او ماكلين قبل مايجون..ولو هم حاسين فيك وبا التعب اللي بذلتيه كان لحسو الصحون كلها
لكن الشكوى لله
ارفعي لكم بكرى ان شاء الله ووزعي الباقي على العمال حتى لو بكرى سخنيه ووزعيه
لك اجر ان شاء الله
12-06-1431 هـ, 12:53 صباحاً
 
قد صارت عندي
والسبب طلعوا الضيوف متعشين قبل لايجون
صحح هو قهر
بس قلت مايبقى الاكل
اخذته وغلفته في صحون سفري
وقلت لزوجي يعطيه للهندي
قولي لزوجك يودي عند اقرب محطه ويعطيه للهنود
تكسبين اجر فيهم
12-06-1431 هـ, 12:58 صباحاً
 


الساعة الآن 08:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏