Analysis Services
السلام عليكم

كيف الحال خواتي عساكن بخير

حبيت اليوم نتكلم عن موضوع مهم وخاصة في زمنا هذا..الأكل الزايد في المناسبات من بوفيهات بيوت أو أعراس أو عزايم الجمعة أو الأكل اليومي..كيف تتصرفون معاهم؟
كلنا محاسبين على الأكل اللي يزيد يوميا وحتى الفتافيت..فشو تسوون فيهم؟
14-06-1431 هـ, 05:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يجزاكي الخير فكره حلوة

بالنسبه لي احطها كم يوم بالسطح عشان الطيور تاكلها تعفن ولا ياكلونها وبالاخير اكبه

هذا الرز اللي يبقى من الغذاء او العشاء

لان زوجي مايحب التسخين اما اهلي عادي يسخنو بعدها بيوم وياكلونه

اما الدجاج احاول افتته واحطه بالفريزه اما للمعجنات والفطاير او الايدامات او صينيه الخضار يعني اقدر اتسرف

والرز بعض الاحيان اذا كان كثير احاول اصلح صينيه الرز وبينها خضار ودجاج ورز وبعدين احط علبه قشطه مع كم ملعقه جبن كاسات واحمرها احاول اني مااكب من النعمه بس لازم يزود منها ونرجع للكب

والله يغفر لنا والحمد الله والشكر على كل حال
14-06-1431 هـ, 05:52 مساءً
 
هلابك اختى

موضوع روعه

الرز ممكن ماختلف كثير عن طريقة التصرف فيه

الا اذا كان في العزائم حطيته في صحون وزعنه على عمال المساجد او البقاله احيانا يجون يأخذونه المهم يكون محمى ومزين ونظيف مع

بعض الاشياء الي تبقي مثل حلا او سلطه او مشروباااااااااااااااااااات واسمعي الدعاء لك ولاهل البيت ............

ام بالنسبه للبيت باقي الرز لسطح لطيوووووووووووور والعصافير ولا تنسين تنظفين السطح في كل مره وتحطين جنبهم وعاااااء ماء

والدجاج اواللحم يفتت وعلى طول للفريز للحشوات الفطائر او المعكرونه او الصواني

بقايا الكيك اطحنه وعلى طول الفريز لوقت الحاجه لحلا يطلب كيك مفتت

واذا كان عندي قهوه رجاااااااااااااال لزوجي

لاتنسين جيرانك تذوقينهم ...................اكيد بنبسطووووووون حيل

والخضار اذا كانت كثيره افرزنهااااااا لوقت الحاجه

والخبز اذا كان في حاله جيده احمصه على الخفيف وعلى الطاحونه واطحنها وعندك بقسمااااااااااط جاهز

وتقدرين تحفضينها بالفريز والتوست قطعيه مربعات وحمصيه وجاهز لسلطه وكذلك الصامولي للحلويات

واذا كان معدوم شوي خليه في كرتون او خيشه وطلعيه مع الزباله وانتم بكرامه وبتلقين الي بياخذه للي عندهم غنم

او احد من اقاربك كل فتره ويجي ياخذه..............

اسفه على الاطااااااااااااااااااااااااااااااله بس حبيت اكتب الي عني عشاااااااااااان الكل يستفيد...........
14-06-1431 هـ, 06:07 مساءً
 
أشكرك على الموضوع المفيد وأنا توني الان قريت في قسم الحلول والتجارب المنزليه نفس الموضوع لأخت

أسمها sweet Heart طرحت فيه فكره حلوه للتخلص من بقايا الاكل وهي بأختصار تضع بقايا الاكل في كيس

وتضعه في الفريزر ويكون تحت الكيس صحن او علبه بلاستيك لمدة أسبوع بعد كذا في نهاية الاسبوع

يأخذه زوجها للبر إذا طلعوا ....وفي الفريزر بالتحديد عشان يجمد وما يطلع ريحه لأنه لو حطيتيه في الثلاجه من

تحت راح يطلع مويه وريحه وعفن ...
14-06-1431 هـ, 06:09 مساءً
 
ماشاء الله عليكن كل وحدة طريقة حلها افضل من الثانية
عجبني اعطاء الرز الزايد على السطح للحمام..افضل طبعا بمليون مرة من عقه في الزبالة الله يكرمكن

مثل ما قالت وحدة من الخوات حواف التوست يصير بقسم بالطحن
وبعد الاكل الزايد للجيران ويا حظ اللي جيرانها ناس على قدهم وعندهم يهال وايدين بصدق تحسين بانجاز لما تعطين الاكل لجارك وهو جوعان وبعدين يدعيلك ويمدح اكلك
وبعد يصير نعطي البواقي للهوش اكرمكن الله او لهوش الجيران

لي عودة ان شاء الله واتمنى من كل الخوات المشاركة
14-06-1431 هـ, 07:06 مساءً
 


الساعة الآن 03:48 .