السلام عليكم ورحمة الله وبركاته

كيف حالكم بنات

انا طالبه الفزعه منكم وهالشي مو بعيد على بنات حواء والكل يشهد لكم

مشكلتي مع عجينة الفطاير بأنواعه اشكل وانوع حشوات بعد ما اطلعه من الفرن انصدم القاه شبه يابسه موطريه ابد ولله انقهر كل الظهر ا
اشتغل حر وتعب بالنهايه القى انواع التعليقات من اهلي اهي اهي اهي

عاد قلت ابسالكن عن عجينة العشر دقايق شرايكن فيها انا قريته هذي مقاديره
5 كاسات دقيق
2 كأس ماء دافئ
1/2 كاسة زيت
2 ملعفة كبيره حليب بودره
2 ملعقة كبيره خميره فورية
1 فنجان قهوه سكر
رشة ملح

انا مافهمت الحين حنا نخلط كوبين دقيق و
بالبدايه ثم نضيف 3 اكواب بالنهايه صح طيب الكميه مو كبيره على الماء ولا وش قصدهم بالكاس كاسه يعني لان كمية الماء شويه ع الطحين ماتنعجن ابد

يااااااااااليت وحده تشرحه لي بالتفصيل ولو في صور زين ع زين

جزاكم الله خير استنى الردود ع الحر من الجمر ونفسي اسوي بيتزا وفطاير بكرا الجمعه وابهرهم بالنتيجه
14-06-1431 هـ, 01:30 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اتوقع انها تنشف يمكنك تكثرين السكر
انا من رأيي انك ترسلين عالخاص للي كاتبه طريقة عجينة العشر دقايق
بالتوفيق
14-06-1431 هـ, 02:41 صباحاً
 
هلابك
اول شي نفس المقادير اللي كتبتيها
لكن تخلطين السكر والخميره و2 كاس دقيق و2كاس ماء دافي والحليب البودره وتخلطينها زين وتتركينها 10 دقايق
ثم بعد العشر دقايق ترجعين تضيفين 3كاس دقيق واذا حسيتي انها ماتماسكت زين زيدي دقيق على الاقل نص كاس ونص الزيت وتعجنينها زيييييين قد ماتقدرين اعجني وحاولي تلتين العجين حتى يطلع الهواء اللي فيها
تقدرين تستخدمينها على طول او اذا ماانتي مستعجله اتركيها ترتاح وهذا الاحسن
لكن في جميع الحالات رائعه.....وبتتغير نظره اهلك

اتمنى لك التوفيق
14-06-1431 هـ, 03:09 صباحاً
 
هذي طريقتي
2 ك دقيق
2 ملعقة حليب بودرة
خميرة +رشة ملح+ملعقة أكل سكر
فنجال شاهي زيت
أعجنيها زيييييييييييييين حتى يتشرب الدقيق كل الزيت و يصير رملي =يتفتفت
بعدها
ابدي حطي موية دافية و اعجني لين تتكون عندك عجينة راخية و مكورة و متماسكة
غطيها و خليها تختمر ساعة (اذا مكانكم حر)
و اذا نفشت ابدي اعجنيها
و لا تخلينها تطول في الفرن عشان لا تنشف
أذا طلعت ناشفة من الفرن حطيها في حافظة مبطنة بمناديل و سكري عليها عشان ترجع تلين مرة ثانية
و بالعافية  
14-06-1431 هـ, 03:15 صباحاً
 
حياتي استخدمي هالعجينه ممتازه قليله فيها
كاستين دقيق
ثلاث ملاعق اكل حليب بودره
ملعقه طعام خميره فوريه
رشه ملح ورشه سكر (احيان ما احط سكر)
فنجان الشاي (بياله)زيت
وبسسسس
واذا عندك بيكربونات الصودا .حطي ملعقه شاي على الدقيق
طبعا تخلط النواشف سوا ..وبعدين الزيت..والماء
الماء حطي شوي شوي حتى تلاقي عندك عجينه متماسكه ..وبس ياقلبي ان شاء الله تضبط معاك
14-06-1431 هـ, 03:25 صباحاً
 


الساعة الآن 09:52 .