هلا بك ياقمر
اول اسباب النجاح حب التعلم ياقمر مافيه احد يولد متعلم
وانتي ماشاء الله تبين تتعلمين وهذا بداية النجاح لك
ابدي بالاطباق السهله مثل معجنات او حلويات وشيئا فشيئا تنجحين
بعض الناس تبي تعرف تطبخ وهي اصلا ماحاولت تتعلم وهذا من اقوى اسباب الفشل
مافيه شيء مستحيل ولا فيه شيء صعب
كل شيء يجي بالاراده والعزيمه
شوفي كم طبق وحاولي تطبقينه بحذافيره وشوفي النتيجه
وانا متاكدة انك بتنجحين لانك انتي تبين تنجحين
واي سؤال انا حاضره وبخدمتك ياقمر
هلا والله بالشيف الصغيره ان شا الله ..حلو منك حبك تتعلمي الطبخ بس خلي اول حاجه نيتك صافيه "مو عشان تقهرين زوجة البابا "خخخ ياحبي للبنات اذا بدو بالتحدي ...المهم انتي اول حاجه لازم تعرفيها ان الأطباق لها أقسام وكل قسم تندرج تحته نوعيه معينه من الأطباق والقسم هنا مقسم على هالأساس فمثلا عندك الحلويات نوعين نوع للعشاء ونوع للقهوه وبما إنك لسا مبتدئه يمكن تواجهك صعوبة بالتفريق بينها اذا طبختيها من غير صور لكن غالبا اللي تكون فيها دريم ويب وكريم كرامل بكميات كبيره او تكون بارده تكون للعشا واللي تطبخ بالفرن وكذا تكون للقهوه وقبل لاتطبخين اي حلا اتأكدي ايش نوعه عشان ماتنحاسين . وعندك عاد الأطباق برضه مقسمه فالسفره الكامله لازم تحتوي على جميع الأطباق نقسمها كالتالي :
1- المقبلات وقصدنا فيها فواتح الشهيه وهي اللي تكون اطباق سهله وخفيفه مثلا سلطات مقالي ورق عنب معجنات وهكذا , والشوربات بأنواعها وانتي سوي زياره لقسم المقبلات والسلطات وراح تنبهري ..
2- الأطباق الجانبيه وقصدنا فيها الأطباق المكونة من خضار اما تكون محاشي او صياني كذلك صياني دجاج و الربيان المقلي <<بالعربي أي طبق تشوفيه ثقيل لكن مايتقدم لحاله لازم معه طبق اثقل منه ههههه .
3- الأطباق الرئيسية وعاد هي الأطباق الثقيله مثل الرز بأنواعه والمكرونات والأطباق الشعبيه جريش مرقوق مطازيز قرصان ووووووو واللحوم بأنواعها ...
يعني هذا مدخل ممكن يفيدك نوعا ما لأن هالمشكله واجهتني اول مابديت اتعلم الطبخ اني ماأفرق بين الاطباق فحبيت انك تعرفيها اول حاجه قبل لاتدخلين لعالم الطبخ ... وطبعا انتي اول حاجه تعلميها هي الحلويات لأنها تكون مقاديرها مضبوطه ونجاحها كبير أكبر من الأطباق الثانيه وطبعا بعد مانجحين فيها ان شا الله تزيد ثقتك بنفسك وتتدرجين بالطبخ من المقبلات واذا ضبطتيها ابدي في الأطباق الجانبيه وبعدين الأطباق الدسمه يعني شهر تمرسي على الحلى بسسسسسسسسسسس واالشهر الثاني سلطات مقبلات شوربات بسسسسسسسسسسسسسس وهكذا خلال 4 شهور ان شا الله اكبر شيف بالمنتدى .... ماكنك انتفختي اشوي ؟؟ ههه ياحياتي الله يوفقكك اي شي انا حاضره يابعدهم
شوفي ياعيوني بعطيك ساندويشات سهله وجربيها وقولي لي رائك يالغلا
وشوي شوي بتطلعين أحلى طباخه ماعليك من اللي ينقدون أوكي
وبقولك معلومه مو شرط الشئ يظبط معك من أول مرره بس راح تكشفين الفشل وتعدلينه إتفقنا ياعسل

*&*&*&*&*&*&*&*&*&*&*&*&

المالح أو الساندويشات ::::
ساندويش الهوت دوق:::

شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ

ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::

دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــ ة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه

ابشري والله الامور مره سهله والطبخ سهل بس يبيله اتقان عشان

يصير طبخك زين والاهم انك تبدين بلاشياء السهله زي

ساندوتشات وحلويات قهوه وخاصه لاصرتي مابعد اعرستي

زين منك انك تبين تعلمين وبعدها سلطات وشربات وبعدها

طبخات والكبسات والاكلات الدسمه والصواني والمحاشي

شوفي كل اكله طعمها يجي من الخضار والدجاج واللحم الزين

سواء عادي او مفروم وكل اكله لازم تضبطين ملحها وبهاراتها

اذا فيها بهارات وكل طبخة فيها بصل تقلينه زين

على نار هاديه مع زيت الين يصير البصل شفاف وذابل طبعا

عشان يعطيك نتيجه حلوه ونفس الشي الطماط ولازم تعرفين

البهارات المناسبه لكل اكله وماتصير بهاراتك لاكثيره ولا قليله

ملعقه صغيره تكفي خاصه لاصار في الاكله ماجي وصلصه

وطماط وبعد البهارات العدله زي الدارسين والهيل الحب والكزبره

الحب والفلفل الحب والقرنفل الحب الي هو المسمار للكبسه

والمكرونه المكبوسه ولاتنسين لاتحطين المويه على اي شي

بتطبخينه وهي بارده تقسي اللحم لا حطيها وهي حاره يعني

فويحها اول وبعدين صبيها

واذا تذكرت شي بعلمك اياه ياشيفة المستقبل
اللهم لاتذرني فردا وانت خير الوارثين

كل من تشوف موضوعي او ردي تدعيلي وتدعي لكل مسلمه محرومه باالذريه الصالحه

الله يصبرنا والجميع على الغربه ونرجع لسعوديه سالمين غانمين
ابداي بالسهله

وحبه حبه حتتعلمي


الساعة الآن 03:09 .