بالنسبه لي انا عملت مقابله .


تدرين ايش المقابله
اولا عطاني المدير ورقه اطبعها على الكمبيوتر حتى يشوف سرعتي في الكتابه .ولازم تكوني سريعه في الكتابه والورقه مرتبه.

(2) واختبار اللغه .

(3) يقول لك اكتبي رساله من اسلوبك.
مشكورين بنات وما قصرتو كل من همسة حلوة و كلام الحب

تحياتي

دربكمممم خضر


عشوقة



بس يعني لو انتو كسكرتيرات يعني في شركة كبيرة يعني شنو انتي تعملي علشان تترقي يعني وش نوع الاعمال الي تخلي المدير يرشحك للترقية وشكرا للجميع
مرحبا

حبيبتي انا وظيفتي سكرتيره يعني وصلتي خير

راح اقولج شنو طبيعه شغلي بس بوزاره حكوميه مو بشركه خاصه وما سووا معاي مقابله ولا شي

اول شي انا اداوم قبل الموظفين لان مرات مديري يداوم مبكر يشوف منو يتاخر او يكون عنده شغل وما يبي احد يدري عنه وانتي تدرين ان السكرتيره حافظه اسرار المدير
حاولي تكسبين مديرج من اول شي
ونهايه الدوام احاول اطلع متأخره لما اخلص كل شغلي واشوف البنات اللي معاي اطلعوا كلهم لان احنا مو وايد تقريبا 18 بنت بس موزعين على الاقسام

ملف البريد للمدير لازم تعرفين شنو اللي ينحط بالبريد وشنو اللي ما ينحط يعني ماله لزمه وبعد التوقيع عليه حطي لكل كتاب رقم واحتفظي بنسخه عندج لوقت الحاجه

السجلات اللي انتي ماسكتهم لازم تجلدينهم يعني وتزينينهم حاولي تبتكرين اشياء من عندج بالملفات والسجلات الموجوده عندج

اذا كان مسموح عندكم انتي اللي توزعين البريد علشان تعرفين كل الموظفين لاني انا اللي اوزع البريد عندنا بالاداره

اذا كنتي فاضيه وما عندج شغل حاولي تتعرفين على شغل غيرج وتتعلمين

وحاولي كثر ما تقدرين انج تعرفين كل شي عن الاداره

حتى الاخبار اللي من تحت لتحت هههههههههه انا احب هالسوالف

بس دري بالج عن فلان قال وفلان سوا كذا يعني وكاله يقولون

يعني شوفي وسكتي علشان لا تطيحين بمشاكل انتي في غنى عنها

هذا للي في بالي الحين

وبالتوفيق ****لله

ايه تذكرت احتمال يسالونج وين اشتغلي قبل او شنو تعرفين عن السكرتاريه

يلا حبيبتي صدعت راسج معاي

باي
ام فاطمه الزهراء
(1) انا اشتغلت سكرتيره لمدير بنك اول شي عندي تليفونيين واحد خاص بالمدير والثاني للتحويلات .

يعني لازم اكون اعرف اللباقه في الرد واعرف تحويلات الموظفين.

(2) استقبال ايميل المدير وقراءته ومعرفه ما يحتويه وطبعا كله بالانجليزي.

(3) ترتيب ونظافه المكتب.

(4) استقبال ظيوف المدير ومحادثتهم بالباقه .

(5) خدمه المدير وعملائه في مكتبه.اي عندما يطلبني المدير في المكتب اترك كل العمل وعلى طول

على مكتب المدير.

(6) حفظ موبايل المدير في حاله عنده اجتماع خارج المكتب اعطاء رقمه للعملاء vip وزملائه.

(7) التغطيه على المدير في حاله تأخره فمثلا اذا تأخر واتصل مدير شؤون التوظيف من الفرع الرئيسي
حاولي تتصرفي .( بصراحه انا كنت لا اعرف واوقعت مديرنا في مشكله عندما قلت انه غير موجود)

بصراحه قدمت استقالتي لاني كرهت مخالطه الرجال وقرف عملاء المدير وكثرت طلبات المدير وثقاله دمه .
دائما يمدح نفسه وبصراحه يكذب كثير لا اعرف لماذا. الله يهديه.


الساعة الآن 03:55 .