فعلا ما شاء الله قهوة البدو أصيلة عريقة

وبلاه الكوفي ميت ماله داعي .....

فيه شي أطيب منه وماخذة الطريقة عن صديقتي البدوية

اللي هي بعد حمسة القهوة تحطين عليها شيبة ومستكة يذوب معها وهي حارة

واااااااااااااا اااااااه يالطعم يصك آخر عرق في راسك شي شي شي

وعاد يبان لما تطحنين القهوة ينطحن معها خلاص مخلوط بها .
بنات انا تركية واسوي قهوة اهل زوجي يقولون كأن اللي مصلحتها بدوية رخصة واستمارة (اهل زوجي من قبيلة العنزي)

اول شي صادقين نوع القهوة والحمسة وطريقة ومدة الطبخ هذولي اسرار طعم القهوة
انا اجيب بن هرري واغسله ثلاث اربع مرات لين احس المويه صافيه .. اصفيه وانشفه واحمسه على نار هااادئة لمدة ساعة ويصير البن اشقر بعدين اطحنه وسط لا ناعم ولا خشن مره ..
نجي للطبخ ..
احط ملعقتين ونص اكل قهوة ولتر وربع ماء ساخن وذرة زنجبيل ومسمار 5 حبات واخليهم على نار هادئة لمدة نص ساعة او اربعين دقيقة واخر 10 دقايق احط ملعقة اكل هيل مطحون طااااازه واسكر على النار واخليها دقيقتين واكون حاطة بالترمس ملعقة اكل هيل وشوية زعفران واصب القهوة عليهم بالترمس وبس
والله بشهادة الكل قهوتي تعديل للمزااااج واللون زي الكراميل اصفر مذهب وفيه لمعة بدون حليب ولا كوفي مت <<< ما كأنك مدحتي قهوتك زيادة

وسوري اذا كنت داخله عرض
الله يجزاكم خير ...

مع اني بدوية ابا عن جد لكن قهوتي تجيب الهم والصداع بعيد عنكم..
وانا من عشاق القهوة لكن لي 3 سنوات والى الان ما زبطتها..

راح اجرب طريقة غسل البن قبل التحميس وان شاء الله تتغير قهوتي..

مشكووووورات..

..لا حول ولا قوة الا بالله العلي العظيم ..
اقتباس مشاركة  (ورد تميم)
شوفي بنسحبك يمين ويسار خخخخخخخخخ
الكوفي بالدله صدقيني جارتنا الغامديه كذا تسوي
والقهوة الزينه بحمسته واحلى قهوة قهوة
شمريابعد حيي قال ايش اطبخ الكوفي هو حليب

هههههههههه

ياشين اللي يرد وهو ما يدري !!

إي يا قلبي الكوفي ميت حليب !! هههههه حليب مسحوبة منه بعض خواصه ومضاف له زيت وسكر و... !! والدليل اقرئي المكونات اللي عليه وتعرفين ! ودليل ثاني إن بعض الناس يضيفون الحليب بدلا منه ويعطي نفس النتيجة ((( التبييض ))) !

والنعم في شمر وغامد وتميم يا بعد حيي


اقتباس مشاركة  (كوكب 11)
احلى قهوه قهوة شمر هاه
ياملي
انا اشهد
ولو اني ما بعد ذقت فهوة شمر
بس اكيد انها حلوه



كلام العنود العنيده صحيح
فيه عند ي عنها اختلاف بسيط


الترمس والدله اذا هي جديده
ما تضبط فيها القهوه
انا اذا شريت ترمس او دله جديده
اصلح فيها واكبه .... لما احس انها خذت ريحة الهيل ..... اللي اذا
فتحتي دولاب الترامس ..... ما تقاومين ريحتها ..... لازم تصلحين لك قهوه تمخمخين عليها

لا تطحنين كميه كبيره من الهيل والقهوه
تروح ريحتها
مطحنة الهبل والقهوه ما تطحنين بها اي شي ثاني ابد
وتحطين علبة الهيل والقهوه المطحونه وغير المطحونه في دولاب
مستقل ..... الافضل ما يكون في المطبخ
ما جنبه شي يعطي نكهه او ريحه
حطيها بعد الطحن في عليه محكمة الاغلاق

اللي ما ذكرتوه وبمكن تضحكون
اني اغسل القوه اول ما اشتريها
يطلع منهالون يخرع
واخليها تنشف بعدين احصمها
والله يافيها لون اصفر ما يحتاج زعفران الا عشان النكهه
والا اللون روووووووووووعه
ولا احتاج كفي ميت
يالله ذوقينا قهوتك
موفقين
وأنا معك في الاختلاف اللي ذكرتيه عن غسل القهوة وكيف حفظها وطحنها أسوي هالشيء ,, لكن الترامس تختلف قهوتها عن الدلة مهما حاولنا وأنا أسوي اللي تقولين أغسلها وأحط فيها قهوة تأخذ ريحتها ثم أتخلص منها وأغسلها أصب القهوة فيها لكن يستمر تغير القهوة ,,, ما تجي مثل قهوة الدلة أبدااا ,, ما تعدل مزاجك ريحتها وطعمها مثل ما تعدله قهوة الدلة ,,,وإذا حبيت تتأكدين سوي لك قهوة في دلة وصبي نصفها في ترمس وانتظري نصف ساعة واشربي من هذي وهذي ولاحظي الفرق << كأني دخلتكم المعمل والتجارب


مو كأني شانة حرب على الترامس <<<



عموما مهما اختلفت الطرق القهوة العربية القديمة هي اللي تكون من غير إضافات ! والمنكهات باختلافها أضافوها الناس للتغيير والتطوير لكن يظل الطعم الرايق هو طعم القهوة العربية في صورتها الأولى دون إضافات



دمتن في مزاج رايق
أداري السفيهَ ولا أغضبُ ... ويَهذي المُسئُ فلا أعتبُ

هلا العنود

اقتباس مشاركة
لكن الترامس تختلف قهوتها عن الدلة مهما حاولنا وأنا أسوي اللي تقولين أغسلها وأحط فيها قهوة تأخذ ريحتها ثم أتخلص منها وأغسلها أصب القهوة فيها لكن يستمر تغير القهوة ,,, ما تجي مثل قهوة الدلة أبدااا ,, ما تعدل مزاجك ريحتها وطعمها مثل ما تعدله قهوة الدلة ,,,وإذا حبيت تتأكدين سوي لك قهوة في دلة وصبي نصفها في ترمس وانتظري نصف ساعة واشربي من هذي وهذي ولاحظي الفرق << كأني دخلتكم المعمل والتجارب [/b][/color][/size]


مو كأني شانة حرب على الترامس <<<
تصدقين ان امي عسى ربي يحفظها ويعافيها ويخليها لي
ما تشرب القوه الا في دله ..... لا ولاهيب دلة السيف \
رسلان كان تعرفينه
حتى اذا رحنا للاستراحات
نجيبها لها ونصلح لها طازه



خلصت القهاوي
من يقهوينا




الساعة الآن 10:18 .