السلام عليكم ورحمة الله وبركاته
لمى الحبوبة
أختي الصين ...لابد أن تعرفين وين بتنزلين يعني بأي مدينه
فكوانزو هي المدينه التجاريه القريبه من هونج كونج
والشعب الصيني لايتكلم الانجليزيه
لابد من التوجه لمكاتب الترجمه والاتفاق مع مترجم تاخذينه كل يوم معاكي
من الصباح الى المساء
وهو بدوره تقولين له السلعه الي تبينه وياخذج لمحلات الجمله او المصنع
وطبعا بتمبهرين من الاسعار
لانها ارخص من تايلند وايد
عملتهم اللمبي
ولكن لابد من اخذ دولارات معاكي ودايم خلي المترجم يصرف الفلوس وانت معاه
لان التزوير منتشر بشكل كبير
عندهم الشنط النسائيه والنعل عزج الله والاكسسوارات والمحفظات والكريمات النسائيه
شوفي الاسعار ما ادري شقولج عنها من رخصها مثلا 3 نعل بريالين شنطه ومحفظه وميداليه تقليد ماركه
35ريال يعني الاسعار رخيصه ... هذا الي شفناه
أما عن الشحن فالافضل تشحنين بكونتينر 3×4= 3700 ريال تقريبا ماني متأكده
ولكن لا تشحنين من المطار لانه غالي فوق ما تتصورين
بالمطار يسألونج عن تقليد الماركات احيانا
والسموحه منج هذا ما يحضرني الان
الصفحة الأخيرة
ممكن الشنط أو مفارش الطاولات .. اللي تحسين أنه حلو وخفيف ..كمان ممكن تنوعي في البضاعة ..
لأن بدايتك راح تكون في البيت ممكن تعرضين كل اللي تحبين ...
والله يوفقك ...