?
سلام بنات
مشكورة حبيبتي كلام الحب وعشق 23 وهمسة حب والله افدتوني
والسموحة منكم لاني ما رديت على مشاركتكم كان عندي شوي ظروف بعيد عنكم
والله ما ادري شلون اشكركم ...

يعني ما عليه بعذبكم اكو منها ندردش ومنها يعني اخذ منكم خبرة يعني ومنكم نستفيد
يعني شنو نوع البريد الي يجيكم لو كان مسجل او مستعجل وكان مديرج غير موجود او اي بريد كان شلون يعني تتصرفين وشلون يكون تصميم ورقة الي تسجلين فيها البريد
وبعد سؤال اخر يعني لو ان ياتج رسالة لازم يرد عليها المدير وهو غير موجود مثلا مسافر شلون تتصرفين في هالحالة

مسامحة بس ما ابي اثقل عليكم بالاسئلة وعشق23 تراج انتي على الراس من فوق والله فرحت بردج ورد البقية من الشابات الله يخليكم يارب ولا تخافون انا اقرأ وانا فرحانه لانكم رديتو على موضوعي

ودررربكم خضر

عشوقة


واذا عندكم المزيد امطرونا لا تبخلون
عاشقه الدار مشكوره وما قصرتي ويسلم راسج يا الغاليه

شوفي قلبي البريد انواع

مرات من نفس الشركه اللي انتي فيها يعني معاملات تحتاج لتوقيع المدير علشان يرسلون الموظفين هالمعامله لبرا الشركه او لشركه ثانيه (( ****لله اوصلت المعلومه ))

وفي معاملات تجي لج من برا الشركه يعني واحد متعامل مع الشركه او شركه ثانيه متعامله مع شركتكم ولازم يشوفها المدير

اما بخصوص اذا كان المدير مو موجود او مسافر
اهو اكيد بحط مكانه واحد ثاني

انتي شوفي اذا كانت المعامله عاديه مشيها وحطيها بالبريد او اذا كانت سريه ولازم يشوفها المدير او ما يبي احد يشوفها خليها عندج او اذا قدرتي اتصلي فيه وساليه


مره كان مديري باجازه وكان مساعد المدير اهو اللي ماسك مكانه بالتوقيع وكل شي جاني المدير على يوم وسالني عن معامله تخص الموظفين توصله هالمعامله من المدير العام قلت له للحين ما اوصلت قال لي اذا اوصلت خليها عندج ولا احد يشوفها ولا يدري عنها ويوم اوصلت خليتها عندي واتصلت فيه وقلت له قال لي زين لا احد يدري
قلت له اوكي حتى خليت المعامله بسيارتي ما نزلتها المكتب حتى اللي معاي بالقسم ما كانوا يدرون عنها شي

قلت له انا بطلع اجازة اشلون اعطيك اياها قال لي مو مشكله داومي عطيني اياها وطلعي بس

لازم تتعلمين اسرار السكرتاريه وتكونين حريصه على اسرار المدير

وبعدين على حسب الشركه لها كذا مدير

مثل المدير العام
مدير الشئون الماليه
مدير شئون الموظفين

انتي شوفي تبع اي مدير


اي سؤال انا حاضر

وسامحيني على القصور

تحياتي
عشق 23
ام فاطمه الزهراء
بالنسبه لى انا كان مديرنا مع الاسف مع عنده اسرار كل شي يقوله

والعيب مو منه من ان المكتب كا كله نساء ههههههههههههه

فتعلم الكلام منهم ويعرف كل شي حتى اعياد ميلادهم يعني يهتم

بالاشياء العاديه . ولا يحفظ سر اي عميل مع الاسف . مو مهم

البريد عندي كان عباره عن بطاقات ائتمان توصل باسم المدير

او بريد الكتروني لازم اعرف مضمونه ويوقع عليه المدير واوزعه على

الموظفين او دفاتر شيكات باسم المدير لعملائه وكان يطلب مني اكلمهم

وابلغهم ان الشيكات اوصلت وطبعا في ناس كثير ما عندهم صناديق بريد

فالمدير مستغل بريد البنك لمصالحه الشخصيه ههههههههههههههه

واذا كان المدير مسافر او في اجازة طبعا يكون في شخص مكانه

بس انا الى على اشوف الايميل واستلم البريد واتركه الى عوده المدير.
سلام بنات

شخباركم بصراحة ما ادري شنو أقول اخجلتوني لانكم ما نسيتوني ويعل عيني ما تبجيكم ان شاء الله ...
مشكورة كل من الأخت العزيزة عشق 23 و الاخت العزيزة كلام حب
وما اقدر اوصف لكم شعوري من الامنتان والشكر الجزيل ...

عن البريد خلصنا موضوعة كفيتو ووفيتو ... الحين نجي عن موضوع الاجتماعات بالموظفين واذا قال لج المدير ابيج تسوين اجتماع طارئ لجميع موظفي الشركة وسكت عنج يعني انتي شنو تكتبين في الميمو علشان توصلينها واذا كانت الشركة كبيرة شلون توصلين لهم الخبر عن الاجتماع .. وآخر شي شلون تكتبين تقرير عن الي صار في الأجتماع

ومشكورين للمرة الثانية يا الغاليات

مع حبي وإمتناني


تحياتي

دربكممم خضر
عشوقة






الساعة الآن 09:57 .