السلام عليكم خواتي انا عضوه جديده واستفدت من هالمنتدي يعلم الله والي ابي منكم طريقه عجينه طريه وانا صراحه توني متزوجه ومقبله على رمضان ومتفشله من حمولتي لاني ساكنه فوقهم واكيد ابفطرمعهم والمشكله قد جربت بس فشلت طلعت يابسه لازقه بالصحن تحطمتومعاد عدتها تكفون ابي الطريقه والاساسيات للعجينه وعجنتها يعني بالعربي ابي وحده تعرف للفطاير وتعلمني باالتفصيل الممل ادري ابغثها بس تحملوني فاشله بالفطايروالا باقي الطبخات اعرفها الله يرزقها ماتمنى الي تساعدني بالفطاير واذكرها بالدعاء كل ماظبطت>>>>>>>>قرقت حيل السموحه

عجينة العشر دقائق روعه وسريعه انا اعتمدها دئما زي القطن
ابحتي عنها في المنتدى وفيه بالصوره



قال الحسن البصري:
اكثروا من الإستغفار
في بيوتكم وعلى موائدكم
وفي طرقكم وفي اسواقكم
وفي مجالسكم اينما كنتم
فإنكم ما تدرون متى تنزل المغفرة..



عندك عجينة العشر دقايق جربيها وبتظبط معك ان شاالله ..


واذا تبين كميه قليله .. هذي طريقتي والحمدلله مرتاحه لها مره وتنجح معي ..


في الخلاط :


كاس مويه دافي / نص فنجال سكر / ملعقه ملح / ملعقه كبيره خميره / فنجال حليب بودره / بيالة زيت


اخلطيهم ثم حطيهم على كاسين دقيق واعجني بتلزق العجينه في يدك ظبطيها شوي زيت وشوي رشة


دقيق لين تطلع معك لينه وملسا وماتلصق بااليد .. خليها ترتاح من ربع الى نص ساعه


وبعدين اشتغلي عليها ..


وووبس ^^
معجناتي 3×3 بالصور قطنه وتجنن##
بسم الله الرحمن الرحيم

حبيباتي انا سويت هذي المعجنات واللي مشهوره ا نا فيها وربي اني لما اسويها واروح عند احد الا الكل يسئلني عن طريقتها !!
طبعن انا اختها من جارت امي قبل 6 سنوات ولا حاولت اغيرها ابد وهي ان شاء الله ضبطه معك بس امشي على طريقتي !!
بنات انا سويت فيها تعديل بسيط زي ماهو موضح بالبن والزبادي
انصحكم تجربوهاااااا خيال العجينه يوم اضفة لها البن والزبادي والله صارة محافضه على طراوتها 3 ايام والله

المقادير $
3 اكواب دقيق $3 ملاعق كبار حليب بودره$ 3ملاعق كبار سكر$ 1ونص ملعقه خمير $نص ملعقه صغيره بيكنج بودره $ربع ملعقه صغيره بيكربونات الصوديوم سر العجينه $رشة ملح $ربع كوب زيت $نص ماء دافئ او لبن $علبة زبااااادي ابو ريال

الطريقه$
تنخلى المقادير الجافه كلها مع بعض %%دقيق وحليب وسكر وملح والبيكر بونات الصوديم والبيكنج والخميره %%بعد نخلهم اضيفي لها الزيت والزبادي وبعدين الماء او البن واعجنيهم زين راح تصير مع زي اللبانه وماتلصق معك وخليهم تخمر
ساعه بعد الساعه خذي العجينه وشكليها انا سويت صفيحة لحم وفطاير جبن ودجاج بالخضار بعد التشكيل خليهم يخمرون
كمان ساعه وكمان هذا سر ثاني عشان عجينتك تتطلع قطنه وبعدين على الفرن بس لازم يكون حار مايكون بارد
طبعن اانا مسحت فطاير الدجاج والجبن بصفار بيضه وشويت حليب سايل ومسحيبها الفطاير وبالعافيه

جربوها خيااااااااااااا ااااااااااال والله العظيم



الصور المرفقة

اذا مو متوفر عندك البيكربونات الصوديوم سويها بدونه عادي



عندي طريقة عجينة سهلة و لذيذة وقطنية وكل الي ذاقوها انهبلو عليها المقادير 3كاسات دقيق 3ملاعق حليب بودرةملعقة كبيرة خميرة ملعقة صغيرة باكينج بودر فنجان سكر رشة ملح ربع كاس زيت كوب وربع ماء دافي تعجن وتترك ترتاح لمدة ساعة ملاحظة تستعمل لجميع انواع المعجنات البيتزا والفطاير والسينبون الي تجربها وتعجبها تدعيلي لاالة الا انت سبحانك اني كنت من الظالمين


الساعة الآن 02:16 .