انا بتزوج بعد شهر تقريبا وبسكن مع اهل زوجي وانا مااعرف اطبخ حق عائله كامله لان في بيت اهلي عائله صغيرة وماكنت اطبخ واذا طبخت مرات يكون اكلي زين ومرات لا ؟؟ وخاصه العيش ومقياس الماي يذبحني

وابي لو تساعدوني وتعطوني الاكلات الرئيسية وهم ابي البهارات والبزارت اللي تعطي للاكل نكهة واسفه على الاطاله
وانا اختكم واستاهل والا شلون ؟؟؟
24-09-1425 هـ, 09:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لاحبيبتي تستاهلي ونص انا باقولك ايش تسوي شوفي (انا متزوجه لي 3اشهر واتخيلي كمان رمضان دخل عليا وكمان عند اهل زوجي انا ساكنه بس الطبخ حتتعودي عليه لاتشغلي نفسك بيه خصوصا في الحين وبالنسبه للبهارات انا استعمل الفلفل الاسود والملح والماجي الابيض والبزار الاصفر احيانا واحب اضيف لاكلي قليل سكر فلفل احمر حار وملح ليمون يعني هذا اهم شي عندي انتبهي انك تكوني طيبه مع اهل زوجك ولا تقولي له اذا حاجه زعلتك منهم وخليك ساكته تكبري بعدين في نظرهم وخاصة نظره بس حبيت اقولك نصيحه مني تتذكريني بيها يوم القيامه واذا حبيتي تستفسري عن اي شي اطلبيني بس واحاول اساعدك اسفه اني طولت عليكي تحياتي لك عزيزتي)
وزواج سعيد
:24:
25-09-1425 هـ, 03:56 صباحاً
 
حبيبتي العيش مب مشكله .. وان شاء الله بتضبطينه مثل ما انا ضبطته خخخخخخخخخخخخ

الله يسلمج العيش اذا سويتي 3 اكواب عيش.. حطي 3 اكواب ونص ماي.. يعني نفس مقدار العيش وزياده نص..

وبأذن الله بيضبط معاج .. انتي جربيه قبل لا تعرسين
25-09-1425 هـ, 06:12 صباحاً
 
اختي همس_النسيم
مشكور على كلامك الحلو و****لله اتذكر كلامج و****لله ما اتفشل بس جدامهم

هلا بختي غزلان الصحاري
من بئك لباب السما ****لله اضبطه دعواتج بس
25-09-1425 هـ, 08:53 صباحاً
 
شوق احسن شي تسوينه اخذي كتب المطاحن

فيها وصفات تجنن ومضبوطه

وعندج بعد كتاب الضيافه حق هدى خالد وايد حلو ومضبوووووط وانا مجربه منه اكثر من طبق

بالنسبه للبهارات تختلف

يعني اخذي صفار الزعفران عشان يصير لون عيشج اصفر او حطي زعفران عشان تطلع ريحة العيش حلوه

وعندج الكركم الناعم وعلبة الكاري االلي لونه اخضر بس هذا ما يمشي مع كل الاطباق

واخذي بهارات مكتوب عليها هذا حق شنو وهذا حق شنو مثلا هذى البهارات حق الدجاج وهي للحم وهذى للسمك وغييييره

وبالنصبه للحشو طبعا هو يكون من البصل والكشمش والليمون الاسود وقليل من الملح والكركم وقليل من البهارات المخلوطه وحطي معاه صنوبر... عشان يصير الذ

والف مبروك على الزواج وانتي عروس لا تشيلين هم المطبخ من الحييييييين





25-09-1425 هـ, 09:05 صباحاً
 


الساعة الآن 09:03 .