السلام عليكم
انا يابنات ياأمورات
في مدرسه جديده
وابي افطر المعلمات
حاجات بسيطه وكشخه
وتشبع اهم شي ههههه
فابي أفكاركم المبدعه
لأنواع حلوه للفطور اللي تبيض الوجه
الله الله بالردود يالسنعات
بارك الله فيكم وأعمالكم ومنتداكم
للمعلوميه اول مره ادرس واشوفهن ناشفة بطونهن من ذا المعلبات لأني مابفطر معهون هه
فقلت اخذ اجر واسوي روحي سنعه هههه
يالله ردن علي وعجلوا يالبى قلوبكن
سوي لك نوعين حلى قهوة ,,




سوي سنبوسه بف او معجنات + ورق عنب + سندويشتات شاورما




وادخلي قسم المعجنات واختاري اللي يعجبك ,,,
ربِّ َهَب لَي غُلامًا زَكِيًّا، واجعله اللهم مُبَارَكًا أَيْنَ ما كان، وأعِنه على الصلاة وَالزَّكَاةِ مَا دام حَيًّا، وَبَرًّا بِوَالِدَيه وَلا تَجْعَلْه جَبَّارًا شَقِيًّا"
أشتري فطاير من محل حلو يواجه من كل الاشكال
وجيبي عصير وتبولة

وعقب لا عاد تسوين عزايم بالمدرسة ... من خبرتي الشخصية مو حلو عزايم المدرسة ..
ممكن الموجهة تكتب فيك تقرير مو حلو
ولا تدخلين في تنافس مع الحريم ( الأبلات )
وممكن الطالبات ينقدون عليكم يقولون ما يدرون عنا بس يفطرون
خليكي بعملك وبس والعلاقة جداً عملية بين الزميلات

يعني مو مشكلة مثلا تخلين الخالة تسوي قهوة و انتي تجيبين شوكولاته و تحطينه على الطاولة بالإدارة ولا بغرفة المدرسات
من فترة لفترة مو دايم


و بالنسبة لفطورك لحالك
جيبي معاك يومياً ساندوتش و عصير أفيد لك
و لا سوي لك كوب شاي واحد بالمدرسة
وخلي فطورك صحي

هذي خلاصة تجربتي
و هذا رأيي قلته من حبي لك
وياليت ما تزعلين
دعواتك يالغلا
سمي امري
انا من الرفلات ههههههههه
امزح <<ايه هين
امممممممممم
يمدحون الخبز والجبن واذا معه بيض مقلقل يازينه
وجيبي عصير واذا فيه كلافه يشربن من ماء المدرسه
بس انتي جيبي اكواب عشان مايشربن من ايديهن <<عشان الايتيكيت
هع هع هع هع هع هع
واذا تبين تذبحين راس الاسد
جيبي تمر معك
وبس
ماقلت لك سنعه هع هع هع
سوي لك سله كبيره ساندويشات مشكله إريحلك وخوذي هذي من الساندويشات الحلوه واللذيذه


الساندويشات ::::
ساندويش الهوت دوق:::
شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ

ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::



دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه


الساعة الآن 01:58 .