تقبل الله منا ومنكم صالح الاعمال

كأني مستعجله على العيد

ودي اعرف منكم حبيباتي ما هي عاداتكم في فطور اول ايام العيد

فطورنا عباره عما يلي : بلاليط بالبيض - نخي ( هو الحمص الكبير المسلوق )

باجلا ( هو مثل الفول بس حبته كبيره ويكون مسلوق فقط )

درابيل مع الشاي والحليب - خبز التنور ضروري بعد الانقطاع تقريبا خلال الشهر الا للتشريب

وفيه بيوت يطبخون مجبوس دجاج او لحم للفطور


و طبعا قبل صلاة العيد لازم نفطر على تمرا تطبيقا لسنه حبيبنا محمد صلى الله عليه وسلم


يالله يا خواتي ناطرتكم :
time:

احنا نفطر نواشف جبن زيتون حلويات منها حلوى مشهورة اسمها الدبيازه عبارة عن مكسرات مع قمر الدين وتطبخ على النار والبعض يفطر الزلابية واللقيمات و....غيره
كل عام وانتم بخير
احنا نفطر بيض جبن زيتون وخبز إيراني
السلام عليكم
اختى الغالية اول شى عيدكم مبارك مقدما وبعدين خلى الفطور يكون خفيف اول يوم لان المعدة مومتعودة وانا من طرفى بعد انتهاء صلاة العيد مع اعيالى نمر على المطعم واشترى الفلافل والخبز الحار والمتبل والحمص والمسبحة ادرى راح تضحكين راح تقولين عفية راحة حق المعدة
وهناك بعض الاسر يطبخون الذبيحة ويسمونها عيدية الصايم
اختي زهرة النوير

عيدج مبارك مقدما...وكل عام والجميع بخير

بالنسبه لفطور العيد...حسب ما نسمع من جداتنا وامهاتنا ان ايام قبل كانوا يطبخون عيش من الصبح وكل عايله تحط غداها برا بالفريج وكل من يمر وياكل

لكن الحين الحال اختلف......(صرت ابلة تاريخ)

احنا قبل كنا نطبخ عيش ..والعايله والاهل يفطرون فيه من الصبح


بالنسبه لسؤالج: اتكلم عن نفسي....بما ان احنا مركز العايله والكل يجي يعايد عندنا...ف قبل العيد بيومين نكون مشتطين حدنا
نزهب بعض خلطات السندويشات ونخليها بالثلاجه....وليلة العيد نحشي السندويشات...عشا صبحيه العيد اللي يبارك ويخلص..يروح يتريق...

راح اقول لج بعض الخلطات:

بيض محموس مع ملح وفلفل اسود

بيض وبصل

خلطه الجتني بجوز الهند

خلطات جبن ابيض وجبن اصفر(مع زيتون).......
(الابيض:طمام وهوت سوس...او فلفل بارد ملون ونعنع مجفف.....الخ)

سندويشات مرتديلا....

سندويشات فول

سندويشات كبدة(محموسه)

سندويشات بزاليا...

سندويشات فلافل(نسويها ليله العيد عشان لا تخمر)


(ماشاءالله لا قوة الا بالله)...

هذا غير بعض صحون الحمص والنواشف للي يحب يحشي حسب الرغبه

المشروبات:

حليب شاي وهيل وملحقاته(درابيل. .لسان الثور....بسكوت)

حليب كاكاو بارد(لليهال)

شاي/قهوة(تمر....رهش...ح لوى)

سفن آب/ببسي

عصير برتقال طازج(هذا بس للنخبه....اول ناس تبارك)

عصير تانك


يعني ,....هالطريقه......ش لات خفيفه وسريعه

وبس
وعساكم من عايده


الساعة الآن 08:01 .